InfoHub Logo

Júregińizdiń lúpili buzylǵanyn sezgen boıda, oryndyqqa otyryńyz da, tabanyńyzdy edenge tireńiz. Aýany jaılap, tereńdete jutyńyz, qarnyńyz kádimgiden kóbirek shyqqanyna kóńil aýdarmańyz. Sóıtseńiz kóp uzamaı júrek lúpili qalpyna keledi.

— Júrek jumysyndaǵy úzilis qaıtalana berse Válsalva amalyn qoldanyńyz. Murnyńyzdy saýsaqtaryńyzben qysyp, aýzyńyzdy jaýyp, aýa shyǵarýǵa tyrysyńyz. Shyǵara almaısyz, kúshenýge týra keledi. Sonyń saldarynan arterıalyq qysym bir sátke ulǵaıady da, júrek jumysynyń lúpilin qalpyna keltiredi. Osy amaldy oılap tapqan HVİ ǵasyrdaǵy ıtalán anatomy Antonıo Válsalva.

— Jaqsylap jótelip alyńyz. Jótel de tamyrdyń ishindegi qysymdy shamaly ýaqytqa kóteredi. Keıde bir jótelgenniń ózi jetip jatyr.

— Sýyq sýdan birneshe ret jutyńyz. Onshalyq túsinikti emes bul amal keıbir adamdarǵa birden kómektesedi. Muny bireýler bylaı túsindiredi: óńeshten ótkende sý ony júrekke salmaq túsirýge ıtermeleıdi, sóıtip júrek jumysy qalpyna keledi.

— Munyń ornyna sýyq sýdy betke shashyp jiberýge de bolady. Fızıologıalyq titirkenis kúshti bolsa, kútken nátıje shyǵady.

— Balyqty kóbirek jeńiz. Aqserke pen skýmbrıa júrek úshin óte paıdaly omega-3 maıly qyshqylyna baı.

— Bir otyrǵanda tamaqty tym kóp jep qoımańyz. Ondaıda organızm mol tamaqty qorytýǵa májbúr bolady da, ony qanmen jabdyqtaý ulǵaıady, al júrek álsireıdi. Onda lúpil jıileıdi.

— Kofeın paıdalanýdy azaıtyńyz. Kofe, shaı, alkagolsiz sýsyndar keıbireýlerdiń júrek lúpilin kúsheıtedi.

— Júrek lúpiliniń buzylýyna basty kináli kóbine kóp qajý. Júrek lúpiliniń jıileýi qajýdyń qaýypsyz deńgeıden joǵarylap ketkenin kórsetedi. Medıtasıa ony qalpyna keltiredi. Sondyqtan kún saıyn jarty saǵat ońasha otyryp, deneńizdi bosatyńyz, janyńyz da jaı tapsyn.

— Qajýdy ıis terapıasy kómegimen kemitińiz. Bet oramalǵa lavanda maıynyń birneshe tamshysyn tamyzyp, ıiskep otyryńyz.

— Túnde keminde jeti saǵat uıqtańyz. Sharshańqylyq júrek lúpilin buzady.

— Aptasyna úsh-tórt ret jarty saǵat jaıaý júrińiz, júgirińiz, tenıs oınańyz. Biraq onyń merzimin uzarta bereıin dep oılamańyz. Tanysyńyzben asyqpaı-saspaı áńgimelesetindeı kúıde bolǵanyńyz jón

— Álgindeı jattyǵý aldynda 10 mınýt deneńizdiń qyrtys-tyrtysyn jazyńyz. Jattyǵýdan keıin de sonsha ýaqyt tynyshtalyńyz.

— Júrek lúpili ártúrli bola beretin kóp adamdardyń organızmindegi magnıı deńgeıi tómen ekendigi baıqalady. Sondyqtan kúnine eki ret 400 mg magnıı dári-dármegin ishińiz. Tek búıregińizdiń aýrýy joq bolsa ǵana.

— Konferment Q10 dármegin ishińiz. Osynaý tabıǵı qosylys júrek lúpilin qalpyna keltiredi. Ásirese júregi aýyratyn adamdarda. Onyń 150 mıllıgramyn kún saıyn bir ret tamaqpen birge ishińiz.

— Balyqty kóp jemeıtin bolsańyz, kún saıyn 2–3 gram balyq maıyn iship turyńyz. Ol balyq salqyn kezinde syǵyp alynǵan maı bolsyn. Ol omega-3 maıly qyshqylyna baı.

— Taýrın atalatyn amındi qyshqyl júrek bulshyq etindegi oqta-tekte bolatyn elektr ımpúlsyn joıady. Onyń kúnine 1,5–3 gramyn ishińiz.

Oqýǵa keńes beremiz:

Júregińizdiń toqtap qalýy múmkin ekeniniń 11 belgisi

Júrek aýrýynyń sebepshileri

Mıokard ınfarkti jáne emdik jattyǵýlar

Júrek shamasyzdyǵy

Tahıkardıa

Arıtmıa

---