InfoHub Logo

Búgin qatqyl qys tonyn eritip, qara jerdiń kóringeni kúni. Aǵaryp atqan tań nury, kókjıekke erkelep kerilip turǵandaı. Jyl boıy bizben birge bolǵan torǵaı shyryly men qystap kelgen qustar úni tap bir tabıǵat orkestiri dersiń. Tabıǵat tynysyn sezinip turǵan men jer ananyń demalystan kelgenin quttyqtap turǵandaı, tań azanymen turyp osy ásem kórinisti tamashalaýdy jón kórdim. Bul ǵalamattan mende qalys qalmaıyn degendeı Alpyspaı atanyń áteshide shaqyra jóneldi. Kún shýaǵy jer betine áli túspesede, aýyl adamdary endigi turyp jatsa kerek. Keshe ǵana tereze aldynda gýildep soǵyp turǵan borynyń, kóktem atty arýdan uıalyp at tonyn ala qashqandaı. Kóktemniń kelgeni búgin bolsada “Báısheshek”deıtin bóbekti asyǵa kútip júrgen men ǵana emes. Kári emen aǵashy men qaraǵaıdyń ústindegi aq kamzoly sheshilip, kún shýyǵanan nár alyp turǵandaı. Áı degenmen kóktemniń kelgen alǵashy shýaǵyn, adamdar ǵana emes aqsaqal emenniń sezingenin keıin boldy ǵoı. Bul sátti uzaq kúttim degenmen ystyq tósekti tastap, tirlishiktiń tereń uıqydan oıanǵanyn tamashalaý kezi men úshin kórkem qubylys. Jalyndaǵan jazdyń kúnderinde aýyl balalary bolyp jınalyp ystyq demimizdi basyp “Basqan” ózenine súńgip-aq ketýshi edik. Qyraýly qysta qaımaq beti muz bolyp aýyl balalary qyzyq kórip syrǵanap, ózen janyndaǵy jalǵyz bas úıdegi qarıa Amanbaı ata bizdi qýyp álek bolǵan meken, minekeı búgin muzy erip sýy móldirep tur. Alyp aǵash shybyqtary da, kúni erteń búrshik atamyz ǵoı daıyndala bereıik dep turǵandaı. Endigi kezek osylardyń gúl ashyp, kóshe ishin názik ıiske toltyrar sáti. Oıhoıı kóktem qyzyǵy áli aldyda. Eń bastysy tirshiliktiń búgin oıanaǵy emes pe?

Qaster Aıjan

---