InfoHub Logo

Taqyryby: Turlaýly músheler
Bilimdilik maqsaty: Sóılemniń turlaýly músheleri, jalań, jaıylma sóılemder týraly bilimderin keńeıtý, sóılem múshelerine taldaý, sóılem músheleriniń baılanysyn anyqtaı bilý daǵdysyn qalyptastyrý.
Damytýshylyq maqsaty: Sóılemdi júıeli qura bilip, ózdiginen qorytyndy jasaı bilý daǵdysyn damytý.
Tárbıelik maqsaty: İzdenimpazdyqqa, zerdelilikke, maqsatyna jeter joldaǵy qıyndyqty jeńe biletin batyldyqqa tárbıeleý.
Ádisi: taldaý, jınaqtaý, dáleldeý, toptaý
Kórnekiligi: sýretter, syzbalar, qıma sýretter, aspan deneleriniń maketteri

Sabaqtyń barysy:
1. Uıymdastyrý.
Tústi tańdaý arqyly úsh topqa bóliný, oqýshylarǵa sáttilik tileý.
2. Psıhologıalyq daıyndyq.
Túster arqyly kóńil - kúılerin anyqtaý. Shattyq sheńberin qurý. Óleńniń mazmunyna sáıkes qımyldar jasaý.
Dostar birge júremiz,
Birge oınap kúlemiz.
Birge ósken jandaımyz,
Mine, bizder qandaımyz!

3. Kórkem jazý.
Ǵarysh álemine sholý jasaý. Ǵaryshqa saıahat jasaý úshin daıyndyqty tekserý.
1) Uqsaıdy ózi shalǵyǵa,
Elestet kóz aldyńa.
Qane, oılanyp tabaıyq,
Boldy eken bul qaı árip? (Ǵ árpi) Ǵ árpiniń artıkýlásıasy.
Ǵ árpin bir jol jazý.
2) Juptyq jumys. Qıma qaǵazdar taratý. Ár top qıma qaǵazdardy biriktirip, tutas bir beıne qurastyrady. Osy beıne sýretterden ǵ dybysy bar sózderdiń ataýlaryn dápterge jazý.

4. Úı tapsyrmasyn tekserý. Jerge saıahat jasaý.
Zer – zer kilem, zer kilem,
Kótereıin desem zor kilem.(Jer)
Jer týraly qosymsha derek aıtý.
1) Maqaldardy jalǵastyrý: Jer -?, Sý -?, Mal -?.
Erejeni eske túsirý.
2) Sýretti syzbamen jumys. Sóılem oılaý, taldaý.
1 - top: Bastaýysh -?
2 – top:? - baıandaýysh.
3 - top: Zat esim -?.

5. Jańa sabaq. Marsqa saıahat jasaý.
Jarqyraıdy, qyzyl shoqtaı janady,
Burqyraıdy qumdy daýyl borany.(Mars)
Mars týraly qosymsha derek aıtý.
Dıagram boıynsha jumys. Úsh topqa boljam jumystary taratylady. Oqýshylar osy tirshilik ortasyna beıim janýardy tabady. Sóılem qurastyrady, erejeni ózderi qorytyndylap shyǵarady.
6. Sergitý sáti. Quıryqty juldyzǵa saıahat jasaý. (mýzyka áýenimen)
Sanaımyz qansha, bilmeımiz,
Túnimen kóz ilmeımiz.(Juldyzdar)

7. Kitappen jumys. Sholpanǵa saıahat jasaý.
Shyǵystan týady,
Shashyrap shýaǵy.
Batystan shyǵady,
Aspannyń sulý shyraǵy.(Sholpan)
Sholpan týraly derek aıtý.
69 - bet. 172 - jattyǵý. Dápterge kóshirip jazý, sóılemderden turlaýly múshelerdi tabý
Turlaýly músheler týraly uǵymdaryn tıanaqtaý, uqsastyǵyn, aıyrmashylyqtaryn tabý.

8. Bekitý. Kúnge saıahat jasaý.
Aspandaǵy alyp dop,
Jarqyraıdy jaryq bop.(Kún)
Kún týraly qosymsha derek aıtý.
Venn dıagramsy.

9. Qorytyndy.
Muǵalim: Balalar, «Talapty bala – talpynǵan qustaı, Qumary qanbas aspanǵa ushpaı»- degendeı, sender ózderińdi naǵyz ǵaryshkerlershe ustadyńdar. Ǵarysh álemi jumbaqqa toly. Erteńgi kúni ǵaryshkerlerdiń jolyn qýyp, aspan denelerin zerttep, jańalyq ashyp, ǵylymǵa zor úles qosarsyńdar. Men senderge senemin!
Toptardyń ár tústi dóńgelekti tańdaýlaryna qaraı baǵalaý.

10. Úı tapsyrmasyn berý. Halyq boljamdaryn izdestirý.