InfoHub Logo

Bıyl, 1921-1922 jylǵy Lenındik «Et pen sút» dekretinen (qaýlysynan) keıin bolǵan asharshylyqqa 101 jyl, 1931-1932 jyldardaǵy Stalındik-Goloshekındik qoldan jasalǵan arnaıy asharshylyqqa – 91 jyl jáne 1937 jylǵy qandyqasap repressıasynyń ekinshi tolqynynyń bastalǵanyna 86 jyl. Bul – júrekke salmaq túsirgen, sanaǵa jara salǵan qasiret. Qazaqty asyldarynan aıyrǵan, ult retinde tabıǵı ósip jetilýine qıanat jasaǵan kúnderdiń jarasy tez jazylyp ketpeıdi. Tán jarasy jazylsa da, jan jarasy tańba bolyp qala bermek.

1931-1932 jyldary halyqty asharshylyqqa ushyratty, demograf M.Tátimovtyń esebi boıynsha asharshylyq qurbandary 4 mıllıonnan asady, nemese búkil qazaqtyń 65-70% qyrylǵan.

1937-1939 jylǵy repressıa kezeńinde barlyǵy – 120 myńnan astam qazaq azamaty qýǵyn-súrginge ushyrap, onyń ishinde 25 myńnan astamy NKVD-nyń atý jazasyna kesilip ketti. Olar – naǵyz ult zıalysy, oqyǵan-toqyǵan, halqyn ilgeri damytýdy oılaǵan memleketshil qaıratkerler bolatyn. Bul, ult úshin orny tolmas ókinish.

«Elý jylda el jańa, júz jylda qazan» demekshi, urpaq aýysady, el jańarady. Oı men sana ózgerdi. Táýelsizdik tańy Alash urpaqtaryna da atty. Endigi, eldiń búgini men erteńi jas urpaqtyń qolynda. Jastarymyz sanaly, oıaý, bilimdi, arly, ımandy bolsa, el úshin jumyla júk kóterse, tar zamanda taıǵaq keshken, sheıit ketken babalar jolynda adaspaı qyzmet etken bolamyz.

---