InfoHub Logo

Sabaqtyń taqyryby: «Batyr ata urpaǵymyz!»
Sabaqtyń maqsaty: Oqýshylarǵa Keńes Odaǵynyń Batyry Raqymjan Toqataev erligin dáripteýge, elimizdiń uly batyrlaryn qurmetteýge, úlkenge qurmet, kishige izet kórsetýge, Otansúıgishtikke tárbıeleý.
Kórnekilikter: batyrlar sýreti, naqyl sózder.

Sabaqtyń barysy:
İ. Uıymdastyrý kezeńi:
1 - júrgizýshi:
Beıbitshilik dep salǵan,
Halyqtardyń urany
Qara kúshke jumsalǵan
El jeńimpaz quraly
Tań shapaǵy atqanda
Serpilmeıtin kún barma
Ádilettik qashan da
Jeńbeı qalǵan kún barma

2 - júrgizýshi
Aıqasta jaýdyń alqymyn syqqan
Aqjolǵa qımaı namysty elin
Tólegen, Mánshúk, Raqymjan shyqqan
Qazaqstan Respýblıkam meniń

1 - júrgizýshi:
Erlik ólmeıdi, er umytylmaıdy
Ardager aǵalar, eske alar ótkendi
Ómir úshin maqtan etsin urpaqtary
Jeńis alyp eline jetkenderdi

2 - júrgizýshi:
Urpaqtardyń tiregisiń qashannan,
Ónegeńnen órken jaıdy jas arman
Júrekterge shýaq nuryn shashatyn
Ulaǵatyńnan bala kóńil jasarǵan

1 - júrgizýshi:
Bizdiń mektebimiz batyr ata Raqymjan esimimen atalady. Biz muny ózimizge maqtan tutamyz.
Batyr ata Raqymjannyń ómirbaıanymen tanysaıyq.
Raqymjan Toqataev 1923 jyly 5 - aqpanda Almaty oblysy, Qarakemer aýylynda dúnıege kelgen.
1939 jyly Esik qalasyndaǵy Molotov atyndaǵy orta mektepti bitirip, sol jyly Qarakemerde ashylǵan muǵalimder daıyndaıtyn kýrstyń fızıka - matematıka bólimin bitirdi.
1941 jyly tamyz aıynda Qyzyl armıa qataryna shaqyrylyp, 1943 jyly Ózbekstan jerinen Uly Otan soǵysyna attanady.
Ýkraına, Chehoslavakıa jerlerindegi urystarǵa qatynasqan.
Chehoslavakıany azat etý úshin bolǵan urystarǵa kórsetken erligi úshin 1945 jyly 29 - maýsymda serjant Raqymjan Toqataevqa Keńes Odaǵynyń batyry ataǵy berildi.
1946 jyly qańtarda ásker qatarynan bosap Qarakemer aýylyndaǵy Kırov atyndaǵy orta mektepte muǵalimdik qyzmetin jalǵastyrady.
1946 jyly tamyzda Almatydaǵy Abaı atyndaǵy pedagogıkalyq ınstıtýtqa oqýǵa túsip 1950 jyly bitirdi.
R. Toqataev 1950 - 1988 jyly aralyǵynda Esik qalasyndaǵy Malkeev mektep ınternatynda túrli qyzmetterdi istegen. Uly Otan soǵysyndaǵy erlikteri úshin «Jan qıarlyǵy úshin», medal, «Úshinshi dárejeli dańq», ordenimen nagradtaldy. Pedagog qyzmetinde Qas SSSR, SSSR halyq aǵartý isiniń úzdigi ataǵyna ıe bolǵan.
Qazaq SSSR joǵary Keńesiniń Qurmet gramotasynyń ıegeri.

2 - júrgizýshi:
Bizdiń elimizdi, jerimizdi qorǵaý úshin kóptegen batyrlarymyz erlik jasady.
Qaharman qyzdarymyz Álıa men Mánshúk, batyr uldarymyz Qashaǵan Jamanqaraev, Júnisbaı Qaıypov, Ybyraıym Qaldybaev sıaqty erlerimiz óz Otanyn, jerin qorǵaýǵa erlik kórsetti.