InfoHub Logo

Jazdyń sytyq bir kúninde Syr boıynan qyrdaǵy elge jolaýshylap kele jatqan Altyn Seıitjan aqyn bir aýylǵa sýsyn ishýge burylady. Bul aýyl óziniń qaıyn jurty, Jetirýdyń Teleýiniń aýyly bolyp shyǵady.

Aıaldaǵan úıinde ataqty Turmaǵambet aqyn otyrsa kerek. Seıitjandy alystan tanyǵan qaıynaǵa, baldyzdary Turmaǵambet aqynnan bir sózden súrindirip berýdi ótinedi. Eki aqyn burynnan tanys, ári qatar eken. Amandasyp, otyryp bolǵan soń Turmaǵambet:

— Jer degen ne, kók degen ne, túsinseń túsin, túsinbeseń áttegene? — depti.

Sonda Seıitjan aqyn múdirmesten bylaı degen eken:

— Jer degen sahı, kók degen sarı, túsinseń, túsin, túsinbeseń, sen de bir sábı, — dep jaýap qatady.

Úndemeı oılanyp qalǵan Turmaǵambetten Seıitjan júrip ketken soń baldyzdary «ne dedi?» dep surapty. Sonda Turakeń:

— Ol «aspandaı móldir taza, jerdeı meıirimdi, jomart bolý kerek» dep ketti degen eken.

Sonda «sahı» — parsysha jomart degen, «sarı» — móldir, taza degen sóz eken.

---