InfoHub Logo

Ádebı - mýzykaly kesh
Taqyryby: «Táýelsizdik tańy»
Maqsaty: Bilim alýshylarǵa Qazaqstan Respýblıkasynyń tarıhyn, táýelsizdikke jetken jyldaryndaǵy jetistikterdi bilýge úıretýdi jalǵastyrý. Memleketimiz jónindegi jetistikterdi bilimderin damytý, patrıottyq sezimderin oıata otyryp, Otanǵa degen súıispenshiligin tárbıeleý.
Keshke qajetti kórneki quraldar: ekran, slaıd, plakattar, oqýlyqta, basylymdarǵa shyqqan taqyrypqa baılanysty materıaldar.

Mýzyka oınalady. Avtor J. Tuıaqbaev. Sh. Sarıev
«Atameken – aı” áni oryndalady. Ekranda Qazaqstan Respýblıkasynyń Táýelsizdik alǵan jyldardaǵy jetistikteri týraly slaıd kórsetiledi.
Bilim alýshylar sahnaǵa shyǵady.

1 - júrgizýshi
Qurmetti oqytýshylar jáne bilim alýshylar «Táýelsizdik tańy»
Ádebı – mýzykaly keshimizge qosh keldińizder.
«Men qazaqpyn» J. Moldaǵalıev

1 - bilim alýshy
Men qazaqpyn myń ólip myń tirilgen,
Jórgegimde tanystym muń tilimmen.
Jylaǵanda júregim kún tutylyp,
Qýanǵanda kúlkimnen tún túrilgen.

2 - bilim alýshy
Men qazaqpyn bıikpin anamyn men,
Qursaǵyma syıdyrdym dalany men.
Pák sábımin besikte ýildegen,
Dáýirlermen qurdaspyn danamyn men!

3 - bilim alýshy
Men qazaqpyn, bıikpin, baıtaq elmin
Qaıta týdym ómirge, qaıta keldim!
Men myńda bir tirildim, máńgi ólmeske
Aıta bergim keledi, aıta bergim.

Júrgizýshi:
Tarıh degenimiz – kesek – kesek aıtýly oqıǵalardyń jıyntyǵy. 1986 jylǵy Jeltoqsan aıynda dúnıeni ózine jalt qaratqan úsh kúngi oqıǵa tek qazaq ulty taǵdyrynda ǵana emes, kúlli álemdik, qalyptyq oı - sana qozǵalysyna aınaldy.

II - bólim. Ǵasyrmen suhbat
4 - bilim alýshy.
XI ǵasyrda táýelsiz qazaq handyǵyn qurdyq. Alaıda táýelsiz qazaq memleketi beıbit ómir súre almady. Ulan – baıtaq elimizge jan – jaqtan kóz tigip oıran salýshylar kóbeıdi.
Qazaq jeri qonaqjaı – jerdiń jeri
Qazaq jeri qas saqtaı eldiń eri.
Eli kedeı bolsa da jeri baıtaq
Edigedeı batyrdaı erdiń jeri.

5 - bilim alýshy
El jaılaýǵa kóship, qannen – qapersiz jatqan elimizge jońǵar tutqıyldan shabýyl jasap, qalyń jurtty qan jylatty. Dúrlikken jurt shubyra qashyp, «aq taban shubyryndy» boldy. Halyq Alakólge aıaqtap, qasıetti Qarataýǵa bas saýǵalady.
Qazaq jeri kóp shekken qasiretti
Qazaq eli ónerli, ósıetti
Egıpetti bılegen Beıbarystyń
Eli tekti, kıeli qasıetti.
“Elim – aı” áni oryndalady. Án oryndalyp jatqan kezde
ekrannan “Aq taban shubyryndy” jyldaryna arnalǵan slaıd kórsetilip jatady.

6 – bilim alýshy
Qarataýdyń baýyrynda qalyń qazaq bas qosty. Eldiń eldigin, erdiń erligin sońǵy ret synaıtyn kún týdy. Jurtty aman alyp qalý úshin, danyshpan ata Tóle bı batyrlardy batyrlyqqa, eldi birlikke shaqyrdy.
7 – bilim alýshy
1923 - 1933 jyldarda adam aıtsa nanǵysyz asharlyqtan alty mıllıondaı adamnyń 2, 2 mıllıony opat boldy. Asyra silteýdiń kesiri bizdiń qazaq ádebıetinde jaıqalyp kele jatqan – Shákárim, Ahmet, Maǵjan, Mirjaqyp, Júsipbek, Beıimbet, İlıastardyń túbine jetti. Ózi ólse de, aty ólmegen aǵalar rýhyna búgingi urpaq tize búgip, bas ıedi.
Ortaǵa bilim alýshylar shyǵady Shyraq jaǵylady.
Shákárim, Ahmet, Maǵjan, Mirjaqyp, Júsipbek, Beıimbet, İlıastardyń óleńderi oqylady.

8 - bilim alýshy
1941 - 45 jyldar. Adamzat tarıhynda bolmaǵan bul alapat soǵysta el úshin janyn qıǵan qazaq batyrlary. fashızmnen búkil adamzatty, adaldyqty qorǵap, erekshe erlik kórsetti. Halyq qaharmandaryna «Keńes Odaǵynyń batyrlary» degen abyroıly ataq berildi.
9 - bilim alýshy
Aıta berse, sóz taýsylǵan ba? 1941 - 45 jyldardyń yzǵarly kúnderi qanshama qyrshynyń ómirin qıdy. Erjúrek uldar men qyzdar Otan qorǵaýǵa bir adamdaı attandy. Qaharmandyqpen qaza tapqan batyr qyzdarymyz Álıa men Mánshúkti qaıda qoıarsyz?
Aqyl aıtyp, babalar jolǵa salǵan
Asyl sóz danalardy mura bolǵan
Erligi Mánshúk pen Álıanyń
Júrekte máńgi óshpes oryn alǵan.

10 - bilim alýshy
Iá, bir kezde Otan úshin dese janyn qurǵan jastar endi táýelsizdik úshin ar – namysyn, ata - baba dástúrin joǵary kóterý jolynda ereýilge shyqty. Olardyń bul ójettiligin ultshyldyqtyń belgisi dep kórsetti. Qansha qan tógildi?
Iá, 1986 jyl «Jeltoqsan oqıǵasy» tarıhta máńgi qalmaq.

11 - bilim alýshy
Jeltoqsan oqıǵasyn D. A Qonaevty birinshi hatshy komıtetinen bosatqan Qazaqstan kompartıasy ortalyq komıtetiniń 1986j 16 jeltoqsandaǵy plenýmy tutandyrdy. Saıası Búro atynan KOKP ortalyq komıtetiniń hatshysy Razýmvskıı shyǵyp sóıledi. Qazaqstan kompartıasy ortalyq plenýmynyń sheshimi týraly habar respýblıkalyq radıo boıynsha 16 – shy jeltoqsanda saǵat 15. 00 - de berildi.
1986 jylǵy jastar kóterilisi Rýh pen yza daýyly nemese ǵasyrlar qoınaýynan atylǵan oq.