InfoHub Logo

4 synyp
«Táýelsiz el tiregi, bilimdi urpaq» (tanymdyq saıys)


Tanymdyq saıys.
Taqyryby: Táýelsiz el tiregi, bilimdi urpaq.
Maqsaty: 1. Synyp oqýshylarynyń pánder boıynsha alǵan bilimderin saralaý, oı ushqyrlyqtaryn baıqaý, toppen birlese otyryp jumys isteı bilýge úıretý.
2. Oqýshylardyń logıkalyq oılaý qabiletterin damytý
3. Uıymshyldyqqa, eńbekqorlyqqa tárbıeleý.
Kórnekiligi: Interaktıvti taqta, top attary jazylǵan qıma qaǵazdar
Ádis tásilder: Suraq - jaýap, oı qozǵaý.

Júrisi: İ. Uıymdastyrý bólimi
Psıhologıalyq daıyndyq
- Jaqsy, balalar, osyndaı jaqsy sózdermen saıysymyzdy bastaıyq.
Balalar, ózderiń baıqap otyrǵandaı, biz úsh topqa bólinip otyrmyz. Toptarymyzdyń attaryn bilý úshin myna rebýstardy sheshemiz.
İ - top «Zerekter»
İİ - top «Alǵyrlar»
İİİ - top «Tapqyrlar»

Endeshe búgin biz úsh top bolyp, bilimimizdi ortaǵa salamyz.
Saıysymyz tórt kezeńnen turady.
1Kezeń «Qyzyqty úshtik»
2 - kezeń «Ushqyr oı»
3 - kezeń «Til óneri»
4 - kezeń «Syn saǵaty»

İ - kezeń «Qyzyqty úshtik» - Munda ózderińe tanys úsh pán boıynsha birneshe suraqtar berilgen. Pándi tańdaı otyryp, sol suraqtarǵa jaýap beremiz. Tolyq jaýap bersek bes upaı alamyz.
Matematıka suraqtary:
1. Uzyndyq ólshem birlikterin atańdar (mm, sm, dm, m, km)
2. Tórt buryshtyń perımetrin qalaı tabamyz (uzyndyqtary men enderin qosamyz)
3. 7men 8diń kóbeıtindisi neshege teń. (56)
4. Eń kishi tórt tańbaly san. (1000)
5. Jyldamdyq, ýaqyt, qashyqtyqqa baılanysty qashyqtyqty qalaı tabamyz? (jyldamdyqty ýaqytqa kóbeıtemiz)
6. Paralel túzýler degenimiz ne? ( Qansha sozsań da eshqashan qıylyspaıtyn túzýler)
7. Sharshy degenimiz ne? ( barlyq qabyrǵalary teń tórt burysh)

Qazaq tili
1. Mátinniń túrlerin atańdar (Áńgimeleý, sıpattaý, paıymdaý)
2. Qazaq alfavıtinde neshe árip bar ( 42 )
3. Ne istedi?, ne qyldy?, Qaıtti? Qaı sóılem múshesiniń suraqtary?(baıandaýysh)
4. «Batyr» sózine mándes sózderdi tap (er júrek, qaısar, batyl)
5. Qystyrma sóz degenimiz ne?
6. Sóz taptary neshege bólinedi?(9)
7. Qurmalas sóılem degenimiz ne? (Eki nemese odanda kóp jáı sóılemnen quralǵan sóılem)

Ana tili
1. Abylaıdyń azan shaqyryp qoıǵan aty.(Ábilmansur)
2. Halyq aýyz ádebıetine neler jatady?
3. Qazyna kótergen bala kim?( Q. Sátbaev)
4. Tuńǵysh óleńder jınaǵy «Oıan, qazaq» degen atpen jaryq kórgen aqyn kim? (M. Dýlatov).
5. S. Begalınniń «Qyrdyń jas túlegi» áńgimesi kimge arnalǵan. (Shoqan)
6. Ómirde bolǵan adamǵa qatysty qurylǵan halyq shyǵarmasy.(ańyz)

