InfoHub Logo

Adamzat úshin baǵa jetpes baılyq - azattyǵy men erkindigi, halqynyń ashyq aspan astynda táýelsiz ómir súrýi. Al bizdiń qazaq eli úshin qundy mura sanalatyn táýelsizdikke qol jetkizgenimizge kózdi ashyp-jumǵansha 30 jyl tolyp otyr. Alaıda osyndaı orasan jetistikke jetý úshin qazaq eli úshin ońaıǵa soqpady. Táýelsizdik jolynda ata-babamyz qandaı qıyndyqtardy bastan keshirdi, qandaı táýekelge bardy?

Táýelsizdik-ata-babalarymyzdyń kıeli jerimizdi saqtap qalýy úshin tógilgen ólsheýsiz teri men qanynyń óteýi. Elimiz 1991 jyly óz táýelsizdigin jarıalaǵanymen, bostandyqqa degen umtylysy erte zamandardan bastaý alǵan. Qazaq halqy el bolyp qalyptasqaly nebir aýyrtpalyqtardy basynan ótkerdi. Qazaq tarıhyndaǵy sonaý jońǵar shapqynshylyǵy kezeńinen bastap, Keńes úkimeti ornaǵannan keıin de qazaq eliniń jaǵdaıy jaqsaryp kete qoımaǵandyǵyn bárimiz bilemiz. Aqtaban shubyryndydaǵy eli úshin jan berip, talmaı kúresken qaharmandarymyzdy birneshe ǵasyr ótkennen keıin ǵana erlikterin esimizge alyp jatyrmyz. Al 1986 jyly Almatyda oryn alǵan Jeltoqsan oqıǵasy da halqymyz úshin qaıǵyly kúnder bolyp sanalyp, tarıhta tańba bolyp qaldy. Dálirek aıtqanda, Keńestik kezeńniń solaqaı saıasatyna óz narazylyǵyn tanytyp, azamattyq únderin ulttyq múddemen ushtastyra bilgen qanshama qazaq jastary el qamy úshin qyrshynynan qıyldy. Bul árekettiń barlyǵy elde tek ádilet ornatyp, altyn tuǵyrymyzdy tikteýge jasalǵan alǵashqy qadamdar edi. Budan bizdiń túıgenimiz-erteńgi urpaqtyń bolashaǵy jarqyn bolsyn dep óz jandaryn azattyq úshin qurban etken batyrlarymyz bizge úlken úmit artyp, táýelsizdigimizdi amanat etti. Artylǵan úmitti aqtap, uly muramyz táýelsizdigimizdi saqtap qalý bizdiń qolymyzdan kele me?

Táýelsizdik týyn tigýge qanshalyqty kúsh-jiger qajet bolsa, ony qulatpaı saqtap qalýǵa sonshalyqty qajyr-qaırat kerek. Meniń pikirimshe, biz táýelsiz eldiń ulandary, kúsh biriktirip, azattyqtyń qadirin tereńnen túsine alsaq qana asyl muramyzdy saqtap qala alamyz. Erkindik jolynda tógilgen ter men aqqan qannyń baǵasyn uǵynyp, batyr babalarymyzdy ulyqtaı alsaq qana óz maqsatymyzǵa

Qorytyndylaı kele, ulttyq qundylyǵymyz ben ulttyq qasıetimizdi pash etip, kúlli álemge qazaqty namysy bıik, rýhty, azattyqsúıgish el retinde tanylýyna sebep bolǵan Táýelsizdik biz úshin qymbat. Ýaqyt tarazysymen qarastyrar bolsaq, 30 jyl az da, kóp te ýaqyt emes. Alaıda osy ýaqyt aralyǵynda elimiz kóptegen áleýmettik, ekonomıkalyq jáne mádenı damý jolynda úlken asýlardy baǵyndyra aldy. Táýelsizdik eshteńemen salystyrýǵa kelmeıtin amanat. Onyń shoqtyǵynyń bıik turatynyn salt-dástúrimiz, tilimiz, mádenı jetistikterimiz syndy baǵa jetpes qundylyqtarymyzdan ańǵara alamyz. Qansha ýaqyt ótse de azattyqqa jetýdegi oqıǵalar óz mańyzyn joǵaltpaq emes. Eń bastysy erkindigimizdi saqtap, odan ári damyǵan alpaýyt elder tizimine enip, altyn kúni jarqyrap, altyn qyrany qalyqtaǵan Qazaqstannyń sol eldermen terezesiniń teń turýyna aıanbaı ter tógýimiz kkerek.

Shymkent qalasynan kelgen stýdent Dosybaeva Balnur

1 Kýrs Hımıa QazUÝ

 Ǵylymı jetekshi:aǵa oqytýshy Kaırakbaeva Gúlnaz Soltanqazyqyzy

---