InfoHub Logo

Soltústik Qazaqstan oblysy Shal aqyn aýdany
«Shal aqyn aýdanynyń Alqaaǵash negizgi mektebi» KMM
7 synyp oqýshysy: Abıakım Aqbota
Jetekshisi: Jakına Gúlmıra Jolaýshyqyzy

Qys mezgili... Qatty aıaz bolǵandyqtan terezeniń áınekteri ádemi oıý-órnekpen qyraýlanypty. Sýretshiniń sýreti ispettes. Áınekten kózimdi almaı biraz otyrdym. Sanamdy shyrmaǵan biraz oılar eriksiz aq qaǵaz ben qalam alǵyzdy. Aq qaǵaz betine meniń júregimnen shyqqan sózder marjandaı tógildi. Ol qysy sýyq, jazy ystyq meniń týǵan jerim-altyn besigim - Alqaaǵash aýyly týraly. Meniń aýylymnyń tabıǵaty óte kórkem, sulý. Aýylym shaǵyn bolsa da, jeri qunarly, ósip shyqqan shúıgin shóbi, sap-sary altyndaı bolyp, qaýlap ósken bıdaıy, qatar-qatar tizilgen aǵashtary, osy aǵashtardyń ishinde shapqylap júrgen janýarlary, erkin ushqan aqqý-qazy da bar. Osynyń barlyǵy baǵa jetpes sulýlyq qoı! Baldyrǵan shaǵymnyń qyzyqty da, ári kóńildi kezderi osy týǵan ólkemde ótti. Men osy aýylda kóbelek qýyp oınap óstim. Sondyqtan da óz jerim maǵan qatty ystyq.

Árıne, ár adamǵa óziniń kindik qany tamǵan, baqytty balalyq shaǵyn ótkizgen jeri qymbat. «Týǵan jerdeı jer bolmas, týǵan eldeı el bolmas» dep beker aıtylmaǵan sóz. Týǵan jerdiń aýasy-shıpa, jýsany-jupar – degendeı, onyń qadirin shette júrgende tereń túsinesiń dep úlkender aıtyp jatqanyn qulaǵym shalatyn. Sol aıtqandary esime tústi.

Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamasy boıynsha týǵan jerińe, ósken aýylyńa, ıaǵnı týǵan jerińe degen súıispenshilikten bastalatynyn qadap aıtty. Osy maqala aıasynda ónegeli ómirimen kópke úlgi bolǵan azamattar jaıynda sońǵy kezde maqalalar jazylyp júr. Bul, árıne, qýanyshty jaıt. Óıtkeni, týǵan jerge týyn qadap, onyń kórkeıip, damýyna úles qosyp júrgen adamdar bar. Solardyń biri - osy mekteptiń túlekteri Jumabaevtar, Qydyrmınder, Daýlenovtar, Ersaınovtar otbasy. Mektepke túrli-tústi prınter, voleıbol oınaıtyn setka, doptar syılady.

Qyzmet babymen týǵan jerden jyraqta júrgenderdiń ishinde elin ańsamaıtyny joq shyǵar. Ár nárseniń qadiri bar. Adamdardyń barlyǵy óz eliniń qadirin jaqsy túsinedi. Sol sıaqty elge úlgi bolarlyq osyndaı jany jaısań adamdar bar. Men kitaptardy oqyǵan kezde kóp jazýshylardyń shyǵarmalarynda óziniń týǵan jerin sıpattap jazatynyn baıqadym. Ár adam jazýshy bolsyn, óte dúnıe júzine ataqty adam bolsyn olardyń barlyǵy óz týǵan jerine degen ystyq sezimi eshqashan taýsylmaıdy.

Rýhanı jańǵyrý - ult bolashaǵy. Ult bolashaǵy, ıaǵnı halyq erteńi. Halyqtyń erteńin jas urpaq jasaıdy. Endeshe men oqýymdy jaqsy aıaqtap, óskende óz elimdi gúldendirýge at salysamyn.

 

---