InfoHub Logo

Taqyryby: Táýelsiz elge – bilimdi urpaq
Maqsaty: oqýshylardyń oı - órisin damyta otyryp, táýelsiz Qazaqstan eliniń jalyndy jastary bolýǵa shaqyrý.

(Saıys Qazaqstan Respýblıkasynyń ánuranymen ashylady.)
Júrgizýshi:
Taǵdyryńdy tamyrsyzdyq indetinen qalqala
Ár adamda óz anasynan basqada
Jebep turar, demep turar arqada
Bolý kerek qudiretti tórt ana:
Týǵan jeri – túp qazyǵy, aıbyny
Týǵan tili – satylmaıtyn baılyǵy
Týǵan dástúr, salt - sanasy – tiregi
Aýyr ári qasiretti bolsa da.
Jáne týǵan tarıhy, eske alýǵa qanshama
Qadamyna shýaq shashar únemi.

Qurmetti ustazdar, oqýshylar jáne kórermender! Búgingi «Táýelsiz elge – bilimdi urpaq» atty saıysymyzǵa qosh kelipsizder!
Ortaǵa saıyskerlerimizdi shaqyramyz.
İ top – «Dostyq» toby.
İİ top – «Birlik» toby.
Saıysymyzdy bastamas buryn ádil qazylar alqasymen tanysyp alaıyq.
Saıystyń baǵdarlamasymen tanystyryp óteıin. Saıysymyz mynadaı bólimderden turady.
1. Ózin - ózi tanystyrý.
2. «Óleń – sózdiń patshasy». Mánerlep oqý saıysy
3. «Maqal – sózdiń kórki». Maqaldy aıaqtaý.
4. Polıglot (qazaqsha - oryssha)
5. «Bilimdi myńdy jyǵady» jorǵa jarys.

Júrgizýshi: Al, qanekeı saıysty biz bastaıyq
Ózimizdi tanystyryp tastaıyq, - dep toptar ózderin tanystyryp ótsin.(Ár top ózderin tanystyryp ótedi.)
Júrgizýshi: Mine, eki toppen tanystyq.

Óleń sózdiń patshasy, sóz sarasy
Qıynnan qıystyrar el danasy
Tilge jeńil, júrekke jyly tıip,
Jup - jumyr, tegis kelsin aınalasy, - dep Abaı atamyz aıtqandaı, kelesi saıys mánerlep oqý saıysy. Ár toptan bir oqýshy shyǵyp óleń oqıdy.
Júrgizýshi: «Maqal – sózdiń kórki» demekshi, kelesi saıysymyz maqal - mátel saıysy. Bólimniń sharty: eki topqa maqaldyń bastapqy qataryn aıtamyn, sizder jalǵasyn tabasyzdar. Oılanýǵa 1 mınýt.
Dostyq tobyna:
1. El úmitin er aqtar
(Er ataǵyn el saqtar)
2. Týǵan jerdeı jer bolmas
(Týǵan eldeı el bolmas)
3. El – yrystyń kilti
(Er – yrystyń qorǵany)
4. Týǵan eldiń qadirin (shette júrgende bilersiń)
5. Halqyn súıgen (saltyn da súıer)
Birlik tobyna:
1. Jaýǵa janyńdy berseń de (syryńdy berme)
2. Týǵan jerińe (týyńdy tik)
3. Batyr týsa – el yrysy
(Jańbyr jaýsa – jer yrysy)
4. Er jigit el úshin týady.
(el úshin óledi)
5. Nartáýekel – (er isi)

Júrgizýshi: Baǵdarlamamyzdyń kelesi bólimi oqýshylardyń basqa tilderdi meńgerý barysyn tekserý. Polıglot. Men sóılem aıtam, sizder jalǵasyn taýyp, sol sózdiń oryssha, aǵylshynsha nusqasyn aıtasyzdar.
1. Óner aldy qyzyl... Til - ıazyk
2. Mektep júregi kim? Ustaz - ýchıtel
3. Jaqsy sóziniń antonımi Jaman - plohoı
4. Qazaq tiline tán neshe dybys bar? Toǵyz – devát
5. Ottan da ystyq ne? Otan - Rodına
6. Almaty ásem... Qala - gorod
Júrgizýshi: Al, endi kelesi saıysymyz – jorǵa jarys. Bul jarystaǵy suraqtar memleketimiz jaıly bolmaq.
İ topqa
1. QR elbasy kim?
2. QR táýelsizdigin qaı jyly aldy?
3. Til qandaı qural?
4. Qazaq tili qandaı tilder tobyna jatady?
5. Qazaq tili memlekettik mártebeni qashan aldy?
6. Qazaqstannyń memlekettik tili?
7. Tuńǵysh qazaq álippesin qurastyrǵan kim?
8. Ánuran mýzykasynyń avtory?
9. QR - nyń astanasy?
10. Týdyń avtory kim?
İİ topqa
1. «Bóbek» qorynyń prezıdenti kim?
2. Bıyl táýelsizdikke neshe jyl toldy?
3. Ult tilin kim jasaıdy?
4. Qazaq tili qaı ulttyń ana tili?
5. Qazaq tili memlekettik mártebeni qashan aldy?
6. QR - nyń ánuran sóziniń avtory kim?
7. Qazaq álipbıinde neshe árip bar?
8. Eltańbanyń ortasynda ne ornalasqan?
9. QR - nyń astanasy?
10. Týdyń avtory kim?
Júrgizýshi: - Osymen saıysymyzdyń baǵdarlamasy aıaǵyna jetti. Ádil qazylar alqasyna sóz beriledi.
Jatpalyq jastar, jatpalyq
Jasqanba jolyń ashylsyn.
Baqshasynda halqynyń
Bulbul bop tiliń saırasyn, - dep jas urpaqty jańa ómirge talpyndyryp, qazaq tilin úırenip, elimizdiń mártebesin asqaqtatyp júrýge shaqyramyz.