InfoHub Logo

Ertede bir hannyń qoıshysy bar eken. Sol qoıshy hannyń jalǵyz balasymen bir jaqqa baryp kele jatsa, ózenniń jaǵasynda jylqynyń basy jatyr eken. Sonda qoıshy: «Meni Tolybaı synshynyń balasy dep kim aıtady, seni kókoraq tulpar dep kim aıtady?» — dep jylqynyń basyn qushaqtap jylaıdy. Osy ýaqıǵa jaıyn hannyń balasy ákesine aıtyp keledi. Muny estigen han qoıshyny shaqyryp alyp: «Sen
synshy bolsań, meniń bes júz jylqymnyń ishinen shabatyn tulpar bar ma, aıqyndap ber», — deıdi. Qoıshy hannyń jylqylaryn aralap, eshbir jylqyǵa kóńili tolmaı, hanǵa: «Sizdiń jylqylaryńyzdyń ishinde shabatyn tulpar joq», —  deıdi. Han qoıshyǵa qarajatyn, kerek jaraǵyn berip, tulpar taýyp kelýin suraıdy. Qoıshy shahardan-shahar kezip, bazarlardy túgel aralap, eshbir tulpar taba almaı, bir qoıshydan jaýyr, júni túsken qotyr taıdy satyp alyp hanǵa keledi. Han qoıshyǵa: «Bir aıdan keıin bolatyn bir báıge bar, soǵan osy taıdy qosasyń», — dep buıyrady. Qoıshy «maqul» dep, taıdy bir tabyn jylqyǵa qosyp jiberedi. Asqa on kún qalǵanda hannyń balasy úıirge baryp qarasa, áli sol qalpynda, jaýyr aryq taıdy qoıshy minip júr eken. Qoıshydan: «Hannyń báıgege qosatyn tulparyn minip júrgeniń qalaı?» — dese, ol: «Hannyń
bes júz jylqysynyń ishinde osydan basqa ushyǵyna shyǵatyn jylqy kórmedim», — deıdi. Sodan báıge bolyp, tepeńkók báıgeni alyp keledi.

Sonda qoıshy Tepeńkókti:

Kekilińe bolaıyn kúltelengen jibekteı,
Saýyryńa bolaıyn, túbi túsken shelekteı, — dep erkeletken eken.

---