InfoHub Logo

(4 - synyp oqýshylaryna arnalǵan saıys sabaq)

Taqyryby: Tapqyr bolsań, ozyp kór (slaıdymen)
Maqsaty:
1) Oqýshylardyń negizgi pánderden alǵan bilimderin tereńdetý. Tapqyrlyqqa, izdenimpazdyqqa jeteleý, oı - órisin, til mádenıetine degen súıispenshiligin arttyrý.
2) Jastardy elin, jerin, onyń dástúrin syılaýǵa, halqymyzdyń bolashaǵyn gúldendirer tárbıeli, bilimdi bolyp ósýine yqpal etý jáne tárbıeleý.
3) Bilimdi, daryndy, ozyq bolýǵa jeteleý jáne pánderge degen qyzyǵýshylyǵyn oıatý.
Túri: saıys
Kórnekiligi: ınteraktıvti taqta, slaıdtar

Barysy:
Jospary:
İ. Uıymdastyrý kezeńi
Kirispe sóz.
Saıysqa qatysýshylardy tanystyrý.
İİ. Saıys sharttary
1. Báıge saıysy
2. Til - óner saıysy
3. Tórt jumbaq saıysy
4. «Bul kim?»
5. Jorǵa saıysy
İİİ. Qorytyndy. Qazylar alqasynyń sheshimi

Júrgizýshi:
Búgingi saıys barysynda oqýshylarymyzdyń oı - órisin, bilimderin, eptiligin sarapqa salatyn bolamyz.
Arhımedteı jańalyqtar ashar,
Bolsa úmitker, saıysqa úles qosar
Uly dáriger izin basar
Bizderde bar jas talapkerler
Bireýiniń júreginiń túgi bar,
Bireýiniń arqalap júrgen qoǵamdyq júgi bar
Bireýiniń qatty isteıtin mıy bar
Báriniń de jeńiske degen úmiti bar - deı kele saıys alańyna «Talaı syndy baǵyndyrǵan qyrandar» toby,«Jarq etken jas juldyzdar» tobyn, «Bıikten kóriner alǵyrlar» toby múshelerin shaqyramyz. (Toptar ornalasyp bolǵansha, mýzyka oınap turady.)
Júrgizýshi: Shyn júırik shabysynan tanylady,
Naqty bilim, tereń oı sanalady.
Baǵa berer sarapshylar ortamyzda,
Sizderge qurmetpen qol soǵylady
saıyskerlerimizdiń bilim men ónerin saralap, baǵa beretin sarapshy - mamandar alqasyn tanystyrsaq:
Bireý ozsa saıysta, bireý artta qalady,
Renjimeı tarasa, ozbaǵandar jarady.
Jarys zańy ejelden – jeńimpazdy anyqtaý,
Ozat bolý sharty sol - eńbektený, jalyqpaý.
Endeshe erinbeı, únemi izdenis ústinde júretin alǵyr oqýshylarymyzǵa sóz bereıik.
«Talaı syndy baǵyndyrar qyrandar» toby
Urany: Qandaı synaq bolsadaǵy berispe,
Árqashanda úmitkermiz jeńiske.
Sálemdesý: Talaı syndy kelemiz baǵyndyryp,
Talaı jurtty kelemiz tańqaldyryp,
Tobymyzdyń atynan kelip turmyz,
Aqtaımyz dep oılaımyz úmitterin
«Jarq etken jas juldyzdar» toby
Urany: Jas juldyzdaı janamyz,
Jaqsy bilim alamyz.
Eń keremet saıyskerler
Minekı bizder bolamyz.
Sálemdesý: Armandarǵa qol sozýmen kelemiz,
Ómir teńiz, júzip keledi kememiz.
Bilimmenen qarýlanǵan tobymyz,
Qarsylasty qalaıda biz jeńemiz
«Bıikten kóriner alǵyrlar» toby
Urany:
Shydamdylyq, eńbek, alǵyr - oı,
Anyq dosyń bilip qoı!»