InfoHub Logo

Telefonyńyzdy bir mınýtqa da qolyńyzdan tastaı almaı, qaıta-qaıta habarlamalardy teksere beretin boldyńyz ba? Bul maqalada osy dertten arylýǵa kómektesetin jeti laıfhak týraly aıtyp bermekpiz.   

1. Saǵat taǵyp júrińiz

«Saǵat qansha bolǵanyn kóre salaıyn» — telefon ekranyna bir úńilip qalýdyń kóp aıtylatyn syltaýlarynyń biri. Desek te, buǵan kóp ýaqyt jumsalady, óıtkeni zeıin jańa kelgen habarlandyrýlarǵa aýdaryla beredi. Sońǵy kezderi júrgizilgen zertteýlerge qaraǵanda qolyna saǵat taǵyp júretin kisilerdiń kóńili smartfondarǵa bir jarym ese az aýdarylady eken.  

2. Klasıkalyq oıatardy paıdalanyńyz

Adamdar smartfondaryn oıatar retinde paıdalanýy jıi bolyp turady. Alaıda, bul óte jaman qatelik. Tańerteń tósekten turý úshin telefonnyń ornyna dástúrli oıatardy qoldanyńyz. Osylaı isteseńiz, sizdiń taǵy bir ret pochtańyzdy nemese Facebook-ty tekserip tastaıtyn múmkindigińiz bolmaıdy.  

3. Únsiz rejımdi paıdalanyńyz

Jumys kezinde nemese sabaqta otyrǵanda smartfondy únsiz rejımge qoıǵan nemese qurylǵyny óshirip tastaǵan durys. Osylaı bolsa, siz tezirek jumys qalpyna túsip, mańyzdy mindetterdi tıimdirek atqara alasyz.   

4. «Smartfonsyz aýmaq» quryńyz

Gadjet táýeldiligine qarsy «smartfonsyz aýmaq» degen nárse asa paıdaly. Úıińizde uıaly telefondy paıdalanýǵa bolmaıtyn bólmeni saılańyz. Bul, mysaly, jatyn bólmesinde smartfondardy asyra paıdalanbaýǵa múmkindik beredi.  

5. Qajeti joq akkaýntaryńyzdyń kózin qurtyńyz

Qazirgi zamanda áleýmettik jelilerdiń sanyna jetip bolmaısyń. Biraq siz solardyń barlyǵynda bolýǵa tıistisiz be? Joq! «Kóp bolǵany — jaqsy degen sóz emes» degen erejege boı usynyp, áleýmettik jelilerden qajeti shamaly jáne paıdalanylyp júrmegen akkaýntardy óshirip tastańyz. Osylaısha siz kóńilińizdi alańdatatyn habarlamalardyń sanyn azaıtasyz.   

6. Eki mınýt saıyn smartfonyńyzdy tekserýdi qoıyńyz

Smartfon diril qaqqandaı boldy ma? Jaı-kúı ındıkatory jypylyqtap tur ma? Kópshiligimiz telefonymyzdyń ár bir habarlamasyn tezirek oqyp, jaýap berýge tyrysyp turamyz. Smartfonyńyzdyń ekranyna ár eki mınýt saıyn kóz sala bergenshe, ony sıregirek, biraq uzaǵyraq paıdalanyp turyńyz. Osylaı etkende siz barlyq habarlamalarǵa jaýap berýge jáne barlyq habarlandyrýlardy tekserýge úlgerip otyrasyz. Tipti taımer qoıyp qoıýǵa da bolady: ýaqyt bitken kezde kelesi «seansqa» deıin telefonǵa jolamaısyz.    

7. Gadjetterdi kúndelikti ómirde qoldaný ýaqytyn shekteńiz

Smartfondar ómirimizdiń óte mańyzdy bólshegi bolyp aldy. Aqyldy telefonnyń kómegi arqyly dúkenderde aqsha tóleýge, poıyzǵa nemese ushaqqa sıfrlyq bıletter alýǵa bolady. Táýeldilikten arylý úshin olsyz op-ońaı amaldaýǵa bolatyn salalarda smartfondy paıdalanýdy azaıtqan jón bolady. Klasıkalyq ádisterdi eske alyńyz: bıletterdi basyp shyǵaryp alyńyz, zat satyp alǵan kezde qolma qol aqshaǵa alýǵa tyrysyńyz nemese karta arqyly tóleńiz.  

Smartfonnan basy bútin qutylýdyń qatal, biraq óte tıimdi joly 

Eger aıtylǵan keńesterdiń eshqaısysy qolaıyńyzǵa jaqpasa, myna ádisti qoldanyp kórińiz:

---