InfoHub Logo

Bilim berý salasy: «Tanym»
Uıymdastyrylǵan oqý qyzmeti: «Sensorıka»
Taqyryby: «Túrli - túster álemine saıahat»
Maqsaty: Balalardyń túster jáne pishinder týraly bilimderin bekitý. Úlken - kishi uǵymdaryn ajyratýǵa úıretý, pıramıdany jınaýdy oryndata otyryp, usaq qol motorıkasyn jetildirý. Balalardyń oıynǵa degen qyzyǵýshylyqtaryn arttyrý.
Ádis - tásilderi: kórsetý, túsindirý.
Bılıngvaldy komponent: qyzyl - krasnyı, sary - jeltyı, kók - sınıı, jasyl - zelenyı.
Kórnekilikter: sharlar, dıdaktıkalyq quraldar, slaıd, aıaldama belgisi salynǵan sýretter.
Sózdik jumys: qyzyl, kók, sary, jasyl.
Oqý qyzmeti:
Motıvasıalyq qozǵaýshylyq
Tárbıeshi: Shattyq sheńberi:
Qane túzý turaıyq
Amandasyp alaıyq,
Sálemetsińder me, balalar!
Sálemetsiz be apaılar!
Balalar tárbıeshimen birge qaıtalaıdy.
İzdený - uıymdastyrýshylyq:
Tárbıeshi:- Balalar qazir jyldyń qaı mezgili?
Balalar:- Qys mezgili
Tárbıeshi:- Iá, balalar, qys mezgili.
Qysta kún qandaı bolady?
Balalar:- salqyn bolady, adamdar jyly kıinedi.
Tárbıeshi:- Qysta ne jaýady? Qys aılaryn ataıyqshy.
Balalar:- ıá, qar jaýady.
- jeltoqsan, qańtar, aqpan.
Tárbıeshi:- Balalar, búgingi uıymdastyrylǵan oqý qyzmetimizde erekshe bolǵaly tur.
- Balalar qane, qazir biz túrli - túster álemine saıahatqa shyǵamyz. Saıahatqa barý úshin kólikpen barýymyz kerek. Qandaı kólikpen baramyz?
Balalar:- Avtobýspen
Tárbıeshi:- Avtobýspen baraıyq. Avtobýsqa mineıik.
- Balalar, biz birinshi aıaldamaǵa keldik. Bul aıaldama «Sharlar»aıaldamasy dep atalady. Bul aıaldamadan ári qaraı ótý úshin «Sharlardy óz sebetine jınaımyz». Dóńgelek sharlardy óz tústerine qaraı qorapqa jınaımyz.
- Ár baladan jekelep tústerin suraý.
Bılıngvaldy komponent: qyzyl - krasnyı, sary - jeltyı, kók - sınıı, jasyl - zelenyı.
Sergitý sáti:
Bala - bala balaqan
Qane kórset alaqan
Saýsaqtarym aıbat
Bylaı - bylaı oınat.
2 - aıaldama. «Úıshik»aıaldamasy.
Tárbıeshi: Bul aıaldamadan ótý úshin «Qustarǵa uıa jasaımyz»Balalarǵa geometrıalyq pishindi úıdiń qabyrǵasyn berip, sol úıdiń shatyryn salýdy, pishinderdi oryn - orynyna qoıý kerektigin aıtamyn.
Tárbıeshi:- Jaraısyńdar, balalar! Úıdiń qabyrǵasynyń pishini qandaı?
Balalar:- Sharshy
Tárbıeshi:- Shatyrynyń pishini qandaı?
Balalar: - úshburysh
Tárbıeshi:- Sharshynyń túsi qandaı? Úshburyshtyń túsi qandaı?
Balalar:- kók
Tárbıeshi: Balalardan jekelep suraımyn.
- Balalar, kelesi aıaldamaǵa kettik, avtobýsqa minińder. Balalar, bul qandaı aıaldama? Bul «Pıramıda»aıaldamasy eken.
3 - aıaldama: «Pıramıda»
Tárbıeshi:- Balalar, myna jerde pıramıdalar shashylyp qalypty. Pıramıdalardy jınaımyz ba? Pıramıdalardy jınamas buryn eń úleninen kishisine qaraı jınaımyz. Qane, balalar, menimen birge ilesip jınańdar. Aldymen eń úlkenin, sodan keıin sál kishiregin, sosyn osylaı ret - retimen jınaı beremiz. Pıramıdanyń saqınalary nesheý?
Balalar:- kóp
Tárbıeshi:- Iá, olar kóp eken.
Tárbıeshi: Jaraısyńdar, balalar, endi topqa baratyn ýaqytymyz boldy. Avtobýsqa otyryp topqa qaıtamyz.
Reflekstik - túzetý:
Tárbıeshi:- Balalar, biz qaıda bardyq?
Balalar:- Túrli - tústi sharlar álemine.
Tárbıeshi:- Aıaldamalardy ataıyqshy.
Balalar:- «Sharlar», «Avtobýs», «Úıshik» aıaldamalary.
Tárbıeshi:- Jaraısyńdar, balalar, búgingi oqý qyzmetimizge jaqsy qatystyńdar.
Qol ustasyp turaıyq
Sheńber jasap turaıyq
Kóriskenshe kún jaqsy,
Saý salamat bolaıyq!
Kútiletin nátıje:
Jasaıdy: Tústerdi toptastyrýdy;
Túsinedi: Kóp, bireý uǵymdaryn;
Qoldanady: Kólemi boıynsha saqınany tańdaı otyryp, pıramıdany jınaýdy.

Atyraý qalasy, Birlik aýyly,
№35 «Balaqaı» bóbekjaı-baqshasynyń tárbıeshisi
Ýrazova Dına Rahymjanovna