InfoHub Logo

«Tilim meniń tirligimniń aıǵaǵy» atty til aptalyǵynyń ashylý saltanatty sharasynyń SENARIİ

1 - júrgizýshi: Armysyzdar qadirmendi oqýshylar jáne ustazdar!
2 - júrgizýshi: «22 qyrkúıek - Qazaqstan halyqtarynyń tilderi kúni» merekesine arnalǵaly otyrǵan til aptalyǵynyń ashylý saltanatyna qosh keldińizder!
1 - júrgizýshi: « Til týraly tuńǵysh zań 1989 jyly 22 qyrqúıekte joǵarǵy keńestiń sesıasynda qabyldanǵan bolatyn. Al ekinshi ret 1997 jyly 11 shildede qabyldandy.
2 - júrgizýshi: Til - halyqpen birge ómir súrip damıdy. Sebebi, ár ulttyń tili - onyń baqyty, tiregi.
1 - júrgizýshi: Qurmetti kórermender! Men endi sóz kezegin qazaq tili men ádebıeti birlestiginiń jetekshisi -------------------------- bergim kelip otyr.
Kamshat apaı sóıleıdi

1 - júrgizýshi: Meniń qazir oıyma Qadir Myrzalynyń til týraly aıtqan óleń shýmaqtary esime túsip tur.
2 - júrgizýshi: Olaı bolsa seni tyńdalyq
1 - júrgizýshi:
Ana tilim — ánuranym, Ana tilim — órligim,
Ana tilim — hám quralym, Ana tilim — eldigim.
Ana tilim bolmasa, Ana tilim bolmasa,
Myqty bolmas turaǵym. Bútindelmes kemdigim.
2 - júrgizýshi: Olaı bolsa men de saǵan Sultanmahmut Toraıǵyrovtyń ádemi óleń joldaryn oqyp bereıin:
Súıemin týǵan tildi – anam tilin,
Besikte jatqanymda - aq bergen bilim.
Shyr etip jerge túsken mınýtymnan
Qulaǵyma sińirgen tanys únim.
Eń birinshi sol tilmen syrtqa shyqty,
Súıgenim, súısingenim, jek kórgenim.
1 - júrgizýshi: Óte keremet. Osyndaı ádemi óleń jolynan keıin ádemi ánniń áýenimen sýsyndap otyrmaımyz ba?
2 - júrgizýshi: Ia, Qazaǵymnyń án - jyryna ne jetsin, Júrekterdi odan ári terbetsin deı kele sizderdiń aldaryńyzǵa ánimen------------------------------------ shaqyramyz. (Án aıtylady)

1 - júrgizýshi:
Ana tilim - ana kútim arym meniń
Sáýletim - saıa baǵym, sánim meniń
Aspanym ózińmenen araılanyp,
Nurlanyp atar ylǵı tańym meniń.
2 - júrgizýshi:
Súıemin týǵan tildi – anam tilin,
Besikte jatqanymda - aq bergen bilim.
Shyr etip jerge túsken mınýtymnan
Qulaǵyma sińirgen tanys únim,- demekshi men endigi kezekti jyrdan shashý shashýǵa kolej oqýshysyn------------------------------ shaqyrǵym kelip otyr. (Óleń oqylady).

1 - júrgizýshi:
Ánsiz myna ómirdiń nesi kóktem,
Án dese qazaǵymnyń esi ketken degendeı, qazaq halqy án dese ishken asyn jerge qoıatyn halyq. Sondyqtan taǵy da shyrqalatyn ásem ánniń kýási bola otyraıyq, aǵaıyn!

Án aıtylady

1 - júrgizýshi:
Tilim meniń!
Uly Abaı, Muhtardaı pirim meniń.
Tunyǵym, rýhanı jan azyǵym
Ol búlinse, meniń de búlingenim.
2 - júrgizýshi:
Ana tilim, týǵan tilim, bal tilim
Sen arqyly dúnıe tanyp talpyndym.
Sen arqyly álemge aıan bar isim
Sen ómirde taýsylmaıtyn altynym.
1 - júrgizýshi:
Týǵan tilimizdiń qadir - qasıeti týraly bizdiń sózimizdi jalǵastyrýǵa ortaǵa
shaqyramyn. (Óleń oqylady).

1 - júrgizýshi:
Bilesiń be, «Ana tilin shekarany qorǵaǵandaı qorǵaý kerek» dep Vázemskıı aıtqan eken.
2 - júrgizýshi:
Sondyqtan týǵan tilimizdi kózimizdiń qarashyǵyndaı qorǵaý – ol bizdiń, ıaǵnı jastardyń basty mindeti.
1 - júrgizýshi:
Endeshe óz týǵan tilin qorǵap, sol tilde án aıtqaly kelip otyrǵan ----------------------nege kezekti bermeske...
2 - júrgizýshi:
Qarsy alyńyzdar!
Án aıtylady
2 - júrgizýshi:
« Jeke bir adam ult tilin jasaı almaıdy. Til – búkil halyqtyń ıgiligi, halyqpen birge jasap, birge damıdy. Ana tilin jaqsy bilmeıinshe saýatty sóılep, saýatty jazyp, til baılyǵyn mol qoldanbaıynsha, shyn mánindegi mádenıetti adam atanýǵa bolmaıdy»dep S. Negımov til týraly óz pikirin de bildirip ótken eken.

1 - júrgizýshi:
Ia, til týraly qalam terbemegen birde-bir aqyn - jazýshy joq ta shyǵar. Sondyqtan osyndaı ádemi óleń shýmaqtaryn tartý etetin-------------------------- qarsy alyńyzdar.
1 - júrgizýshi:
Árbir tilde sóıle adamdy tań qylyp,
Ana tilin bilmeý qandaı zańdylyq!
Óser balań, baıtaq dalań turǵanda.
Hormen: Qazaq tili jasaý kerek máńgilik.
2 - júrgizýshi:
Til - qasıetti, qudiretti, kıeli. Bul qasıetter boıǵa ananyń aq sútimen darıdy. Til óshpeıdi, qandaı qıyndyqta da til óz urpaǵynyń qanyna, janyna óz uryǵyn egip, ómirsheń kúı keshe beredi.
1 - júrgizýshi:
Týǵan tilim – tirligimniń aıǵaǵy,
Tilim barda aıtylar syr oıdaǵy.
Ósse tilim men de birge ósemin,
Óshse tilim men de birge óshemin.
2 - júrgizýshi:
Kirshiksiz qardaı saqtańdar,
Qazaqtyń tilin ǵalamat.
Ana til – arym, ımanym,
Amanat, saǵan, amanat.
1 - júrgizýshi:
Qadirmendi kórermender! Kelesi kezdeskenshe aman bolyńyzdar!