InfoHub Logo

Ulttyq biryńǵaı testileýdi ótkizýdiń qaǵıdalaryna jáne Ulttyq biryńǵaı testileýdi ótkizýdiń bekitilgen kestesine sáıkes UBT 2 - 9 maýsym aralyǵynda ótkizildi, dep habarlady QR BǴM baspasóz qyzmeti.

«Testileýge ótinish bergen 86999 túlekten 84079 bitirýshi qatysty, sonyń ishinde qazaq tilinde - 61739, orys tilinde -  22340 bitirýshi syn tapsyrdy. 

Testileýdiń nátıjesi boıynsha shekti 50 baldy 14252 túlek (16,95%), onyń ishinde qazaq tilinde tapsyrǵan - 10267, orys tilinde tapsyrǵan - 3985 oqýshy jınaı almady», delingen habarlamada.

Málim bolǵandaı, bes pánnen 100 baldan joǵary jınaǵan túlek sany - 16565. Múmkin bolǵan 125 baldy 19 bitirýshi jınady.

Testileý aıaqtalǵannan keıin barlyq UBT qatysýshylaryna pánder boıynsha jınaǵan baldary kórsetilgen sertıfıkattar berildi. Osy sertıfıkattyń negizinde olar normatıvtik qujattarda belgilengen qajetti eń tómengi baldy jınaǵan jaǵdaıda joǵary oqý oryndaryna aqyly negizde oqýǵa túsýge jáne bilim granttaryn taǵaıyndaý konkýrsyna qatysýǵa quqyly.

---