InfoHub Logo

Til - tiregimiz, soǵyp turǵan júregimiz.

Synyp saǵatynyń maqsaty:
1. Oqýshylardyń ana tilge degen qurmetin, súıispenshiligin oıatý. Tilderin damytý, mánerlep sóıletý. Oı órisin keńitý, ultjandylyqqa tárbıeleý
2. Qazaqtyń til ónerin, sheshendik pen tapqyrlyqty, qazaq tarıhyndaǵy salt - dástúrlerdegi til shuraıyn taný, úlgi alý. Halyq mádenıetin til arqyly nasıhattaý, ana tiliniń ómirsheńdigi, adam tirshiligindegi tildiń rólin jetkizý.
Muǵalim:
- Balalar, qazirgi tańda ana tilin bilý, úırenýdiń qajettiligi jaıly orasan jumystar júrgizilýde. Elimiz óz táýelsizdigine qol jetkizgennen keıin ana tilimiz – qazaq tili memlekettik til dep bekitildi. Qazaqstan Respýblıkasynyń «Til týraly zańy» kúshine endi. Ana tilinsiz is órge baspaıdy. Ana tilimizdi qurmetteı bileıik.
Júrgizýshi:
Tilim barda qazaǵym bar, halqym bar,
Dástúrim bar, ata joly saltym, bar.
Keń daladaı jınalmaǵan shalǵaıy,
Ańqa, ý ashyq minezim bar ańqyldaq.

«Meniń tilim ólmeıdi» atty kórinis.
Túrme ishi. Qaırat daýystap óleń oqyp otyr. Tergeýshi eki kúzetshimen kiredi.
Tergeýshi: – Ne týraly óleń oqyp otyrsyń? Búgin jazalanatyn kúniń bilesiń be?
Qaırat: – Bilemin. Men «Ana tilim» týraly óleń oqyp otyrmyn.
Tergeýshi: – Aıtar aqtyq sózińdi aıtyp qal.
Qaırat: – Men qazaqpyn myń ólip, myń tirilgen,
Qushaq jaıa tanystym san tilimmen.
Jaman úıdi qonaǵy bıleıdi dep,
Qala jazdap aırylyp óz tilimnen.
Ózge tilge eliktep el bolmaıyq,
Qazaǵymnyń artyǵy joq óz tilinen.
Tergeýshi: – Áı, ońbaǵan, shynyńdy aıt, orys tilinde jaz!
Qaırat: Moınyma aldym jalany,
Týǵan jerdiń namysy.
Bóten qolda ketpesin,
Tıtyqqa orys jetpesin.
Tergeýshi: Áketińder! Atyńdar!

Júrgizýshi: Búgingi taqyrypqa baılanysty qandaı taqpaqtar bilesińder?
1 – oqýshy:
Týǵan tilim tirligimniń aıǵaǵy,
Tilim barda aıtylar syr oıdaǵy.
Ósse tilim mende birge ósemin,
Óshse tilim mende birge óshemin.
2 – oqýshy:

Tilim meniń!
Tirshiligim tynysym qunym meniń!
Bas bergenmen, Mahambet til bergen joq
Til kesilse, ne bolmaq kúnim meniń?!
3 – oqýshy:
Tilim meniń!
Uly Abaıdaı, Muhtardaı pirim meniń!
Tunyǵym, rýhanı jan azyǵym,
Ol búlinse meniń de búlingenim.
E. Hasanǵalıevtyń «Anaǵa sálem» áni oryndalady.
4 – oqýshy
Óner aldy – qyzyl til,
Oı tolǵaǵan syrly til.
Qalaýyn taýyp qar jaqqan,
Tas tiletin almas til.
Qorshaǵan al otaý tis,
Saraıyn ashyp, syryn bil.

Júrgizýshi: - Al, endi balalar, til týraly qandaı maqal – mátelder bilesińder?
Oqýshylar:
1. Aqyl kórki - til, tildiń kórki – sóz.
2. Kóńil - gúl, til - bulbul.
3. Aıaqqa kisen salýǵa bolar,
Qolǵa kisen salýǵa bolar,
Al, tilge kisen salýǵa bolmas.

Júrgizýshi: Endi balalar, senderdiń sheshendik ónerlerińdi synaıyq. Sondyqtan, «Uıqasyn tap» oıynyn oınaıyq.
1. Túk sezbegen balań... ( Jaqsylyq kórme odan)
2. Júırik tildi aqyn bol... ( Jaqsylyqqa jaqyn bol)
3. Dostaryńmen tatý bol... ( Dushpanyńa qatý bol)
4. Týǵan jerdiń gúli bol... ( Azamat bol, iri bol)
Hormen:
Týǵan jeri – túp qazyǵy, aıdyny,
Týǵan tili – satylmaıtyn baılyǵy,
Týǵan dástúr, salt sanasy tiregi,
Qadamyna shýaq shashar únemi.
Bári qosylyp, elimizdiń ánurany «Meniń Qazaqstanym» oryndalady.