InfoHub Logo

Týǵan jerin súıe almaýy degenimiz, menińshe adam balasy dúnıege shyr etip túsken jerinen bastap, ósip- óngen, júrgen  ortasyn umytyp, týǵan elin, ózi jetilip tolǵandaı bolǵan adamı qasıetten jurdaı adamdardy aıtýymyzǵa bolady. Naqtyraq aıtsaq, óz elin umytyp qana qoımaı, tilin, dinin, salt- dástúrimen ádet- ǵurpyn, halyqtyq dástúrge saı yrym- joralǵylaryn bilmeıdi.Sondaı adamdardan óz Otanyna jany ashymaı,  ultarazdyqty qozdyryp , iritki salatyn  oılardy aıtý –adamdyq is  emes ekenin  aıta alamyz. «Elinen bezip, elsizde ólgenniń, eki kózin qarǵa shuqıdy» - demekshi, belgisiz bir sebeptermen adasyp,  elin satqan  adamdar  ózge elderde  de ómir súre almaı ,óz qatelikterinen opyq jep jatqandar qanshama? Eki kózin qarǵa  shuqýy , qarǵanyń qara nıeti  qus ekeni, opasyz adamdardy birden biletini baıqalady.  Sonymen adamgershilik qasıetten  ada,  ıakı óziniń ultyn aıtýǵa uıalatyn, tipti ózi týǵan ata- anasynan  jerip,  tanı almaýy, adamdy esalań, máńgúrt etedi.  

Árbir adam balasy, týǵan jerin, týǵan aýyldyń aýasyn, týǵan ólke tabıǵatyn, týǵan tilin saǵynbaıtyn adam kemde- kem shyǵar. Men týǵan jer, aq tóbeniń baýraıynda ornalasqan Aqtóbe  qalasynda týdym. Aqtóbe qalasy ózge óńirlerden ózgesheligi Elek ózeniniń ústinde ornalasqan. Qysy aq tútek boran bolsa, kúzi  aq jaýyndy  nóserelete jaýatyn, kóktemi kún ylǵaldy, jazy qońyr salqyn bolatyn qala, men úshin eń ystyq, eń qymbat atameken bolyp  keledi.Osy qalada  mektep qabyrǵasynda bolyp, keıin ózim qalaǵan  tildiń sheberi bolýy armanymmen oqý bitirip, qazirgi  balalarǵa jylylyq  meıirim tógetin  ustazdyq  qyzmetimdi jalǵastyrýdamyn. Eń aldymen Qazaqstan Respýblıkasynyń   Prezıdenti  Q.K.Toqaev  joldaǵan  «Syndarly qoǵamdyq dıalog- Qazaqstannyń  turaqtylyǵy men órkendeýiniń  negizi» atty   taqyryptaǵy  Joldaýynda kórsetilgen «Qazaq tiliniń memlekettik til retinde róli  kúsheıip,  ultaralyq qatynas tiline aınalatyn kezeńi keldi» aıtqandaı, qazaq tiliniń mártebesin arttyrýyna kishkene  bolsa da yqpal etip, iskerlik kezdesý tili retinde qoldanylýyna  bolashaq óskeleń urpaqty úıretýge atsalysýdamyn.

Týǵan jerdiń tútini de ystyq demekshi, týǵan ólkeniń topyraǵyn basyp, jylýyn seziný, árbir talymen kórikti, sýymen móldir, saf, taza aýasymen bizdi erekshe ózine  tartady. Aqtóbeniń  byltyrǵy jyly 150 jyl tolýyn  toılaǵany, ıgi ister jasalyp, qalanyń  kóriktenýine , aýmaǵynyń ósýine, mádenı oryndardyń kóptep ashylýy biz úshin úlken áser qaldyrdy. Týǵan jerlerde talaı tanymal juldyzdar, elge tanymal qoǵam qaıratkerleri kelip, óńirden shyqqan belgili kásipkerler ózderiniń jyly lebizderimen  qolushyn berýi  halyqty tańǵaldyrdy. Sonymen birge  álemge aty daýsymen tanylǵan D. Qudaıbergen sıaqty kózinde jastyqtyń oty bar, jastar jylymen  tuspa-tus kelýi kelýi, qalamyzda óziniń jeke konsertin berýi  halyqqa erekshe áser etti.

Qorytyndylaı aıtqanda «Máńgilik eldiń» qyrandary bar, bolashaqta mıllıon halqy bolatyn megapolıs aımaǵy «Aqtóbede» turatynyma maqtanysh etemin, álemge aty shyǵatynymyzǵa kámil senemin.

Aqtóbe qalasy №61 jalpy bilim beretin orta mekteptiń 

qazaq tili men ádebıeti pániniń muǵalimi Serǵazyqyzy Ásel

---