InfoHub Logo

Elińniń uly bolsań, Elińe janyń ashysa, azamattyq namysyn bolsa, qazaqtyń ulttyq jalǵyz memleketiniń nyǵaıyp – kórkeıýi jolynda jan terińdi syǵyp júrip eńbek et. Jerdiń de, eldiń de ıesi óziń ekenińdi umytpa!

N.Nazarbaev

Táýelsizdik-qasıetti, kıeli uǵym. Ol ata-babalarymyzdyń san ǵasyrlar boıy ańsaǵan armany, úmiti men senimi. Ol-azattyqtyń altyn arqaýy, eldigimizdiń myzǵymas tuǵyry.

Keshegi Jeltoqsannyń yzǵarynda namysty tý etip kótergen qazaq jastary totolıtarlyq rejımge qarsy shyǵyp, aq muzda alaý jaqqany bıik rýhtyń, eljandylyqtyń jarqyn kórinisi. Táýelsizdikke jol ashqan ult-azattyq kóterilistiń sońǵy serpini boldy desek qatelespespiz. Osylaısha, Kókbórideı kıesi bar, kók túrikteı ıesi bar qazaq halqynyń saǵy synbady, baǵy jandy. Taǵdyrymyzǵa táýbe!

Nebir qıly zamandy, «tar jol taıǵaq keshýdi» basynan ótkergen qazaq halqyna Allanyń meıiri túsip, Egemendi el atandyq! 1991 jyly 16-jeltoqsandaǵy «Qazaqstan Respýblıkasynyń Memlekettik táýelsizdigi týraly» konstıtýsıalyq Zańy qabyldanǵanyna da, mine, bıyl-28 jyl tolmaq. Osynaý jyldar aıasynda eńsemiz bıiktep, rýhymyz shalqı tústi. Tórtkúl dúnıege «qazaq» degen ult, «Qazaqstan» degen memleket tanyldy, óshkenimiz janyp, ólgenimiz tirildi. Shekaramyz aıqyndalyp, jerimiz túgendeldi.

Qazirgi tańda Táýelsizdik — barlyǵymyz úshin erekshe qasıetti kún. Birliktiń, yntymaqtastyq pen tatýlyqtyń kúni. Memleketimizdiń táýelsizdigi — eń aldymen halqymyzdyń baqyty. Sondyqtan búgingi kúni halqymyz ótkennen qalǵan tarıhı ónegeni, otansúıgishtikti, ultyna degen mahabbatty joǵaltpaı, ári qaraı jastardyń patrıottyq sezimine engizýge erekshe kóńil bólýi kerek dep oılaımyn.

Táýelsizdigimizdi jarıalaǵannan bergi mezgil ishinde kóptegen eleýli tabystarǵa qol jetkizdik. Elimizdiń tynyshtyǵy men qaýipsizdigi, kóp ultty Qazaqstan halqynyń jarastyǵy men yntymaqtastyǵy Prezıdentimizdiń júrgizip otyrǵan parasatty kóregen saıasatynyń nátıjesi.

Qazaqstan – qazaq halqynyń ata-baba mekeni, ejelgi qonysy. Elimiz ólsheýsiz tabıǵat baılyǵymen ǵana emes, eń aldymen san túrli ulttardan quralǵan halqymen erekshe ekenin umytpaǵan abzal. Búgingi beıbit te shýaqty kúnderdi baǵalaı otyryp, jańa bıikterde umtylý – bizdiń býynnyń baǵyty bolýy tıis. Elimizdiń rýhy kúnnen – kúnge kóterilip keledi. Jalpy biz úshin táýelsizdik – Tý, táýelsizdik - aýa, jer - sý, táýelsizdik el dáýleti bolyp tabylady Táýelsizdiktiń arqasynda eldigimizge qut qonyp, yrys úıirilip, ortaǵa úlken sybaǵa túsip tur.

Qoryta kele aıtarym, Qazaqstan erteń kún shyǵa qaýyzy ashylyp, sosyn jan - jaǵyna ádemilik, sulýlyq syılaıtyn ısi jupar gúlderdeı jaınap, qulpyryp keterine osy eldiń azamaty retinde men kámil senemin. Endigi urpaqtyń maqsaty mol bilimmen qarýlanyp, keń - baıtaq jerimizdi teris pıǵyldy basqynshylardan qorǵaý. Talaı jerde qursaqta jatyp, qurban bolyp kete jazdaǵan táýelsizdigimizdi pále jaladan aman saqtaıyq, ǵumyry uzaq bolǵaı. Yntymaǵymyz jarasqan, birliktegi el bola bereıik. Bul men sıaqty myńdaǵan qazaq halqynyń tilegi. Elimiz aman, jurtymyz tynysh bolǵaı!

Táýelsizdik alý – bul tek bastapqy qadam. Otanymyzdyń bolashaǵy bizdiń qolymyzda. Eger árqaısymyz janymyzdyń bir bóligin elimizge bersek, respýblıkamyz odan ári damı beredi! Elimizdegi búkil ulttar birikse, jolymyzda kezdesetin barlyq qıyndyqtardy jeńip shyǵamyz!

Aqtóbe oblysy Hromtaý aýdany
Qarlaý BM muǵalimi
Mýhambetkalıev Dýman

---