InfoHub Logo

Sabaqtyń taqyryby: «Tapqyrlarǵa tapsyrma» (prezentasıasymen)
Sabaqtyń maqsaty:
a) Bilimdiligi: Balalarǵa kórsetilgen zattardy san, kólem keńistikti ýaqytty baǵdarlaý geometrıalyq pishindi bir - birinen ajyratýǵa, sózben aıtýǵa daǵdylandyrý.
á) Tárbıeligi: Balalardy uıymshyldyqqa, eńbekqorlyqqa tárbıeleý. Balalardyń oı-órisin beıimdiligin damytý. Tapsyrmany tıanaqty oryndaýǵa daǵdylandyrý.
b) Damytýshylyǵy: Logıkalyq oılaý daǵdysyn damytý. Sóıleý qabiletin mádenıetin damytý.
Sabaqtyń ádis - tásili: Suraq - jaýap, toppen jumys, jeke jumys, oı qozǵaý
Sabaqtyń kórnekiligi: Sabaqta oıyndarǵa arnalǵan túrli tústi sýretter, sharlar, 5-ke deıin sanaý, ártúrli pishinder, logıkalyq tapsyrmalar, dıdaktıkalyq oıyndar.

Sabaqtyń barysy:
Tárbıeshi: Balalar biz qol ustasa dóńgelenip, sheńber quryp turaıyq. Endi bir – birimizge alaqan arqyly jylylyq tanytyp jyly lebiz bildireıik.
- Armysyz, qaıyrymdy, Aspan ata
- Armysyz meıirimdi, Jer - ana
- Armysyz, shuǵylaly Altyn - kún
- Qýan, shattan alaqaı
- Qýanatyn keldi kún.
- Tatý bolaıyq, dos bolaıyq
- Amansyz ba? Esensiz be? Sálemetsizder me?
- Rahmet balalar, búgingi esep sabaǵy basqa sabaqtan erekshe bolmaq.
- Balalar men sizderge jumbaq - taqpaq aıtaıyn.
Aq qar erip, sý kóbeıip,
Saı salaǵa aǵady.
Búrshik shashyp,
Japyraq ashyp.
Gúl báısheshek basady.
Mal mańyrap,
Tól jamyrap.
Jaılaý malǵa tolady.
Bóbekterim aıtyńdarshy,
Bul qaı kezde bolady? (Kóktem)

- Ia, qazir jyldyń kóktem mezgili.
- Búgin aptanyń qaı kúni?
- Seısenbi kúni.
- Ia durys, balalar
- Keshe aptanyń qaı kúni?
- Dúısenbi kúni.
- Erteń aptanyń qaı kúni?
- Sársenbi kúni.
Mýzyka oınalady
Tárbıeshi: Balalar, mine keremet. Sender ne baıqap tursyńdar. Mynaý ne?
Qyzyl, sary, kók tústi
Sharlarymyz kóp tipti.
Qane, qaısysyn tańdaısyń.
Túsin bilip alǵaısyń
- Balalar sharlardyń túsi qandaı?
- Qyzyl, sary, jasyl, kók, aq
- Jaraısyńdar, baıqadyńdar ma bul sharlar sıqyrly sharlar. Balalar sharlar qaı
jerde tur?
- Joǵaryda
- Biz ony qalaı alsaq bolady eken?
- Bilmeımiz
- Balalar, maǵan bir oı kelip tur. Múmkin sıqyrly sharlarǵa bir taqpaq aıtyp kórsek
qaıtedi.
Bir degenim besik, shyqtyq odan ósip.
Eki degenim elim, dalam týym kógim.
Úsh degenim úmit, Úmit artar jigit.
Tórt degenim tózim, tóze bilem ózim.
Bes degenim baqyt, Baǵalaıtyn ýaqyt.
Mýzyka áýenimen sharlar tómen túsedi.
- Bizge sıqyrly sharlarymyzben birge ǵajaıyp tapsyrmalar kelgen eken. Qane ishin ashyp kóreıik. Ne bar eken?
- Oı balalar, tapsyrmalar geometrıalyq pishinder arqyly kelipti.
- Mynaý qandaı pishin bilesińder me?
- Úshburysh
- Úshburyshtyń tapsyrmasy

Oıyn «Adasqan sandar»
Maqsaty: 5 - ke deıin sanaý, sannyń emlesin taný, zeıinin damytý. Shapshańdyqqa tárbıeleý, 1 – 5-ke deıin adasqan sandardy ret - retimen qoıyp shyǵý.
- Jaraısyńdar, rahmet.
- Qane, ǵajaıyp tapsyrmanyń kelesi tapsyrmasy qandaı eken?
- Dóńgelek
- Munda da qyzyqty tapsyrma bar eken?

