InfoHub Logo

Bir shalshyqta bir kókqutan men tyrna meken qyp turypty. Tyrna shalshyqtyń bir shetinde, kókqutan bir shetinde. Tyrna jalǵyz turýǵa qapalanyp, kókqutanǵa baryp aıtty: men seni ózime aıttyra keldim. Maǵan tı, ekeýimiz birge turaıyq dep. Joq, saǵan tımeımin. Seniń júnin, qysqa, jaman ushasyń jáne de nemen sen meni asyraısyń, dep Kókqutan jaýap qaıtarady. Tyrna úıine qaıtty. Tyrna ketken soń kókqutan oıǵa qaldy, jalǵyz turý qapa ǵoı, tyrnaǵa tıeıin, ekeý bolsaq ýaqyt tez óter dedi de, tyrnaǵa baryp, men saǵan tıe keldim dedi. Tyrna ashýlanyp, joq, men endi seni almaımyn, aıttyra barǵanda tıseń edi, dep qaıtardy. Uıalyp ám yza bolyp kókqutan úıine keldi.

Budan keıin tyrna oıǵa qaldy: nege men kókqutandy qaıtardym. Ekeý bolsaq, qyzyǵyraq bolar edi, dep qaıtadan kókqutanǵa bardy da, men seni alamyn, júr endi bizdiń úıge dedi. Kókqutan ashýlanyp: ket endi, ıt, shubatylmaı, ózim barǵanda alsań bolmas pa edi, dedi.

Budan soń kókqutan da oıǵa qalyp, tyrnaǵa barǵanda, tyrna almaı, onyń artynan tyrna barsa, kókqutan tımeı ekeýi osy ýaqytqa deıin áýre bolysyp júr.

---