InfoHub Logo

Tulǵaǵa baǵyttalǵan bilim – bilim berýdi jańartýdyń basty baǵyty

Búgingi kúni jeke tulǵany damytýǵa baǵdarlanǵan, izgilikti, shynaıy demokratıalyq nyshandaǵy búkil adamzattyq qundylyqtardy alǵa shyǵaratyn bilim berý júıesin qalyptastyrýda iri-iri qadam jasalynýda. Esimi barshamyzǵa belgili «aqqan juldyz» atanǵan Sh.Ýálıhanov «Halyqtyń kemeline kelip órkendeýi úshin eń aldymen azattyq pen bilim qajet» degen bolatyn. Qazir biz azattyq alǵan, Táýelsizdigimizge 20 jyl tolǵan egemen elmiz.
Al Táýelsiz el tiregi – bilimdi urpaq desek, jańa dáýirdiń kún tártibinde turǵan kelesi másele – bilim berý, ǵylymdy damytý, órkenıet bitkenniń ózegi – bilim, ǵylym, tárbıe ekenine eshkimniń talasy joq. Osy oraıda bilim ordasy mektep ekendigi barshaǵa málim.

Qazaqstandyq mektepterdi jańartý tujyrymdamasy jalpy bilim berýdiń basym baǵyttaryn, oqýshy men muǵalimniń ózara yntymaqtastyǵy úlgisin bilim berý úrdisinde qalyptastyrý men ártúrli oqý - is-áreketin qamtıtyn oqytý ádisteriniń úılesimdiligi negizinde júzege asyrylýy tıis ekendigin anyqtap berip otyr. Bul basym baǵyttar mektepte bilim berýdi damytýǵa negiz bolady. Osyǵan oraı mekteptiń ár satysynda oqytý men tárbıe berýdiń maqsaty, bilim mazmunyn irikteý ustanymdary, sondaı-aq, oqýshylardyń daıyndyq sapasyn baǵalaý tásilderi naqtylanady.

Qalamyzdaǵy bilim oshaqtarynyń biri - 91-oramda ornalasqan №10 orta mektebi. Búgingi tańda mekteptiń aldyna qoıyp otyrǵan basty mindetteriniń biri qabiletti jeke tulǵany qalyptastyrý bolyp tabylady.

Mektepte qazirgi kezde 425 bala bilim alyp, 3 jaspen 5 jas aralyǵyndaǵy balalarǵa arnalǵan «Baldáýren» shaǵyn ortalyǵynda 25 bala tárbıelenýde.

Básekege qabiletti tulǵany qalyptastyrý – pedagogıkalyq ujymnyń barlyq músheleriniń birigýin talap etedi. Tulǵaǵa baǵyttalǵan bilim - oqýshylardyń tulǵalyq erekshelikteri ashylatyn, qasıetteri qalyptasatyn, múmkindikteri júzege asyrylatyn oqytý jaǵdaıy. Ár oqýshynyń bolmysy arqyly damytýshylyq, shyǵarmashylyq oılaý, óz betinshe sheshim qabyldaý qabiletiniń qalyptasýy tıis.

Osy oraıda mekteptiń búgingi bet beınesin jańa qyrynan kórsetip kele jatqan №10 orta mektep ujymynyń ótken oqý jylynda jetken jetistikteri az emes. Bilim shańyraǵyndaǵy áleýmeti myqty, ıntellektýaldyq qabileti, kásibı biligi joǵary ustazdar ujymnyń 51 %-yn quraıdy.

Mektepte oqýshylardyń ǵylymı zertteýge qyzyǵýshylyǵyn qalyptastyrý, shyǵarmashylyq qabiletterin tanytý jáne damytý, shyǵarmashylyq sıpattaǵy jeke tulǵalardy tárbıeleý jumystaryn júrgizý maqsatynda «Jas órken» oqýshylar ǵylymı qoǵamy jumys jasaıdy. Osy ǵylymı-izdenis qoǵamy músheleriniń, 10A synyp oqýshysy Álisherova Aqerkeniń «Ulytaý jer-sý attarynyń qoıylý erekshelikteri», 6A synyp oqýshysy Esengalıeva Gýlimniń «Frazeologızmy rýsskogo ıazyka», 9V synyp oqýshysy Seıtbattalova Nazıranyń Stıl «RETRO» taqyryptaryndaǵy ǵylymı - izdenis jumystary QR kishi ǵylym akademıasynda Almaty oblystyq 20-shy ǵylymı-praktıkalyq konferensıasynda qorǵalyp, arnaıy jınaqqa engizildi. 13 oqýshy respýblıkalyq «Rýsskıı medvejonok» zıatkerlik saıysynda júldeli 1,2 – oryndarǵa, 5 oqýshy qalalyq pán olımpıadasynda júldeli 1, 2 oryndarǵa ıe bolsa,

Jas mýzykanttardyń 45 Oblystyq konkýrsynda 3B synyp oqýshysy (skrıpkashy) Mýrzatova Leıla İ oryndy, İİ oblystyq Mahambet oqýlarynda «Uly arman» nomınasıasy boıynsha 9A synyp oqýshysy Toqtamysova Qýanysh İİ oryndy, «Shaǵyn qalalardyń qoldaýyna memleket arnaıy saıasat qoldanýy qajet» taqyrybynda ótkizilgen «Debat-2010» aımaqtyq pikirtalas saıysynda mektep oqýshylarynan qurylǵan «Aqıqat toby» İİ oryndy, Qaraǵandy qalasynda ótkizilgen «Kóshbasshy zańger» zıatkerlik oıynyna qatysqan 11A synyp oqýshysy Jańabaı Aıdana 2 dárejeli dıplomdy, 5A synyp oqýshysy Qaljanov Oraz Bolgarıa jáne Túrkıa memleketterinde ótken halyqaralyq taekvando baıqaýynda İ oryndy qanjyǵasyna baılady.

«Dıdar» telearnasynyń uıymdastyrýymen ótkizilgen El Táýelsizdiginiń 20 jyldyǵyna arnalǵan «Batyrlar jyryn jatqa aıtam…» baǵdarlamasyna 5B synyp oqýshysy Zeınel Nursultan jyl boıy qatysyp, telearnanyń Alǵys hatymen marapattaldy.