InfoHub Logo

Taqyryby: Turaqty elektr togy taraýyn qorytyndylaý sabaǵy
Sabaqtyń maqsaty:
Bilimdilik: Elektr qubylystaryn bilý, bilimderin turmysta kúndelikti qajetke qoldana alý, ekologıalyq, ekonomıkalyq bilim berý.
Damytýshylyq: Oqýshylardyń oı - órisin, damytýǵa, belsendilikterin arttyrý, pikir alysyp, toqpen jumys istep, óz bilimderin ózderi baǵalaı bilýge mashyqtandyrý.
Tárbıelik: Oqýshylardy sabaq prosesinde qoldanylatyn elektrlik qondyrǵylar arqyly zerek bolýǵa, jumys isteý arqyly
eńbekke degen súıispenshilikterin arttyrýǵa tárbıeleý.

Sabaqtyń ádisi: suraq – jaýap, praktıkalyq, qaıtalaý, tirek – konspekt, STO, Venn dıagramsy.
Sabaqtyń tıpi: bilimdi jınaqtaý, júıeleý, qorytyndylaý sabaǵy.
Sabaqtyń kórnekiligi: Sabaq josparyna sáıkes slaıdtar, tájirıbelik qajetti qural - jabdyqtar: ampermetr, vóltmetr, kilt, ótkizgish symdar, rezıstor, tok kózi, sham, elektrlik qońyraý, deńgeılik test tapsyrmalary, kúndelikti turmysta paıdalanylatyn elektro - tehnıkalyq zattar, tirek - syzbalar.

Sabaqtyń barysy:
I. Uıymdastyrý kezeńi (oqýshylardyń sabaqqa qatysýyn tekserý)
II. Úı tapsyrmasyn tekserý.
1. Ótken sabaqta synyp oqýshylary úsh topqa bólinip, tapsyrma berilgen.
I top. Kúndelikti turmysta paıdalanylatyn elektrlik quraldar,
II top. Osylardyń ishindegi tizbekteı jalǵanatyny,
III top. Osylardyń ishindegi paralel jalǵanatyndary.
Ár toptan bir - bir oqýshy jaýap beredi.

2. Ár topqa jeke - jeke tirek shemalary beriledi de, top ishinen bir oqýshy jaýap beredi.

3. Muǵalim: kúndelikti turmysta paıdalanyp júrgen elektrlik quraldardan basqa, qala kóshelerinde, ózimizdiń aýdan ortalyǵyndaǵy Kókpektide kóshedegi kólikterdiń, jaıaý júrginshilerdiń júristerin rettep otyratyn, elektr toǵymen avtomatty túrde jumys isteıtin ne?
Oqýshylar: Baǵdarsham.
Muǵalim: Ol qandaı tústerden turady?
Oqýshylar: qyzyl, jasyl, sary.
Muǵalim: Árkim óziniń qaýipsizdigin saqtaý úshin, kóshede júrý erejesin bilýi kerek. Mine, turaqty elektr toǵy taraýyn oqyp bitirgennen keıin óz bilimderińdi tekserip bilý úshin meniń qolymda jańaǵy tústerge sáıkes jazylǵan test suraqtary tur. Ár túske sáıkes túrli baǵa qoıylady.
Qyzyl -«5»
Jasyl -«4»
Sary –«3»
Árkim, óz bilimin ózi baǵalap, test tańdap alady. (test jumysy oryndalady)
Test suraqtaryna jaýap berip bolǵannan keıin, jaýap paraqtaryn bir - birimen almastyryp, taqtadaǵy jaýappen tekseredi. (slaıd arqyly)
Muǵalim: Sonymen qatar qazirgi kezde qolynda dıplomy bar maman ıeleri de memlekettik jumysqa ornalasar aldynda test tapsyrady. Bizdiń aramyzda da test qorytyndysyna baılanysty ǵylymı qyzmetkerler, konstrýktor, laboranttar otyr dep eseptep sabaǵymyzdy ary qaraı jalǵastyramyz.
2. Ár top oqýshylarynyń aldynda elektrlik qondyrǵylar qoıylǵan, osy qondyrǵylardy paıdalanyp, tizbek shemasyn konstrýktorlar syzyp, laboranttar tizbekti qurastyryp, ǵylymı qyzmetkerler ólsheý jumystaryn júrgizedi. Nátıjesin taqtaǵa jazady.(skaner arqyly taqtaǵa túsiriledi)
3. Aýyzsha esepter. (slaıd arqyly kórsetiledi)
4. Kúndelikti turmysta qoldanyp júrgen elektrlik zattardyń birazy bizdiń qolymyzda tur. Mysaly: chaınık, tefal, kıpátılnık. Ár topqa osylardyń bireýi beriledi.
1/. Olardyń anyqtamalarynda kórsetilgen fızıkalyq shamalardy paıdalana otyryp, qalǵan belgisiz shamalardy eseptep shyǵý.
2/. Jylý qubylystary taraýyn ótkende 3 lıtr sýdy qaınatý úshin qansha jylý mólsheri qajet ekendigin eseptep shyǵarǵanbyz. (Q=1008000Dj.) Osy mándi paıdalana otyryp, úsh qatarda 3 l sýdy qansha ýaqytta qaınatyp shyǵaratyndyqtaryńdy eseptep shyǵaryńdar.
5. ( slaıd kórsete otyryp ) taraýdy qorytyndylaý.
6. «Neni bildim, neni bilgim keledi?» dıagram toltyrý.
7. Úıge tapsyrma: Taraý boıynsha qaıtalaý, dıagram toltyrǵanda týyndaǵan suraqtarǵa jaýap izdestirý.
Jeke tapsyrma: 1) 3l. sýdy qaınatý úshin qansha kómir kerek ekendigin esepteý.
2) kómir janǵan kezde SO2 kómirqyshqyl gazy bólinip shyǵady, osy gazdyń adam aǵzasyna tıgizer zıany qandaı?
3) Búgingi kúni qarjy daǵdarysyn eskersek 3l sýdy qaınatý úshin ekonomıkalyq jaǵynan bizge tıimdisi qaısysy? Tokpen qaınatqan tıimdi me, álde kómirmen qaınatqan tıimdi me?