InfoHub Logo

HVİİ-HVİİİ ǵasyrlarda bul tóńirek Qoqan hanynyń qolastynda bolǵan eken. Qoqan ákimderiniń buıryǵy boıynsha sol jerdiń turǵyndary kún saıyn salyq retinde bir qyz jáne bir túıe jońyshqa men astyq ákelip ákimderge tapsyryp otyrǵan. Bul kezek Túlkibaı úıine de jetken. Túlkibaı — Alasha rýynyń el namysyn qorǵaıtyn batyry bolǵan. Qoqan ýázirleriniń buıryǵyn oryndaýǵa kelgen jendetterdi Túlkibaı qaıtaryp jibergen. Qaryndasyn jáne ózine tıesili salyqty «ózim aparamyn» deıdi, biraq ol tań sáride saýyt-saımandaryn asynyp alyp, ordaǵa jalǵyz ózi keledi. Bul ordada Túlkibaı batyrdyń Qoqan handyǵyna satylyp ketken aǵasy bolǵan. Ol darbazany ashyp Túlkibaıdyń ordaǵa kirýine múmkindik beredi. Ordaǵa kirgen soń Túlkibaı ákimderiniń barlyǵyn óltiredi, biraq sol ákimderiniń biri qashyp qutylady. Ol qashyp, Qyzylordaǵa baryp habar beredi. Bul kezde Túlkibaı elinen pana izdep, basqa jerge qashyp shyqqan edi. Qoqan hanynyń ýázirleri Túlkibaıdy Qarmaqshy kópiriniń tusynda tutqynǵa alyp, basyn shapqan. Sodan olar Túlkibaı batyrdyń basyn naızanyń ushyna ilip, eline kórsetpekshi nıetpen alyp kelgen. Buny kórgen jary daýys shyǵaryp jylaıdy. Sol mezette batyrdyń sheshesi bylaı degen:

— Qaraǵym, bosqa kóz jasyńdy sarqyma. Ol — jeri úshin, eliniń namysy úshin qurban bolǵan batyr. Ózi ólgenmen de, erligi saqtalady, — deıdi.

Qalmaqtar Qyzylordaǵa ketken soń, qazaq jigitteri Túlkibaı batyrdyń kegin alýǵa attanady. Ordaǵa jetpeı qalmaq (qoqan) jendetteriniń kúl-talqanyn shyǵarǵan.

Oqýǵa keńes beremiz:

Jıdebaı batyr (İ nusqa)

Jıdebaı batyr (İİ nusqa)

Taraqty Baıǵozy batyr týraly

---