InfoHub Logo

Dúnıe ǵajap, tylsym almaǵaıyp,
Osynyń bireýine toqtalaıyq.
Myń qulpyrǵan - qyzyldy, jasyldy da
Tabıǵat tumsa tirlik, tańǵajaıyp.

Aıtaıyn oıymdy men júırik attaı,
Zymyrap óteıin de atqan oqtaı.
İshime syr jasyryp qalmaımyn men
Kórinbeı túnde ushatyn jarqanattaı.

Bul tusta qalaı ǵana irkileıin,
Nóserdeı kók aspannan sirkireıin.
Óleńimdi arnaldym tabıǵatqa
Kemege jol kórseter delfın deıin.

Órteıdi dáý ormandy jalǵyz ushqyn,
Silkilgendeı qanatyn qyran qustyń.
Tyrnaǵynyń ótkirligin aıtar bolsaq
Uqsaıdy júzderine som qylyshtyń.

Ósimdik dúnıesin aralasań,
Sanynan shatasatyn myń sanasań.
Tústeriniń alýandyǵy tań qaldyrar
Kóz toıar má, kórkine kóp qarasań.

Taýlary túıelerdiń órkeshindeı,
Sýlary sol taýlardyń erkesindeı.
Tastary qabaq shytqan qart sekildi,
Shyńdary qoıbastaǵan serkesindeı.

Men máńgi tabıǵatqa bas ıemin,
Sezemin shyn júrekpen qasıetin.
Aqynmyn aǵyny qatty jyrlarymnyń,
Ózendeı taýdy jaryp, baýyryma tas úıetin.