Halyqaralyq olımpıada jeńimpazdaryna JOO-ǵa túsý kezinde basymdyq berilmek
Halyqaralyq olımpıada jeńimpazdaryna joǵary oqý oryndaryna túsý úshin basym quqyq berilýi kerek. Bul týraly QR Bilim jáne ǵylym mınıstri Ashat Aımaǵambetov aıtty.
Senat qabyrǵasynda «Pedagog mártbesi týraly» zań jobasyn talqylaý barysynda depýtat Sergeı Ershov mınıstrden «Altyn belgi» ıelerine joǵary oqý ornyna túsý kezinde basymdyq berý qajet pe?» dep suraǵan edi.
«Biz munyń qajeti joq dep esepteımiz. Qazir «Altyn belgi» sany tipti geometrıalyq progoresspen artyp jatyr. Búginde «Altyn belgi» ıeleri burynǵydaı belgilerin UBT arqyly rastamaıdy nemese keńes zamanyndaǵydaı oblystyq bilim basqarmasynyń komısıasy teksermeıdi. Mekteptiń ózi bul belgini bere salady. Sondyqtan bul belgini berý jáne qorytyndy jumystardy tekserý quziretin oblystyq basqarma deńgeıine berýdi usynamyz», — dedi mınıstr.
Degenmen, ol halyqaralyq olımpıada jeńimpazdary úshin basym quqyq berý máselesin qaıta kóterý qajet dep sanaıtynyn aıtty.
«Sebebi qazirgi ýaqytta halyqaralyq olımpıada jeńimpazdary basym quqyqsyz qaldy. Olar kóp te emes, jylyna 20-30 adam ǵana. Qazirgi ýaqytta osy halyqaralyq olımpıada jeńimpazdaryn basqa elder alyp ketip jatyr. Sondyqtan halyqaralyq olımpıada, ǵylymı konkýrs jeńimpazdaryna, halyqaralyq sporttyq jarystarǵa qatysýshylarǵa osyndaı basym quqyq berý óte mańyzdy», — dedi A.Aımaǵambetov.
You Might Also Like
-
Árbir isine adaldyqty tý etip, jeke basynyń aqyl-parasatymen keıingilerge úlgi bola bilgen súıikti Ápkemizdi mereıli jasymen quttyqtaı otyryp, otbasynyń berekeli, bala-shaǵasynyń aman bolýyna, densa...
-
Zaman aǵymy alǵa jyljyǵan saıyn básekelestik pen sapa arta túsedi. Tańdaý kóp bolǵandyqtan biri qymbat dúnıelerge úıir bolsa,biri arzanǵa úıir. Arzannyń sorpasy tatymas. Desek te halyq arasynda tar...