«Kim tez oılap tabady eken?»
Maqsaty: Geometrıalyq pishinderdi aıyra bilýge úıretý
a) Taqtada sýretter ilingen. Sýretterdiń ishinen dóńgelek jáne úshburysh pishindi zattardy iriktep kórsetýi qajet.
b) sýrette sopaqsha jáne kvadrat pishindi zattardy iriktep kórsetýi qajet.
- Jaraısyńdar, rahmet.
- Qane ǵajaıyp tapsyrmanyń kelesi tapsyrmasy qandaı eken?
- al balalar mynaý qandaı pishin?
- Tórtburysh
- Tórtburyshtyń tapsyrmasy bárinen de qıyndaý kórinedi. Barlyǵymyz muqıat zer salaıyq.

«Kim tapqyr»
Maqsaty: a) Balalardyń sensorlyq etalondaryn damytý, zattyń kólemin, pishinin aıyra bilýge úıretý. taqtada sábizder sýreti berilgen, sábizderdiń qaısysy uzynyn, qaısysy qysqasy ekenin aıtyp berý.
á) almurttyń jalpaǵy men jińishkesin ajyratyp aıtyp berý
b) Doptyń úlkeni men kishisin ajyratyp aıtyp berý
- Jaraısyńdar, balalar rahmet.

Sergitý sáti: Ornymyzdan turaıyq,
Boıdy silkip alaıyq.
Oń qolymdy janyma
Sol qolymdy janyma
Qos qanatty jaıamyz,
Qussha qanat qaǵamyz
Oń aıaqty aldyma.
Sol aıaqty artyna
Qos qanatty jaıamyz
Ushaq bolyp ushamyz
Óz ornymyzdy tabamyz.
- Qane balalar ǵajaıyp tapsyrmanyń kelesi tapsyrmasy qandaı eken? Oı balalar myna pishin bizge tanyspa?
- Sopaqsha
- Munda da qyzyqty tapsyrma bar eken.

«Kim qansha zattardy biledi»
Maqsaty: Kózben kórip este saqtaý qabiletin damytý, zattardyń túr - túsin aıyra bilýge úıretý. Taqtaǵa ártúrli zattardyń sýretteri berilgen

1. Nurǵa toly bar aımaq
Kún shyǵady araılap
Uıqymyzdan turamyz
Beti - qoldy jýamyz.
Ata - anaǵa eremiz.
Mektepke biz kelemiz,
Aıta qoıshy búldirshin
Bul qaı mezgil? (tańerteń)

2. Tamaqtanyp alamyz
Biz tártipti balamyz
Oınaımyz án - salamyz
Serýenge shyǵamyz
Qydyramyz dalada
Aıta qoıshy búldirshin
Bul qaı mezgil? (tús)

3. Úılerde sham janady
Mańaı tastaı qarańǵy
Dem alady bar álem
Aıta qoıshy búldirshin
Bul qaı mezgil? (tún)

4. Kóleńkeler uzaryp
kún batady qyzaryp (keshkilik)

Logıkalyq oılaý
Maqsaty: Balalardyń oılaý qabletin damytý.
1. Aspanda neshe kún bar?
2. Japalaqtyń neshe kózi bar?
3. Búrkittiń neshe qanaty bar?
4. Qolda neshe saýsaq bar?
5. Qoıda neshe aıaq bar?

Qorytyndy:
Tárbıeshi: - Balalar bizge sıqyrly sharlar qyzyqty tapsyrmalardy úıretti.
a) birinshi - sıqyrly tapsyrmalardan úshburysh pishininen «Adasqan sandardy» ret - retimen qoıdyq, sanadyq.
á) Ekinshi sıqyrly tapsyrmadan dóńgelek pishininen «Kim tez oılap tabady?» geometrıalyq pishindi bolyp kelgen zattardy aıyra bildik.
b) Úshinshi sıqyrly tapsyrmadan tórtburysh pishininen «Kim tapqyr» uzyn - qysqa, úlken - kishi, jalpaq - jińishkeni aıyra bildik.
v) Tórtinshi sıqyrly tapsyrmadan sopaqsha pishininen «Kim qansha zattardy biledi» kózben kórip, este saqtaý, zattardy aıyra bildik.
- Durys, balalar sender búgin ózderińniń tapqyrlyqtaryńdy qıyndyqtan qoryqpaıtyndaryńdy kórsettińder.

Tatý ósken balamyz,
Aıtqan tildi alamyz.
Bir shańyraq astynda,
Birge bilim alamyz.