InfoHub Logo

Bas prodúseri – Álıa Nazarbaeva. Fılmdi Mádenıet jáne sport mınıstrliginiń tapsyrysymen «Qazaqfılm»  kınostýdıasy men Sataifilm kompanıasy túsirdi.  Rejıser Aqan Sataev oǵan  2 jarym jyl ýaqytyn jumsady.Uzaqtyǵy – 2,5 saǵat. Senarıin Tımýr Jaqsylyqov pen Álıa Nazarbaeva jazǵan.

Bul fılm 93 kún túsirildi. Jalpy, joba­ny shy­ǵarý kezeńi eki jarym jyl­ǵa sozyldy. Keı kúnderi túsi­ri­lim alańynda bir ýaqytta 800-ge ­ jýyq kisi boldy. Shy­ǵar­­mashylyq toptyń quramynda eń kóp degende – 400 adam. 

Fılmniń alǵashqy kórsetilimi – orys tilinde. Qazaqsha sınhrondy aýdarma jasalǵan. Ekinshiden,keıipkerlerdiń oıy­ny. Bul fılm kórermenge jańa beıneni alyp shyqty. Ol – Almıra Tur­syn. Almıranyń Tomırısi óte shynaıy, kórermenin sendiredi. Sursha qyzdyń batyr keıpin ádemi beınelepti. «Dushpandar saq áıelderinen ólerdeı qorqatyn. Óıtkeni olar er-azamattarmen teń dárejede soǵys ónerin kórsetti» deıtin sıpattamaǵa tolyq saı keledi. Úshinshiden«Tomırıs» fıl­mindegi Arǵunnyń rolin oı­na­ǵan Ádil Ahmetovtiń ob­razy. Ádil Ahmetov – ta­lantty akter. Rejıser fılmde Tomırıs pen Arǵunnyń mahabbatyn sátti bergisi kelse, rol­ge Ádildi emes, jańa beıneni alyp shyǵýy kerek edi. Bir akterdiń ob­ra­­zy kelesi bir fılmde qaı­­ta­lana berýi – sát­tilik emes. Tórtinshiden,jer­leý rá­simi. Kúıe­ýi men balasyn jer qoı­nyna berý sá­tin­degi Tomırıstiń dıa­lo­gi sátti tańdalǵan. Úsh balany qurbandyqqa shal­maq bolǵan baqsyny To­mı­rıs toqtatyp: «Bular bizge osy álemde kerek», – deıdi. Demek, saq dáýirindegi órkenıettiń tym jabaıy bolmaǵanyn osy arqyly nanymdy beınelep otyr. Eki jarym saǵatqa sozylǵan kınoda soǵys pen urys kórinisteri jaq­sy somdalǵan. Mýzykalyq jaǵynan kórkemdelýi de kóńilge qo­nady. Sondaı-aq fılmdegi kó­ne túrki jáne parsy tili sol za­mannyń shynaıy beınesin berýge dálirek jaqyn keledi.

«Tomırıstiń jas kezindegi beı­nesin somdaǵan eki jas qyzdyń oıyndary kóńilimizden shyqty. Olardyń bul debútin jaqsy qabyldadyq. Tusaýkeserdiń ba­syn­­da negizgi roldi somdaǵan Al­mıra Tursynmen birge eki qyz­dy da sahnaǵa shyǵaryp, qurmet kórsetkende durys bolatyn edi», – deıdi kórermenderdiń biri.

Jalpy aıtqanda tarıhı fılmdi ekrandaý isi sátti shyqqan deý­ge bolady. Ásirese, oqıǵany baıan­daýdy ózimizdiń ál-Farabı babamyzdyń jazbasy arqyly berýi kórermenderge jaqsy áser etti. Týǵan tarıhymyzdyń shejiresin ja­sa­ǵan tól tulǵalarymyzǵa degen qurmettiń belgisi dep qabyl aldyq.

Tarıhymyzdy tutastaı sıpattaı alǵan,óskeleń urpaq maqtana kóretindeı fılim shyqqany keýdemizdi kókke kerneıdi!

Kıno&medıa mamandyǵynyń 1 kýrs stýdenti Alıhan Samal Aýeshanqyzy
Jetekshisi: aǵa oqytýshy,kýrator N.B.Rýshanova

---