InfoHub Logo

Til ustartý (varıatıvtik )2 synyp

Taqyryby: Tabıǵat sulýlyǵy Abaı shyǵarmalarynda
Maqsaty: Abaı týraly keńinen tanysý
Mindetteri: a) Abaıdyń tabıǵat lırıkasyna arnalǵan óleńderin tyńdaı otyryp, aınaladaǵy kórkemdikti názik sezinip, sheber beınelengen óleńderi arqyly kompozısıa quryp, shyǵarmashylyq qurý.
á) Abaı óleńindegi tabıǵat sulýlyǵyn sezine otyryp súıýge tárbıeleý. Óz Otanyn qurmetteýge baýlý.
b) Óner pánderi boıynsha tabıǵattyń ǵajaıyp sulýlyǵyn qıaldaý, este saqtaý, tyńdaý, úırený, oryndaý qabiletin damytý.
Pán aralyq baılanys: Mýzyka, Ádebıet, Beıneleý óneri
Kórnekiligi: Abaıdyń portreti, úlestirme qaǵazdar, boıaýlar, syzbalar...
Sabaqtyń barysy:

1. Uıymdastyrý bólimi.
Ár ulttyń dástúri boıynsha amandasý.
Qazaqtarda - qol alysyp, tós qaǵysyp amandasady.
Úndistanda - qol qýsyryp, tizesin búgedi.
Zımbabada - bókseni túıistirip, qol shapattaıdy.... t. b

2. Toptastyrý jumystary
a) Oqýshylarǵa A4 kólemindegi paraqtaǵy 4 mezgildiń qıyndy sýretteri berilip, olardy qurastyrý arqyly toptastyramyn.
á) Ár top ózderine tıesili jyl mezgilderine jıyntyq sıpattama beredi.

3. Psıhologıalyq jaǵdaıat
Oqýshy ózi otyrǵan top ataýy boıynsha boıyndaǵy minezin jyl mezgiline sáıkestendiredi. Máselen:- Men únemi jaz mezgilindeı jaınap júremin...

4. Sabaq jelisin habarlaý
M:- balalar, bizdiń búgingi sabaǵymyz ádettegiden erekshe tabıǵat aıasynda ótpek. Bárimiz jaıǵasyp otyryp alsaq, myna óleń joldaryna nazar aýdaraıyq. (Óleń oqylady)
- Uıyqtap jatqan júrekti án oıatar,
Ánniń tátti áseri meni oıatar... nemese,
- Qarasha, jeltoqsan men sol bir eki aı,
Qystyń basy bir erte, bireýi jáı...,
M:- bul kimniń óleńi joldary?
O:- bul uly aqynymyz Abaı atamyzdyń óleń joldary
M:- árıne, atamyzdyń basqa qandaı án, óleńderin bilesińder?
- Abaı óleńderi kóbine qandaı taqyrypqa arnalǵan? (oqýshylardan jaýap alynady.)

4/1. Negizgi bólim
- Ia, balalar, Abaı - alǵash qazaq ádebıetine tabıǵat lırıkasyn engizdi. Ol jyrlaǵan tabıǵat túr jaǵynan, mazmuny jaǵynan da erekshe, ózgeshe. Ol elin erekshe súıip, eliniń qamyn oılaı biletin, týǵan tabıǵat pen adam ómiriniń sheksiz baılanysyn sezingen, ulylyqpen jyrlaı bilgen. Olaı bolsa, Bizder óleńderin oqı otyryp, Abaıdy kim dep bilemiz? - Abaı atamyzdy biz aqyn deımiz.