InfoHub Logo

M. Áýezov atyndaǵy orta mekteptiń
bastaýysh synyp muǵalimi G.I.Kýsaınova

Sheberlik synyby
Jas mamandarǵa tálimgerlik
Taqyryby: «Toptyq jumysty uıymdastyrý joldary»
Deńgeılik oqytý baǵdarlamasynyń mazmuny syndarly oqytý teorıasyna negizdelgen. Oqytýdyń syndarly teorıasy oqýshylardyń oılaryn damytý - olardyń burynǵy alǵan bilimderimen jańa nemese synyptaǵy túrli derek-kózderinen, muǵalimnen oqýlyqtan jáne dostarynan alǵan bilimderimen astastyryla júzege asady degen tujyrymdamaǵa negizdeledi.

Syndarlyq teorıasyna negizdelgen oqytýdyń maqsaty - oqýshynyń pándi tereń túsiný qabiletin damytý, alǵan bilimderin synyptan tys jerde, kez - kelgen jaǵdaıda tıimdi paıdalana bilýin qamtamasyz etý.
Oqýshy sabaqta alǵan bilimin toptyq talqylaý, toptaǵy birlesken is - áreket barysynda qoldanýǵa daǵdylanǵanda ǵana, ony ómirde de paıdalana alady. Árbir sabaqta toptyq jumys arqyly birlese árekettengen tıimdi. Bul ustanym Qurastyrylǵan (konstrýktıvtik) bilimniń basty ıdeıalarynyń biri. Osy baǵytty ustanǵan oqý - úırený jobalarynyń barlyǵy da birlesken áreketterdi úırenýdiń negizi dep tanıdy.

Shaǵyn toptyq jumystar oqýshylarda birlik, biregeılik (korporatıvtik) sezimderin qalyptastyryp, sol arqyly ózderiniń ujymǵa qatysy bar ekendigin ańǵartady. Al birlese kótergen júk jeńil ekendigi barshaǵa aıan, ujym bolyp qandaı da bolmasyn tapsyrmany oryndaý qyzyq ta tartymdy sharýaǵa aınalady. Toptyq jumys úırenýshilerde ujymdyq sezim qalyptastyryp, birlesken jumystyń qyzyqty ári tartymdy áreket ekendigin kórsetedi, oqýshylardyń jalpy eńbekke degen yntasyn arttyrady. Oqýshylar ómirde «Men» qaǵıdasynan góri «Biz» tujyrymynyń anaǵurlym paıdaly ekendigin ańǵarady.

Toptyq jumysty uıymdastyrý arqyly oqytýshy mynandaı maqsattarǵa jetedi:
- úırený úrdisinde qatysýshylardyń árqaısysy bir - birimen jeke qarym - qatynas ornatady;
- úırenýshiler týyndaǵan ózine degen senimsizdik pen qobaljýdan qorqynyshtan, jasqanshaqtyqtan arylady;
- ár úırenýshige óziniń qabiletteri men erekshelikterin ashýǵa, kórsete bilýge jaǵdaı jasalady;
- úırenýshiler arasynda erkindik jáne senim atmosferasy qalyptasady;
- úırenýshiler top jumysynda pozıtıvtik, konstrýktıvtik, shyǵarmashyldyq qaǵıdalardy ustanady.

Toptyq jumystyń tıimdiligi men nátıjeliligi kelesi áreketter barysynda artady:
 Berilgen tapsyrma toptyń barlyq qatysýshylaryna qyzyqty bolýy kerek.
 Tapsyrma barlyq oqýshylardyń múddelerine sáıkes kelip, olarda birlesken jumysqa degen ynta týdyrý kerek.
 Topqa bólýdiń qyzyqty tásilderin qoldaný kerek.
 Top ishindegi birlesken jumys erejelerin aıqyndap, naqty ýaqyt belgileý kerek.
 Tapsyrmany topqa bólinbeı turyp bergen durys.
 Jumys aıaǵynda ár top jumys nátıjelerin jarıalap, nemese ol týraly esep berý qadaǵalanady.
 Toptarda tıimdi jumys jasaý úshin synyp bólmesi úırenýshilerdiń erkin túrde qozǵalyp, júrip, turýyna qolaıly bolýy kerek. Ár sabaqta oqýshylar shaǵyn toptar quramyn birneshe ret ózgertýi múmkin, sol sebepti partalardyń arasynda ashyq oryndar qaldyryp, jumys taqtasy da ár oqýshyǵa kórinip turýyn eskergen jón.
Synyptaǵy partalardy toptarǵa bólip ornalastyrýdyń da kóptegen tásilderi bar. Ol túmendegi sýretterde kórsetilgen: