InfoHub Logo

Taqyryby: «Táýelsizdikti jyrlaıyq»
Maqsaty: a) Oqýshylarǵa qazaq halqynyń basynan ótken qıyn kezeńderdi, tarıhı shejirelerdi;
á) Eliniń egemendigi jolynda halqy úshin ómirin qurban etken batyrlardyń erlik isterin;
b) El qorǵaýdy úırete otyryp, patrıottyq tárbıe berý.
Kórnekiligi: Batyrlardyń sýretteri, jeltoqsan qurbandarynyń sýretteri men tizimi ilingen taqta, jeltoqsan oqıǵasy jaıly derekti fılm, oqýshylardyń shyǵarmashylyq jumystary, plakattar:
«El qýatty bolmaı, qýanysh turaqty bolmaıdy».
«Táýelsiz eldiń - tuǵyry bıik».
Baǵdarlamasy:
1 - bólim: Táýelsizdik jyr - shashý.
2 - bólim: Táýelsizdik jolyndaǵy kúres.
3 - bólim: Táýelsiz Qazaqstanym.
Barysy:
Kirispe bólim:
Muǵalim: Balalar! Mine, kópten kútken táýelsizdik merekesi de kelip jetti. Bul mereke erekshe, biz táýelsizdigimizdiń múshel jasqa tolǵanyn toılaǵaly otyrmyz. Qazaq halqynda, ózderin bilesińder múshel toı degen úlken mánge ıe. Biz sizderge osy táýelsizdik merekesine arnalǵan
«Táýelsizdikti jyrlaıyq» atty konserttik baǵdarlamamyzdy bastaıyq

I. Negizgi bólim. «Jyr shashý»
1 - bastaýshy: Qurmetti kórermender, endigi kezekte biz búgingi táýelsizdik merekesine arnap, sizderge aqyn aǵamyz Tynyshbaı Rahymnyń óleńin oqyp bereıik.
1 - oqýshy:
Táýelsizdik atyp kókke telpegin,
Shattanǵan joq, maqtanǵan joq el telpegin,
Qazaǵymnyń tolǵaıyn bir, somdaıyn
Ótkenin de, búginin de erteńin
2 - oqýshy:
Búgin asqar Alataýdaı alyppyz,
Atyraýdaı tereń túısik - paryqpyz
Taǵdyrynyń taýqymetin arqalap,
Talaı zaman sor qaınaǵan halyqpyz.
3 - oqýshy:
Keń bolǵanda kem bolmaýdy oılap biz,
Ulan baıtaq saharany jaılappyz.
Soǵys jyly myltyq únin estimeı,
Beıbit kúnde bomba jarǵan Aımaqpyz.
4 - oqýshy:
Keshe nurly, búgin muńly dalamyz,
Ólsek te osy Dalamyzda qalamyz.
Ana tili endi shyqqan Urpaqtan,
Úmit kútken ákemiz ben anamyz.
5 - oqýshy:
Ulttyq namys bastaý kózin ashqan – Biz,
Halqymyzben, saltymyzben asqarmyz
Seksen alty Jeltoqsanyn jańǵyrtyp,
«Qazaq...» - degen «Azat...» degen Jastarmyz.
6 - oqýshy:
Eńselengen Aq Ordamyz, baq - úıimiz,
Bolashaqtan baqyt keıpin tanımyz.
Alaqanyn Kúnge soza talpynyp,
Ósip kele jatqan beıqam Sábımiz.
7 - oqýshy:
Quzyryna qol suqpaımyz kóptiń biz,
Tunjyraǵan tún emespiz, tek Kúnbiz.
Eldigimiz keń álemge tanylyp,
Jelbiregen aspan tústes Kók Týmyz.
8 - oqýshy:
Talaı zulmat sordy bastan keshtik biz,
Momyn elmiz, momyn jerde óstik biz.
Aq nıetpen kelgenge de, ketkenge
Aınymasqa qolyn sozǵan Dostyqpyz.