InfoHub Logo

Qalyń aǵashty aralap, bir túlki kele jatyp, aǵashtyń basynda otyrǵan bir qyrǵaýyldy kórdi de, jaqyndap kelip salamatsyz ba, qyrǵaýyl!. Qalaı turasyń, dostym? dedi.

Jaqsy sózińe raqmet! Ózińiz qalaı turasyz? dedi qyrǵaýyl. Jerge túsip sóılesseń eken shyraǵym, kárimin, bir qulaǵym jóndi estimeıdi, deıdi túlki. Jerge túspeımin, jerge túsýge qorqamyn, jerde ártúrli ańdar bar, bizdi jep qoıýǵa múmkin dedi, qyrǵaýyl. Eı, dostym, bıylǵy zaman burynǵy emes! Jańada qalaǵa baryp edim, buıryq shyǵypty, bireýge bireý zorlyq qylmasqa! Qoı men qasqyr birge júrsin degen túlki men taýyq birge júrsin degen kógarshyn men qarshyǵa bir uıaǵa jumyrtqalasyn degen. Qoryqpa, tús, dedi túlki. Jaqsy habaryńyz bar, jaqsy aıtasyz, allasy razy bolsyn, dos! Myna jaqta bir ıtter kele jatyr, olarǵa da aıtyńyz, olar da estisin dedi qyrǵaýyl. It degen sezdi estigesin túlki aldy-artyna qaramastan qasha berdi. Qaıda barasyz, buıryqty umytyp kettińiz be? dedi qyrǵaýyl. Kim biledi, buıryqty estimegen ıtter shyǵar, degen túlkiniń daýsy estildi.

---