Tanysańshy
Beısenbige burynnan tanys bir dombyrashy, naǵashysynyń aýylyna jolaýshylaı bara jatyp, jol-jónekeı óriste jatqan jylqylardy tamashalap, aralap júrse, syrttaı kúzetip otyrǵan aýyl adamdary odan seziktenip ustap alady da, bılerdiń aldyna suraqqa aparady. Ásili, jylqyly aýyl onyń naǵashylarynyń jamaǵaıyndary bolsa kerek. Bul kezde Beısenbi de osy aýylda eken. Suraq ústinde Beısenbi uryǵa balanyp otyrǵan dombyrashyny qıyn jaǵdaıdan qutqarý úshin, shabyttana qolyna dombyra alyp, bir túrli qońyr yrǵaqty kúı tógedi. Álgi dombyrashy kúı áýeninen «tanysańshy» degen yrǵaqty aıqyn uǵynady. Sonymen ol jalt berip: «naǵashylarymnyń aýylyna kelip otyrmyn, bulardyń ár qandaı jaqsy isi meniń maqtanyshym, arǵymaq jylqylaryn kórgende qýanǵannan kóz almaı qaraı berdim. Meniń jaqsy nıetimdi jamanǵa jorý jaramas» deıdi. Sonymen ol sózden utyp, qutylyp ketedi. Osylaısha, el ishine Beısenbiniń «Tanysańshy» kúıi tarap ketedi.
You Might Also Like
-
Adam balasy ómirge armandaý úshin keledi desem qatelespeımin."Máńgi laýlap janý úshin ǵalamda úlken arman kerek eken adamǵa"dep Muhtar Shahanov atamyz aıtqan.Adam balasynda arman degen kóp q...
-
Erterekte Altaı taýlarynda buǵy tektes asha tuıaqty, kúıis qaıyratyn, tur-tulǵasy kórkem, shoqtyǵy bıik, túsi ker qyzyl bulan degen ań bolǵan. Bir kezde Bejeń aýylynyń jigitteri Qanas ózeniniń boıynan...
