InfoHub Logo

«16 - shy jeltoqsan - Táýelsizdik» kúnine arnalǵan merekelik - konserttik is - sharanyń jospary
Taqyryby: «Táýelsizdik – tynysyń, búgingi dáýletiń, erteńgi yrysyń»
Maqsaty:
- Táýelsizdiktiń 28 - jyldyq merekesine oraı merekelik shara uıymdastyrý arqyly 1986 jylǵy jeltoqsan oqıǵasynyń mańyzy jaıly, atalarymyz ańsaǵan táýelsizdigimizdiń mazmunynyń tereńdiginen syr shertý;
- Bilim alýshylardyń til baılyǵyn, sóıleý mádenıetin, ónerin damytý;
- Óz eliniń tarıhyn bilýge, otanyn súıýge, ultaralyq dostyqqa, erlikke baýlý, patrıottyq tárbıe berý.
Túri: dástúrden tys, ádebı - mýzykalyq kesh
Kórnekilikteri: taqyryp jazylǵan banner, noýtbýk, proektor, beınedıskiler men slaıdtar
Merekelik - konserttik keshtiń barysy:
(Qurmanǵazynyń «Saryarqa» kúıi oryndalyp turady. Sahnaǵa júrgizýshiler shyǵady)

İ - júrgizýshi: O, keń dala!
En qyzyqqa batqanyń
Shalqyp tolqyp, baqytty bop jatqanyń.
Halqymyzdyń qýanyshyn molaıtqan
Egemendik seniń alyp jatqanyń.

İİ - júrgizýshi: Jetken arman, jasa táýelsizdigim
Óz qolyma bergen erik tizginin
Ie bolǵan álem iltıpatyna
Derbes, beıbit memleketpiz biz búgin.

İ - júrgizýshi: Qyna kóktep qońyr qyrdyń tasynda,
Bastaǵandaı kógim búgin ashyla
Eńsesi tik, egemendi el bolyp,
Baqyt qondy qazaǵymnyń basyna.

İİ - júrgizýshi: Saryarqa saıran tórimiz,
Keń baıtaq bizdiń jerimiz.
Egemendikke qol jetip,
Táýelsiz boldy elimiz.

İ - júrgizýshi: Umytpaımyz bizder árqashan
Taǵdyrdyń bergen bul syıyn
Elimiz bolyp toılaımyz
Táýelsizdiktiń biz kúnin!

İİ - júrgizýshi: Táýelsizdik yrysym men qazynam!
Ol - ásem án,
Jan tynyǵar sazynan.
Ánuranym shalqyǵanda asqaqtap
Jazdaı jaınap
Qurysymnan jazylam.

1. Ánuran. («Meniń Qazaqstanym» - QR ánurany oryndalady)
İ - júrgizýshi: Jeltoqsan oqıǵasy… Osy bir aýyz sózden áli kúnge deıin yzǵar esip
turǵandaı. Ony eske alǵan saıyn arqamyzdy aıaz, mańdaıymyzdy muz, tabanymyzdy syz qaryǵandaı kúı keshetinimiz ras. 1986 jylǵy Almatydaǵy jeltoqsan oqıǵasy qazaq topyraǵyna ulttyq sanasyn, namysyn jiger otyna janǵan jańa da qaısar urpaqtyń kelgenin áıgilegen edi.

Astana qalasy ákimdiginiń
«Kópbeıindi koleji» MKQK
tarıh pániniń oqytýshysy
Ýsmanova Gýljan Kambarovna

Tolyq nusqasyn júkteý