InfoHub Logo

- Juldyzdy qolmen kórsetse, qolǵa súıel shyǵady degen yrym bar.

- Kúnniń kúrkiregenin alǵash estigen adam bir temirdi alyp, aýyrǵan jerine tıgizse, aýrý jazylady nemese arqasyn qabyrǵaǵa úıkese, aýrý-syrqaý jolamaıdy.

- Naızaǵaı oınap, jaýyn jaýǵannan keıin jańbyr sýyna jalań aıaq júrse, adam aýyrmaıdy nemese burynǵy aýrýynan aıyǵady.

- Jańa aı týǵanda túsken kelinshek balany kóp týady.

- Eki jas úılengen túni juldyz kóp bolsa, olardyń urpaqtary da kóp bolady.

- Kún alǵash kúrkiregende tilegen tilek qabyl bolady.

- Jazǵytury kún alǵash kúrkiregende: «Mal jelini saý bolsyn, sút mol bolsyn!» - dep, shómishpen aq alyp shyǵyp, jabyqqa jaǵady, bosaǵaǵa tógedi.

- Bireýdiń úıi órtense, arty jaqsylyq bolady dep yrymdaıdy.

- Óreden jas qurt alyp jese, jańbyr jaýady.

- Aýyl janyndaǵy sýda júrgen qusty atýǵa, úrkitýge bolmaıdy.

- Balapan shyǵarǵan qusty atpaıdy.

- Dalada, jolda turǵan jalǵyz aǵashty kespeıdi. Ol qysta belgi, jazda pana retinde saqtalǵan.

- Býaz, tól ertken ańdy atpaıdy.

- Jańa ósip kele jatqan kókti julmaıdy. «Kókteı solǵyr» degen qarǵys osyndaıdan shyqqan.

- Kún kúrkiremeı sýǵa túspeıdi, dala jýasyn jemeıdi.

- Otpen oınamaıdy, otqa túkirmeıdi, otty attamaıdy.

- Qudyqqa túkirmeıdi,  mańaıyn lastamaıdy, janyna dáretke otyrmaıdy.

- Kúldi baspaıdy, úı janyna tókpeıdi.

- Jar basyna, sýǵa óte jaqyn jerge úı tikpeıdi.

- Kúnge, aıǵa qolyn shoshaıtpaıdy.

- Qumyrsqanyń ıleýin, qustyń uıasyn buzbaıdy. Qumyrsqanyń ıleýin basqan áıel bala kótermeıdi degen qaǵıda bar.

- Jol ústinde kólik doǵarmaıdy, jol ústine qonbaıdy, dáretke otyrmaıdy.

- Aǵashty, ósimdikti sársenbi kúni otyrǵyzady.

---