İİ - kezeń «Ushqyr oı»
- Bunda «Jasa Qazaqstan» áni bitkenshe aldaryńa berilgen sózden birneshe sóz oılap tabýlaryńyz kerek. Ol sózdi qazir aldaryńa beremin, qosymsha aq
qaǵaz beriledi. Soǵan tez jazyp shyǵamyz.
«Atameken»
«Qazaqstan».
«Táýelsizdik»
- Óte jaqsy, balalar, bizdiń ár saıysymyzdy ádilqazylar baǵalap otyr, nátıjesin sońynda aıtady.
Kelesi kezeńge ótelik.

İİİ - kezeń «Til óneri»
- Memlekettik tilmen qosa, balalar, sender orys tilin de oqyp úırenip jatyrsyńdar, endeshe bul tildi de qosa meńgerip alǵandaryń jón. Orys tili ultaralyq til, úırengenniń artyqtyǵy joq.
Ana tiliń aryń bul,
Uıatyń bop tur bette
- Sondyqtan qazir úsh topqa úsh jumbaqtan oqımyn, sender sol jumbaqtardyń sheshýin taýyp, ony orysshaǵa aýdarasyńdar. Endeshe tyńdaı
qoıyńdar.

İ - topqa.
1. Ózi sondaı aq,
Jeseń tátti aq. (qant - sahar)
2. Qys boıyna jatady,
Tátti uıqyǵa batady. (aıý - medved)
3. Jazý jazyp jalyqpaǵan,
Jaza jaza aryqtaǵan. (bor - mel)

İİ - topqa
1. Ózi taýdyń bókterinde ósedi,
Jańa jylda úı tórine kóshedi. (shyrsha - elka)
2. Bilimnen mol syı asy,
Balǵyndardyń uıasy. (mektep - shkola)
3. Mamyqtaı ulpa, qanttaı aq,
Qysta jer betin basady,
Jazda saıǵa qashady. (qar - sneg)

İİİ - topqa
1Qabat - qabat qattama,
Aqylyń bolsa attama. (kitap - knıga)
2. Ushyp – qonyp tynbaıdy,
Jerge soqsań synbaıdy,
Sýǵa salsań batpaıdy,
Túsken jerge jatpaıdy. (dop - mách)
3. Budan kir qorqady.
Sýdan bul qorqady. (sabyn – mylo)

- Tamasha, balalar, sender orys tilinde jaqsy meńgergen ekensińder. Kelesi kezekte

İV - kezeń «Syn saǵaty»
- Munda ár toptyń top basshylaryna suraqtar qoıylady. Olar jaýap berýleri kerek.
1Qazaqstan Respýblıkasy óz táýelsizdigin qashan jarıalady?(1991jyl16jeltoqsan)
2. Ár adamnyń shaǵyn otany.(otbasy)
3. Memlekettik rámizderdi ata. (tý, eltańba, ánuran)
4. Úsh bıdi ata. (Áıteke bı, Tóle bı, Qazybek bı)
5. Ánurannyń avtorlary kimder? (N Nazarbaev, J Nájimedınov, Sh Qaldaıaqov)
6. Adam denesiniń tiregi ne? (qańqa)
7. Bıyl táýelsizdikke neshe jyl? (20)
8. Daýyssyz dybystar neshege bólinedi? (3)
9. Qabanbaıdyń shyn aty (Erasyl)
10. «Abaı joly» roman epopeıasynyń avtory kim? (M Áýezov)
11. «Hat sóıleýdiń qaı túrine jatady? (jazbasha)
12. Qazaqstan dúnıe júzi boıynsha jer kólemi boıynsha neshinshi orynda (9)

- Mine, balalar, tórt kezeńnen turatyn saıysymyz óz máresine jetti.
Jarys zańy ejelden,
Jeńimpazdy anyqtaý.
Jeńimpaz bolý sharty sol,
Eńbektený jalyqpaý.
Marapattaý.
Qorytyndy.