InfoHub Logo

Bilim berýdiń basty sharty oqý prosesinde oqýshylardyń qyzyǵýshylyǵyn arttyra otyryp, ózdiginen bilim alýǵa talaptandyrý bolyp tabylady.
Matematıka sabaǵynda oıyn elementterin paıdalaný oqýshylardyń oı - órisin, tanymdylyq belsendiligin arttyrady. Oqýshylardy tapqyrlyqqa baýlyp, zeıinin, oılaý qabiletin damytýdy matematıkalyq sózjumbaq sheshýdiń mańyzy zor.
Oqýshylardyń tanymdyq belsendiligin jetildirýde, bilim sapasyn arttyrýda topqa bólip oqytýdyń mańyzy zor. Qazirgi kezdegi ǵylym men tehnıkanyń damý deńgeıi árbir oqýshyda sapaly jáne tereń bilim iskerliktiń bolýyn, olardyń shyǵarmashylyqpen jumys isteýin, oılaýǵa qabiletti bolýyn talap etedi.
Matematıka pánin oqýytý prosesiniń negizgi maqsaty - arnaıy pedagogıkalyq ádistermen maqsaty júıeli túrde paıdalanyp, oqýshylardyń shyǵarmashylyq oılaýyn, ǵylymı kóz qarasy men belsendiligin qalyptastyrý, óz betimen bilim alý daǵdylaryn damytý bolyp tabylady. Oqýshylardyń óz betimen jumysyn qalyptastyrý oqýshynyń pánge degen qyzyǵýshylyǵynan jáne qajettiliginen týady. Óz bilimin jetelegen oqýshylardyń óz betimen jumys isteý daǵdysyn damytyp, shyǵarmashylyq belsendiligin arttyrady. Oqýshylar oqytý barysynda bilim alady, al sodan soń ony qoldaný ári qaraı shyǵarmashylyqqa úılesedi.

Aldymen matematıka sabaǵynda oqýshylardyń shyǵarmashylyq qyzmetin qalyptastyrýǵa baǵyt beretin taqyryptardy tańdap alý qajet. Ol úshin aldymen oqýshynyń deńgeıin anyqtap, daryndy oqýshyny bilý kerek. Daryndy oqýshyny bilý úshin mynalardy eskerý kerek: oqýshyny zertteý, oqýshyny qyzyqtyratyn taqyryptar, pánge degen qyzyǵýshylyǵy. Osy úsh máseleni paıdalanyp, oqýshylarǵa anketa suraǵyn qoıyp, nátıjesinde daryndy oqýshyny anyqtaý kerek.
Oqý prosesinde oqýshyny zertteý ádistemesin qoldanǵan tıimdi. Bul ádisteme boıynsha oqýshylarǵa ár túrli deńgeıdegi tapsyrmalar beriledi. Oqýshynyń qandaı tapsyrma alýyna shek keltirilmeıdi. Oqýshylar óziniń tapsyrmany alý pozısıasyn tómendegi suraqtarǵa jaýap berý arqyly kórsetedi.

Suraq: Ne sebepten bul tapsyrmany tańdap aldyń?
Ózimdi synaǵym keldi.
Pán boıynsha múmkinshiligimdi bilgim keldi.
Pánge degen qyzyǵýshylyq.
Osy ǵylym salasynda kóp bilgim keldi.
Keleshektegi bilim alýyma osy pán qajet.
Pán boıynsha jetistikke jetetinime senemin.
Oqý jeńil.
Qıynshylyqty jeńgim keledi.
Muǵalimge unaý.
Kóp biletin bilim adam bolý.
Óz betimen ómir súrýge daıyn bolý.
Mádenıetti, jan dúnıesi baı, qoǵamǵa paıdaly adam bolý.
Oqýshy matematıka páninen shyǵarmashylyǵyn qalyptastyrý úshin mynadaı talaptardy oryndaý qajet:
Oqýlyqtaǵy materıaldy oqý.
Taqyryptaǵy negizgi túsinik pen zańdylyqty meńgerý.
Bir taqyryp boıynsha baıandama jasaý.
Baqylaý jumysyna, synaqqa, emtıhanǵa jaqsy daıyndalý.
Tańdap alynǵan taqyrypqa óz betimen zertteý júrgizý.
Taqyryptaǵy qubylystardy túsiný.
Taqyryp boıynsha esepterdi nemese problemalardy sheshý.
Synaqtan jaqsy baǵa alý.
Matematıka sabaǵynda oqýshylardyń shyǵarmashylyǵyn qalyptastyrý úshin sabaqta jańa tehnologıa túrlerin qoldanýǵa bolady. Olar deńgeılep oqytý tehnologıasy, modýldik oqytý tehnologıasy jáne taǵyda basqalar.

Oqýshylardyń shyǵarmashylyq izdenisteriniń deńgeılerin kóterý prosesi tórt kezeńnen turady.
Birinshi kezeń - muǵalim oqýshynyń qarapaıym tanym áreketimen tanysady. Uly adamdardyń esepterin, tarıhı esepterden, ertegi esepterdi shyǵarý ádisteri kórsetilgen esepterdi jınaqtap referattar daıyndaýǵa úıretedi. Logıkalyq oılaýdy qajet etetin qyzyqty esepti jeńilderinen bastap taqyrypqa jeteleıtin ázil esepterdi shyǵarý barysynda pánge degen qyzyǵýshylyǵyn arttyryp, óz betimen jumys isteýge baýlý kerek. Oqýshynyń árbir basqan qadamyna kóńil bólip baqylap otyrǵan jón. Sonda oqýshy óz múmkindigine senip, qyzyǵýshylyǵy artady. Keıbir jeke esepterdi shyǵarý barysynda kitappen jumys isteýge, shyǵarylǵan esepterdi oqyp túsinýge, soǵan uqsas esepterdi taýyp shyǵara bilýge kómektesedi. Esepterdiń shyǵarylýyna nusqaý berip, óz betimen oryndaýyna múmkindik beredi.

Ekinshi kezeń - bul kezeńde muǵalim esep shyǵarýdyń ár túrli ádis tásilderin kórsetip, talqylaı otyryp qolaılysyn, tıimdisin tańdaı bilýge úıretedi. Berilgen tapsyrmalardyń birneshe ádispen shyǵarylýyn talap etedi. Keıbir jańa materıaldy oqýshynyń óz betimen oqyp, ár túrli qıyndyqtaǵy tapsyrmalardy oqý quraldaryn, anyqtamalardy paıdalanyp, shyǵarý kerek. Esepterdi shyǵarýdyń qalyptan tys ádisterin qoldana bilýge úıretedi.

Úshinshi kezeń - bul kezeńde oqýshyǵa óte úlken jaýapkershilik júkteledi. Osy kezeńde oqýshy negizgi deńgeıge shyǵady. Munda oqýshy synyptan tys qosymsha oqýǵa jalpylama qorytyndy jasaı bilýge úırený kerek. Oqýshylar óz jumysna analız jasap, qatelerdi boldyrmaý úshin neni áli jetik bilmeımin degen maqsatta óz jumysyn qorytyndylap, aldaǵy jumysyna jospar qura bilýdi úırený kerek.