InfoHub Logo

Bolashaqtyń kilti, eldiń erteńi - bilimdi jastar. Qazirgi ýaqytta jastardyń sapaly bilim alýy, durys mamandyqty tańdaýy jáne qoǵamnan óz ornyn tabýy memlekettiń bolashaǵy úshin eń ózekti taqyrypqa aınaldy.

Jastar tabandy eńbek etip, elimizde bolyp jatqan ońdy úrdisterge belsene qatysýy arqyly ǵana jetistikke qol jetkize alady. Sonymen qatar, jastar qoǵamǵa paıdasyn tıgizip, alǵan bilimin elimizdiń órkendeýine jumsaıtyn bolsa, onda keleshegimizdiń kemel bolatyny sózsiz. Jańa zaman táýelsiz el muraty — jastardyń bilimi men biliktilikke talpynyp árekettenýin, eńbektenip ósýin talap etip otyr. Kez kelgen memlekettiń bolashaǵy – bilimdi jastar. Kózi ashyq, kókiregi oıaý bilimdi urpaq óz Otanyn damytý jolynda aıanbaı ter tógedi. Jastar – bul memlekettiń negizgi tiregi bola otyryp, bolashaqta el basqaratyn urpaq ókilderi. Árıne, elimizdiń keleshektegi araıly tańynyń perdesin tek belsendi jastar ǵana asha alady. Barlyq ýaqytta jastar halyq arasyndaǵy eń ozyq bóligi bolyp eseptelingen. Olar árqashan qoǵamdaǵy oń ózgeristerdiń aldyńǵy qatarynda boldy. Negizinen, jastar – memlekettiń strategıalyq qory. Olar damýdyń jasampazdyq qýaty men ulttyq kúshin jınaqtap, damyta alady.

Ótken ǵasyrlarda adamzat iliminiń damyp, aqyl men oı parasatynyń jetilýi, oqýdyń qajettiligin aıtyp, bilim alýdyń mańyzyn anyqtaǵan ǵulamalardyń biri Ábý Nasyr Ál-Farabı. Ol óz eńbekterinde eńbek tárbıesi men onyń teorıasyn jasaýshylardyń biregeıi ekeni málim.
Bilim men ǵylym qazirgi tańda jáne bolashaqtaǵy qoǵamdy damytatyn negizgi kúsh bolyp tabylady, ıaǵnı qazirgi jastarymyz básekege qabiletti tulǵa bolýy kerek. Ol úshin eń aldymen básekege qabiletti tulǵa bilimdijáne sonymen birge mindetti túrde tárbıeli de bolýy qajet. Osy tusta jetilgen tulǵany tárbıeleý úshin ǵulama ǵalym, oıshyl, fılosof Ál-Farabı: «Adamǵa eń birinshi bilim emes, tárbıe berý kerek, tárbıesiz berilgen bilim – adamzattyń qas jaýy, ol keleshekte onyń barlyq ómirine apat ákeledi» degen basty qaǵıdany usynǵan bolatyn. Bul qaǵıdanyń qazirgi tańdaǵy ózektiligi zor. Memleket jastardyń bilim alý máselesine qatysty, olardyń básekege qabilettiligin asa mańyzdy mindet qylyp otyr. Qazirgi aqparattar, jetik tehnologıalar men ınovasıalar zamany. Sáıkesinshe, búkil órkenıet osyǵan beıimdelip, ınovasıalyq jańashyldyqtarǵa toly qoǵam qalyptasyp keledi. Osyndaı ekonomıkaalyq, kásipkerlik ortada tabysty jumys istep, jańa múmkinshilikterdi anyqtap, ınovasıalyq bıznes-ıdeıalardy týyndaý úshin, árıne bilimdi, aqyl-oıyńyzdyń shıraqtylyǵy, aqparattardy jınaqtaý jáne taldaý qabiletteriniń bolǵany abzal. Jastardy bilim jáne ǵylym jolyna salyp, bolashaqqa baǵdar berý, túzý joldan taıdyrmaı, sanaǵa sáýle shashar oqý bilimniń tizginin ustatý memleket pen qoǵamnyń mindetteriniń biri bolyp tabylady. Barlyq myqty memleketter jastardyń bilimi men oqý-aǵartý isine kóp kóńil bóledi. Keleshektiń irgetasyn qalaý úshin, eń aldymen sol eldiń jastarynyń sanaly urpaq bolyp jetilýine kúsh salý kerek.

Qorytyndylaı kele, bilimdiligimen qosa rýhanı damyǵan, elimizdiń erteńgi  tutqasyn ustaıtyn - oıy ozyq jastar bolmaq!

Hımıa jáne hımıalyq tehnologıalar fakúltetiniń 1 kýrs stýdenti: Manarbek Gúldana Ǵılymqyzy
Jetekshi: aǵa oqytýshy Kaırakbaeva Gýlnaz Soltangazınovna

---