InfoHub Logo

Buryn bir baı túlkige ý salady eken. Jylqy baǵyp júrgen Qoshtaı keı kezderde osyndaı ý jep ólgen túlkige kezigip qalyp, paıdalanyp ta júrse kerek. Bir kúni álgi baı Qoshtaıdan:

— Sen dalada túlki taýyp alǵan joqsyń ba? — dep surapty syr tartyp.

— Joq, taqsyr, túlki maǵan ustata ma, ol qý ǵoı? — depti Qoshtaı túk bilmegensip.

— Anaý kúni osy aýylda bir shal daladan ý jep ólgen túlkini taýyp alyp, soıyp jatqanda ýlanyp qalyp, ólip qala jazdap baryp áreń jazyldy, — depti baı ony qorqytyp qoımaq bolyp.

Bir kúni tańerteń baı shaıyn iship jatqanda syrttan Qoshtaıdyń aıǵaılap shaqyrǵan daýysyn estip syrtqa shyqsa, Qoshtaı on neshe qulash qaıys arqannyń bir ushyn túlkiniń artqy sıraǵynan baılap alyp taqymyna basyp, soza tartyp entigip tur eken.

— Úı, batyreke, munyń qaıtkeniń? — dep yza bolypty baı, qońyrala túlkiniń qabyrǵa jonynyń sypyrylyp túsip qalǵanyn kórip.

— Anaý kúni ózińiz ý jegen túlkini ustasa, ýlanyp qalady dedińiz emes pe? Myna quryqpen artqy sıraǵynan tuzaqtap aldym da, jol boıy súıretip áreń jettim, — depti.

Qoshtaıdy dańǵoı, esirik dep oılaǵan baı keıin onan kúmándanbaıtyn bolypty.

---