InfoHub Logo

«Til - tiregimiz, soǵyp turǵan júregimiz»
Maqsaty: Oqýshylardy týǵan halqynyń tilin qasterleıtin sanaly da parasatty azamat etip tárbıeleý.
Kórnekiligi: Synypty taqyrypqa laıyq bezendirý,
naqyl sózder.

Muǵalim: Ana tili - adam bolyp jaralǵannan beri jan dúnıesiniń aınasy, ósip - ónip, túrlene beretin, máńgi qulamaıtyn báıteregi. Ana tili júrektiniń tereń syrlaryn, halyq tarıhynyń barlyq kezeńderin, jannyń barlyq tolqyndaryn urpaqtan - urpaqqa saqtap otyratyn qazyna.

Meıram: Qazaq tili asa baı, ıkemdi til. Qalaı ıseń, solaı ıile beredi. Oramyn, burymyn taýyp, qısynyn, oraıyn keltirip paıdalansań, bul tilmen sýret salýǵa, tas qashap, aǵash, tekemet oıýǵa bolady - aý. Bul tilden maı tamady dese de syıar. Halyqtyń tiline jyryna qulaq salsań, nebir alýa - sheker baldaı tatıtyn nárine, árine áste toımaısyń. Ǵashyqpyn qazaq tiline... Osyndaı maısa, sulý tildi qalaı ógeısitýge bolady.

Raýan: Ana tilim - tirligimniń aıǵaǵy,
Tilim barda aıtylar sóz oıdaǵy,
Tilim ósse, men de birge ósemin,
Tilim óshse, men de birge óshemin.

Ana tilin bilmegen - aqyly joq jelikbas,
Ana tilin súımegen - halqyn súıip jarytpas.

Aıbek: Týǵan tilim - babam tilim - óz tilim,
Týǵan tilim - anam tilim - óz tilim,
Týǵan tilim - dalam tilim - óz tilim,
Týǵan tilim - adam tilim - óz tilim.

Raıymbek: Týǵan tilde syry tereń janym bar,
Týǵan tilde ánim menen sánim bar.
Týǵan tilim til bolýdan qalsa eger,
Júregimdi sýyryp - aq alyńdar!

Muǵalim: Qulaqtan kirip boıdy alar,
Jaqsy án men tátti kúı.
Kóńilge túrli oı salar,
Ándi súıseń, menshe súı.

«Ana tilim» áni. Oryndaıtyn hor.

Amanjan: Asyl sózdi izdeseń,
Abaıdy oqy, erinbe.
Adamdyqty kózdeseń,
Jattap toqy kóńilge.

«Abaı men Ábishtiń syrlasýy» atty qysqasha kórinis.
(Abaı - Meıram, Ábish - Raýan)
- Balalar, til týraly biz ne bilemiz? Oılarymyzdy ortaǵa salaıyq.
Raýan: Halyq bar jerde til bar. Til bar jerde óner bar. Óner bar jerde jankúıer bar. Ár halyqtyń ana tili - onyń baqyty, onyń qýanyshy.
Amanjan: Týǵan tiliń maqtan etý, ony taza saqtaý, onyń órlep, óse túsýine eńbek sińirý - árbir qazaq otbasynyń júregi.
Aıbek: Halyqtyń qýaty - tildiń qýaty. Biz ana tilimizdi eń aıtqysh, eń bilgir, eń baı tilderdiń birine aınaldyrýymyz kerek.

- Balalar, til týraly qandaı maqaldar bilemiz?
1. Óner aldy qyzyl til.
2. Til tas jarady,
Tas jarmasa, bas jarady.
3. Sheberdiń qoly ortaq,
Sheshenniń tili ortaq..
4. Til qylyshtan ótkir.
5. Basqa bále tilden.

Muǵalim: Qalyń elim qazaǵyńa qorǵan bol!
Jetkinshegim jaıqala ósip orman bol,
Shet tili men kompúterdi meńgerip,
Elge tirek, naǵyz ulttyq tulǵa bol!

Osymen bizdiń til merekesine arnalǵan sabaǵymyz aıaqtaldy.