InfoHub Logo

Tarıh sabaǵyndaǵy materıaldardy meńgertýdiń tıimdi joldary

Jalpy bilim beretin mektep – balany úlken ómirge jeteleýshi baǵban. Búgingi tańdaǵy memleketimizdiń strategıalyq mańyzdy baǵyttarynyń biri - bilim berý salasyn jetildirý. Ulttyń rýhanı táýelsizdigi men qaýipsizdigin saqtap qalatyn da, qorǵaıtyn da, keleshek asýlarǵa bastaıtyn da - júıeli bilim. Búgingi jahandaný zamanyndaǵy bizdiń basty nysanamyz - órkenıet deńgeıindegi táýelsiz memlekettiń rýhanı ósýi turǵysynan táýelsiz, ozyq bilim úlgilerimen qarýlanǵan jastaryn tárbıeleý. Elbasynyń 2030jylǵa deıingi strategıalyq damý baǵdarlamasynda da keleshek urpaqty bilimmen sýsyndatý negizgi maqsattyń biri retinde biri retinde ataldy.
Eldiń erteńgi ıesine tarıhı - tanymdyq, ekonomıkalyq saýatty bilim beretin birden - bir pán – tarıh. Jalpy tarıh ǵylymy – ulttyń, eldiń táýelsizdiginiń tiregi. Álemdik qaýymdastyqtaǵy Otan tarıhyn bilý úshin árbir bala qandaı bilim kózinen nár alýy kerek? Bul suraqty ózime qoıa otyryp, keleshektegi ıaǵnı HHİ ǵasyrdaǵy qazaq mektebindegi oqýshylardyń tarıh páninen bilimdi tereń jetik meńgerýi úshin tómendegi jaǵdaılar eskerilse deımin:
a) Oqý – materıaldyq baza;
á) Mektep - densaýlyq;
b) Rýhanı - psıhologıa;
v) Buqaralandyrý jáne t. b. jaǵdaılar bolýy kerek.

Tarıh páni boıynsha qajetti oqý - materıaldyq bazasynda.
1. Talapqa saı jabdyqtalǵan kabıneti;
2. Pándi oqytýǵa qajetti elektrondyq oqýlyqtary:
2. 1. Ádistemelik oqýlyqtary;
2. 2. Tehnıkalyq quraldary;
2. 3. Taqyryptyq kartalary;
2. 4. Ilústrasıalyq sýretteri;
2. 5. Oqýshylar úshin kórkem ádebıetteri jańa úlgide bolýy shart.

İ. Tarıh pániniń jáne ár sabaqtyń negizgi maqsatyn aıqyndaý.
Oqýshylarda adamzat qoǵamynyń ejelgi zamannan búgingi kúnge deıingi damý tarıhynan júıeli bilim negizderin qalyptastyra otyryp, dúnıege ǵylymı kózqarasyna damytý, adam jınaǵan áleýmettik, rýhanı tájirıbesin meńgertý.
Sabaqtyń mazmunyn jaqsartý tásili ondaǵy eń keremetti bólip alýǵa kóńil aýdarýdy qalaıdy. Bilim negizden (ózekten) jáne málimetter qabyǵynan turady. Sabaqtyń bilimdik negizgi - maqsatty aıqyndaý. Maqsat tolyq ashylmasa naǵyz jetildirilgen baǵdarlama da kómektese almaıdy.
Tarıh páninde oqytý obektim -«Tabıǵat. Adam. Qoǵam.» Mekteptegi tarıh páni búkil tarıh ǵylymyn tutas qamtı almaıdy. Sondyqtan da oqýshylardyń jas erekshelikteri men daıyndyq dárejelerin eskere otyryp bilim berý, tárbıeleý, damytýshylyq jaǵynan eń mańyzdy derekter, oqıǵalar, qubylystar, tarıh úrdister, tarıhı - ǵylymı uǵymdardy iriktep alyp otyramyn.