InfoHub Logo

Týǵan jer altyn besik, asyl anam.Álemniń jeti keremetinen de asyp túserlik kindik qanym tamǵan Qazaqstanym-myna meniń sábı júregimnen oıyp turyp oryn alǵan.Ózge elde meken etip jatqan qandastaryma arman bolǵan elimniń qadirin men jaqsy túsinemin.Sol úshin de qadirleımin..jaqsy kóremin..

Shyr etip dúnıe esigin ashqan kezde týǵan jer degen uǵymdy men birden túsine qoıǵam joq.Elińdi súı dep te eshkim qulaǵyma quıa qoımady.Tarıhtyń qoınaýynan syr sherte júrip rýhanı baı ári qaıyrymdy halqy bar Otanymnyń qundylyǵyn uǵa bastadym.Óz otanymdy súıýdi úırendim.Óz elin mensinbeı qaraıtyn baýyrlarymdy men túsinbeımin.Týǵan jerimiz  keshe ǵana esin jıyp,aıaqqa tursa da AQSH pen Qytaıdan kem túspeıdi!Daryndy ,kemel urpaq kerek bolsa nebir výnderkınd balalar óz elimizde bar.Reseıdiń keń baıtaq jerin aıtsańyz, Qazaqstannyń paıdaly qazbalaryn sózge tıek etemin.Bizdiń eldiń baılyǵyna  Reseı teń bola alady ma? Shveısarıadyń tabıǵatyn aıtsańyz, Kókshetaýǵa bılet satyp ápereıin!Býrabaıdyń sulýlyǵyn kórip,óz elińizge qalaı tamsanbas ekensiz?Álem ádebıetin aýyz toltyra maqtamas buryn «Abaı jolyn» oqyp shyǵýyńyzdy surar edim.

Babalardan qalǵan asyl muranyń,Sátpaev ashyp ketken mol qazynanyń baıbyna jete qoımaǵan urpaqqa Elbasymyz bastaǵan «Rýhanı Jańǵyrý» men  «Mádenı mura» bir serpilis ákelgendeı boldy.Bul jobalar shyn máninde jastardyń izdenýine jol ashty.Osy jolda Otanyn jaqsy tanı túsken jandar sózsiz óz eliniń patrıoty atandy.

Týǵan jerdiń topyraǵy da kıeli ǵoı shirkin..Talaı janǵa shıpa bolǵan kıeli topyraqty qasterlemeý bizge syn.Týǵan jerdiń taý-tasyn,syldyrap aqqan bulaǵyn,án salǵan qustaryn, atqan árbir tańy men sulý keshin baqylaı qarasańyz bir tebirenesiz.Týǵan jerdiń ómirden óz jolyn tappaı motıvasıa izdegen jandardyń  oılaryndaǵy bos keńistikti toltyrýǵa jeterlik kúshi bar.

Men týǵan jerimdi sheksiz súıem!Bul az sóz- úlken maǵyna.Týǵan jerimniń ár qarakóz qyzdaryn,árbir rýhty jigitin, árbir kúmis-kómeı jez tańdaı ánshisin, árbir shabyt izdegen qalamgerin,barsha baılyǵyn súıemin.Óıtkeni ,barlyǵymyzda Otan jalǵyz.Ózge eldiń abyroıyn  asqaqtatqansha,týǵan jerimde ózimdi patrıot sezingenim jaqsy emes pe? Patrıottyq sezimdi qarapaıym sózben sıpattaý shyn máninde qıyn.Boıyńdy úlken maqtanysh sezimi kerneıdi.Otandy súıý de óner,biraq barshaǵa mindet.Elbasymyz aıtqandaı Otandy súıý - órkenıettiliktiń birinshi belgisi.

Týǵan jer-asyl sóz.Qazaq tilinde bul sózdi aıyrbastaýǵa bolarlyq birneshe maǵynalas sózder bar.El,Otan,Atameken,týǵan jer qaısysy bolmasyn júrek tebirentip , oıǵa shomdyrary anyq.Alaıda ózge tilden men dál mundaı sózdi keziktirmedim.Men ózińmen maqtanamyn týǵan jerim!

 

Ahmed Janna.
 

---