InfoHub Logo

Talapkerler úshin mańyzy óte joǵary bolǵan ulttyq birińǵaı testileýdi jetistikpen tapsyra alý úshin qajet bolǵan erekshelikterdiń biri ózderine berilgen ýaqytty durys paıdalana alý bolyp tabylady.

Mamandardyń aıtýy boıynsha test júıesine úırenýdiń joly kóp-kóp kitap oqý arqyly júzege asady. Óıtkeni kitap oqý suraqty tez oqýǵa ádettendirýimen qatar, suraqty durys jáne ońaı túrde túsine alýdyń alǵashqy qadamy bolyp tabylady. Test emtıhandarynda eń úlken kedergi bolatyn nárse oqýshynyń taqyryp jaıly bilmegendikten emes, test suraqtaryn kóp sheship ádettenbegendikten týyndaıdy. Talapkerdiń UBT-dan aldyn kóp-kóp test suraqtaryn sheship, test júıesine daǵdylanýy da emtıhan kezinde kómektesedi.

Talapkerdiń emtıhan kezinde ýaqytty durys paıdalana alýy úshin paıdaly keńester:

— Emtıhandy eń jaqsy biletin pánnen bastańdar. Bul senderdiń kóńil-kúılerińdi jáne motıvasıalaryńdy arttyrady.

— Jaqsy bilseńiz tarıh, qazaq tili sekildi jeńil pánderden bastaý da ýaqytty únemdeýde paıdaly. Óıtkeni bularda esepteý bolmaǵandyqtan kóp ýaqyt talap etpeıdi.

— Jaýaptardan buryn suraqty oqyńdar. Bul senderdiń tómendegi nusqalardyń qaısysyn surap jatqandyǵy jaıly oılanýlaryńdy qamtamasyz etedi.

— Suraqty tez oqyp bir nusqany belgileý ýaqytty durys paıdalaný degen sóz emes. Suraqty bir ret jáne jaqsylap túsine alatyndaı etip oqý ýaqytty durys paıdalaný bolyp tabylady. Suraqty durys túsiný jartysyn sheshýmen teń.

— Áýeli ońaı esepterdi bitirip qıyn esepterdi keıingi kezekte esepteý de abzalyraq.

— Birinshi bergen jaýaptaryńnyń durys ekenine senimdi bolmaǵanǵa deıin basqa suraqqa ótpeńder.

— Suraqtarda ekpinmen aıtylǵan sózderdiń astyn syzyp qoıyńdar. Mundaı sózder jaýapty tabýda senderge kómektesedi.

---