InfoHub Logo

Taqyryby: «Táýelsizdik - teńdesi joq baılyǵym»
Maqsaty: Qazaqstan Respýblıkasynyń jetken jetistikteri týraly oqýshylardyń bilgenderin ortaǵa salý. Oqýshylardy týǵan jerin, elin, Otanyn súıýge qorǵaýǵa, saqtaýǵa qurmetteýge tárbıeleý.
Kórnekiligi: Týǵan jer týraly qanatty sózder, Otan týraly oqýshylar salǵan sýretter, býkletter, Q. Rysqulbekov «Qaısar rýhty qazaq»kitaby, ınteraktıvti taqta, t. b.

Barysy:
Ánuran oryndalady
1. Uıymdastyrý kezeńi
2. Muǵalimniń kirispe sózi. Oqýshylarǵa suraq - jaýap ádisi arqyly ótedi.
Muǵalim: Qurmetti oqýshylar. «Táýelsizdik - teńdesi joq baılyǵym» dep atalatyn tárbıelik sharany bastaýǵa ruqsat etińizder.
Biz budan buryn Otan, týǵan jer týraly tárbıe saǵattaryn ótkenbiz. Káne, eske túsireıikshi.
- Biz qaı memlekettiń azamatymyz?
- Ultymyz kim?
- Tilimiz qandaı?
- Táýelsizdik degen ne?
- Táýelsizdikti qaı jyly aldyq?
- Elbasymyz týraly jańa kınonyń aty qalaı?
- Ánurannyń avtory kim?
Sh. Qaldaıaqov, J. Nájimedenov, N. Á. Nazarbaev.
- Týdyń avtory kim?
Sh. Nıazbekov.
- Eltańbanyń avtory kim?
J. Málibekov, Sh. Ýálıhanov.
Hor: «Kók týdyń jelbiregeni»

3. Kelesi kezekti oqýshylarǵa bereıik.
1 - oqýshy: Amanǵalı
1991 jyly 16 jeltoqsanda Qazaqstan Respýblıkasy Táýelsiz respýblıka dep jarıalandy.
2 - oqýshy: Arýjan
Dalada dýman, qalada dýman jyr búgin,
Ǵasyr boıy ańsaı da kútken bul kúnim.
Jasaı ber, jasa asqardan asa árqashan,
Keýdeme ákep qaldyrǵan baqyt bulbulym.
3 - oqýshy: Beıbarys
Keldi osylaı ańsaǵan kúnimiz de,
Kópten kútken táýelsizdik keldi bizge.
Qaıta oraldy san ǵasyrlyq qıyndyqtan,
Qasıetti tilimiz ben dinimiz de.
4 - oqýshy: Albına
Táýelsizdik ońaılyqpen kelmedi,
Bizge buny eshkim aıap bermedi.
Táýelsizdik Qaırat, Lázzat, Erboldyń,
Tas kóshede tas - talqan bop ólgeni.
5 - oqýshy: Aısana
Shala jansar qar astyna kómgeni,
Táýelsizdik ata - baba armany.
Qandaı elmin búgin mine, kór meni,
Alaýlaıdy múmkin emes sónbegi.
6 - oqýshy: Dıas
Toılanyp myń mereke, ulys kúni,
Quıylǵan shańyraqtan yrys nury,
Halqymnyń baqyty úshin az baılyq pa,
Táýelsiz elimizdiń tynyshtyǵy.
7 - oqýshy: Raıymbek
Biz - qazaqpyz,
Esigi ashyq, tóri keń,
Jylap óttik jyldar ómir órinen
Jeter endi, jelpineıik, qaraıyq,
Myna ómirge ıegerdiń kózimen.
8 - oqýshy: Asylzat
Aqtaldy bozdaqtardyń aq talaby,
Ádil is árqashanda aqtalady.
El úshin janyn qıǵan asyl jandar,
El esinde máńgilikke saqtalady.

4. «Armandaǵan aq sáýlege jetpedim...» Qaırat Rysqulbekov óleńderinen oqýshylar úzindiler oqıdy.
Ol tiri qalǵanda aqyn bolar ma edi?..
1 - oqýshy: Nurdáýlet
«Meniń taǵdyrym»
2 - oqýshy: Janarys
«Aqtyq sóz»
3 - oqýshy: Danagúl
«Kezdesemiz áli de»
4 - oqýshy: Aqgúlim
«Anama»
5 - oqýshy: Dıas
«Ana tili»
6 - oqýshy: Amanǵalı
«Aǵajan»
Hor: «Elim meniń»

5. Muǵalimniń qorytyndy sózi.
Mine, balalar búgingi tańda Qazaqstan táýelsiz memleket. Bizdiń elimizdiń týymyz, eltańbamyz, ánuranymyz bar. Egemendi Qazaqstan memleketimiz. Sender otanymyzdyń urpaqtarysyńdar. Jaqsy oqyp, úlgili, tártipti bolyńdar. Óz eliń men jerińdi kórkeıtip, Qazaqstannyń namysyn qorǵaıtyn, keleshek urpaqtyń aqylshysy, tiregi sender bolmaqsyńdar.