InfoHub Logo

Ǵ. Muratbaev aýylynyń
№15 «Baldáýren» balabaqshasynyń tárbıeshileri
men kútýshileri arasynda ótkiziletin óner baıqaýynyń baǵdarlamasy
Jamanqara Gúlnár

Taqyryby: «Talantyńmen tanyl»
Maqsaty: Ónerli, talanttardy halyq arasynda nasıhattaý, olardyń oryndaý sheberlik deńgeıiniń artýyna yqpal jasaý; Merekelik kóńil - kúı syılaý, marapattaý.
Ótkiziletin oryn: Balabaqshanyń mýzyka zaly, bezendirilgen sahna
Kórnekiligi: Naqyl sózder, mýzykalyq kúsheıtkish aspaptar t. b.

Ótý barysy:
1) Kirispe (mýzyka oınalyp turady.)
Shaqyrylǵan qonaqtar oryndaryna jaıǵasady.
JÚRGİZÝSHİ: Qurmetti qonaqtar, ata - analar! Búgin, kóktem merekesin ózderińizben birge óner merekesi retinde ótkizgeli otyrmyz. Merekelerińiz qutty bolsy, qymbatty apaılar, analar, qyzdar!
Búgingi ótkizilgeli otyrǵan óner saıysymyz «Talantyńmen tanyl!»- dep atalady, ıaǵnı ónerli, talantty, jan - jaqty ónerpazdar bizdiń ujymymyzda kóptep sanalady. Apaılar men qyzdarymyzdyń ónerlerin tanytý, nasıhattaý, olardyń oryndaý sheberlik deńgeıiniń artýyna yqpal jasaý - bizdiń maqsatymyz bolyp tabylady. Sol sebepti balabaqshadaǵy úsh top aralyǵynda óner saıysyn uıymdastyryp otyrmyz.
Sizderdi saıys shartymen tanystyryp ótýge ruqsat etińizder!

Saıys sharttary:
1. Tanystyrý, gazet shyǵarý.
2. Án saıysy.
3. Bı saıysy.
4. Kórinis.
5. Taǵam mázirin jasaý.
6. Toptar bir - birine ázil suraqtar qoıady.
Saıysqa úsh top qatysady.

1 top quramy: «Qulager» (mektepke daıarlyq toby)
Topta 4 adam
2 top quramy: «Aıgólek»(sábıler toby)
Topta 4 adam
3 top quramy: «Báıterek» (bóbekter toby)
Topta 4 adam

Olaı bolsa, Qosh keldińizder búgingi merekege,
Ánsiz - jyrsyz ómiriń bir óter me?
Apaılardy qoshemetpen qarsy alaıyq.
Ónerpazǵa sahnada demeý bolǵan
Kórermenniń yqylasyna bir jeter me? - dep, ortaǵa saıysqa qatysýshy ujymymyzdyń ónerpazdaryn shaqyramyz!
Qoshemetpen qarsy alaıyq! (mýzyka)

Qara qyldy qaq jarǵan ádilqazy
Týra joldan taımasa bizder razy
Ádil - qazy alqasymen tanysaıyq
Sonan soń án áýeler ásem sazdy - deı kele, sizderdi qazylar alqasymen tanystyramyz.
Qazylar alqasynyń quramy:
№91 mekteptiń bastaýysh ádis - birlestigi jetekshisi:
Ata - ana:
Balabaqsha meńgerýshisiniń sharýashylyq jónindegi orynbasary:
Balabaqsha ádiskeri:
Balabaqsha meńgerýshisi mindetin ýaqytsha atqarýshy:

Ónerpazdar baıqaýyn ashý úshin alǵashqy sózdi -------------------- beremiz.
Rahmet

Baıqaýdyń sharty boıynsha top basshylary jerebe arqyly ózderiniń shyǵý retin anyqtaıdy. Myna notalardyń kez - kelgen bireýin alasyz. Onyń syrtynda sizdiń shyǵý retińiz jazylǵan.
(Jerebe alynady)
Al, endi jerebe boıynsha neshinshi bolyp shyǵatyndaryńyz anyqtaldy. Endi óz oryndaryńyzǵa barýǵa bolady. Sizderge sát - sapar tileı otyryp, ortaǵa balabaqshamyzdyń ádiskeri Elmırany shaqyramyz. Sizderge izgi tilegin bildirip, merekelik óziniń án shashýyn usynady.
Ortaǵa №1 topty shaqyramyz.
(Ózderin, gazetterin tanystyryp ótedi.)

Án – bulaq, eshqashanda kónermegen,
Ol kózin alyp jatyr ónerli elden.
Án dese bóbek kúlip besiktegi,
Án aıtsa kári qulaq eleńdegen.
Án dese selt etpeıtin jan bolar ma?
Ánsiz myna ómirde sán bolar ma?
Bulbuldardy shaqyramyz biz ortaǵa
Saıysymyzdyń 2 - shi sharty boıynsha «Án baıqaýy». Ortaǵa №1 toptyń ánshisin shaqyramyz.
Oryndaıtyn ánińizdiń aty?
1. top áni: Halyq áni «Quralaı». Oryndaıtyn: Sársenkúl apa.
2. top áni E. Hasanǵalıevtiń áni «Ádemi - aý» Oryndaıtyn: Janat ( 6d 6)
3. top áni «Qyzdar - qyzdar» Oryndaıtyn: Kámshat
Qazylar alqasynyń baǵalary

Kórermenge qyzyqty ǵoı bı degen,
Myń burala bıshileri bılegen
Talaı óner tamsandyrar bul sátte
Endi bir sát tynystaıyq bımenen - dep kelesi saıysymyz «Bı saıysy»
Ortaǵa №1 topty shaqyramyz.
1. top bıi: «Kýrd bıi» (1d 26tr)
2. top bıi: Qazaq bıi: «Aqjeleń» oryndaıtyn Sáýle;
3. top bıi: «Astana» oryndaıtyn top músheleri;
Qazylar alqasynyń baǵasy: Óz oıyńyzdy bildirseńiz....
Kórip otyrsyzdar, qurmetti kórermen qaýym! Bizdiń ujym apaılarynyń ónerden kende emes ekenin. Jalpy balabaqshada balamen jumys istegen soń, keıde ártis bolýǵa týra keledi. Sol sebepti kelesi shartymyz ázil - kórinister.
Qazylar alqasynyń baǵasy:
(qazylar alqasynyń múshesi óz oıyn bildiredi.)

SOŃY
Júzden júırik shyqpaı ma, myńnan tulpar
Juldyzdary bolashaqtyń ándi shyrqar
Óner aıdyn kóginde sharyqtasyn
Dep tileımiz kórinsin barlyq toptar!

Osy menen merekemiz aıaqtaldy,
Tamamdaıtyn sátimiz de taıap qaldy.
Ádil - qazy alqasyna sóz berelik,
Tanystyryp ótsin dep jeńimpazdy.

Baıqaý qorytyndysymen tanystyrý úshin sózdi ádil - qazylar alqasyna beremiz. (Qazylar alqasy jeńimpazdardy maqtaý qaǵazdarymen marapattaıdy)
Qurmetti ónerpazdar!
Ónerlerińiz órge júzsin - dep tilek bildire otyryp, merekemizdi aıaqtaımyz.
Konserttik baǵdarlama sońy bı keshine ulasady.