Túrkistandaǵy mektepterdiń birinde jańa oqý maýsymy atyspen bastaldy
Jańa oqý jyly túrkistandyq mektepterdiń biri úshin tótenshe jaıtpen bastaldy. 2 qyrkúıek kúni joǵarǵy synyp oqýshylary ózara eregisip, munyń sońy atyspen aıaqtalǵan. Buzaqylardyń arasynda mektepti burynyraq bitirip ketkenderi de bar. Olar ustalyp, qazir sotqa deıingi tergeý amaldary bastalyp ketti.
Jegilikti TVK telearnasynyń habarlaýynsha, atys saldarynan úsh bala jaraqat alyp, aýrýhanaǵa jetkizilgen. Úsheýine de oq tıipti, qazirgi jaǵdaılary týraly aqparat joq. Polıseıler bolsa osy iske qatysy bar eki kúdiktini ustaǵan.
«Tóbelesten keıin dereý 15 jastaǵy Bekjan Baqdáýlet esimdi oqýshy ustaldy. Odan zattaı aıǵaq retinde 16 kalıbrli ańshy myltyǵy tárkilenip alynǵan. "Buzaqylyq" deregi boıynsha qylmystyq is qozǵalyp, tergeý amaldary júrip jatyr. Ekinshi kúdikti — 18- jastaǵy Dinıslam Raýshanbek. Polıseıler odan travmatıkalyq tapansha tárkilep aldy. "Zańsyz qarý-jaraq saqtaý" deregi boıynsha qylmystyq is qozǵaldy. Oryn alǵan osy jaıttan keıin qalada jappaı aldyn alý sharalaryn bastap kettik»,- deıdi Turkistan qalalyq İİB basshysy Bahadyr Bıtursynov.
Aıta keteıik, sońǵy 8 aıda Túrkistanda jasóspirimder qolymen jasalǵan 9 qylmys tirkelgen. Polıseıler olardyń barlyǵynyń ashylǵanyn aıtyp otyr.
Aqparat kózi: Sn.kz
You Might Also Like
-
Bir rettik aıyppul 7 aılyq eseptik kórsetkish kóleminde. Bul 15 myń teńgege jýyq qarjy. Al sabaqtan qashý faktileri qaıtalansa, ata-analarǵa 42 myń teńgeden astam aqsha tóleýge týra keledi.
