InfoHub Logo

UBT aıaqtalǵannan keıin testileý kezindegi vıdeolar bir aı boıy qaıta tekserýden ótedi. Eger de emtıhanda talapker tarapynan zańsyz áreketter anyqtalsa, onda onyń jınaǵan upaıy joıylady. Bul týraly QR Bilim jáne ǵylym vıse-mınıstri Mıras Dáýlenov málim etti.

Onyń sózine qaraǵanda, UBT-dan keıingi bir aıǵa jýyq ýaqytta testileý kezinde túsirilgen beıne jazbalar qaıtadan tekseriledi.

«Postmonıtorıngke toqtalsaq, bul turǵyda UBT tapsyrylǵannan keıin 20-30 kún qamtylady, ıaǵnı testileý kezindegi vıdeomaterıaldar tekseriledi. Eger de test kezinde adam kóshirip otyrǵany taspadan anyqtalsa, onda ol adam oqýdan shettetiledi. Iaǵnı, onyń sertıfıkatynyń kúshi joıylady», - dep túsindirdi vıse-mınıstr Ulttyq testileý ortalyǵynda ótken keńeste.

Budan buryn habarlanǵandaı, Mıras Dáýlenov testileýge talapker óziniń ornyna basqa bireýdi jiberse, bul jaǵdaıda atalǵan adam bir jylǵa emtıhan tapsyra almaıtynyn aıtty.

---