InfoHub Logo

​Ustaz degen sátte kóz aldymyzǵa bolashaqqa baǵyt berýshi, bilimmen danalyqty bir arnada toǵystyrǵan ulaǵatty uly tulǵa elesteıdi. 

Ustaz-jas urpaqtyń rýhanı jeteleýshi, qoǵam, halyq óziniń úmiti mol bolashaǵyn tapsyratyn senimdi ókili. Olar sol senimdi aqtaı otyryp, zedeli de zerek, parasatty, ulttyq jáne adamzattyq qundylyqtardy boıyna darytqan tulǵalardy tárbıeleýde. Qazirgi zaman muǵaliminen tek óz pániniń tereń bilgiri bolý emes, tarıhı tanymdyq, pedagogıkalyq-psıhologıkalyq saýattylyq, saıası ekonomıkalyq bilimdilik jáne aqparattyq saýattylyq talap etilýde. Qazirgi muǵalimder ómirine túisinistik tanytamyn. Olar qaǵazbastylyqtan sharshap, ár úıdiń buzyǵyn tártipke salamyn dep júıkesi jipteı juqarady. Oınaýdan jalyqpaıtyn sábı sekildi óz isine mahabbatpen qaraıtyn adam qandaı qıyndyq bolsa, temirdeı tózimdilik tanytady. Sondyqtan da muǵalim - mektep júregi.

​Kezindegi ǵylymnyń negizin qalaýshylardyń bári de osy ustaz aldynda bas ıgendigin jasyrmaıdy. Al qazirshe? Ustazdyń orny qanshalyqty mańyzdy. Táýelsiz elde tárbıelenip jatqan jasóspirimder muǵalimdi qadirlep oǵan bas ıedi dep oılamaımyn. Áıtsede bes saýsaq birdeı demeımin, alaıda demografıalyq memlekette ómir súrip jatqan qoǵam óziniń quqyǵyn qur jibermeıdi. Burynǵy ýaqyttaǵy ata analar «eti saǵan súıegi maǵan» dep balasyn senip tapsyratyn, muǵalim anańdy shaqyramyn dese janymyz shyr etip qorqatyn edik. Qazir kerisinshe muǵalim ata anadan qorqady. Ǵalamtor jelilerinde muǵalimin mazaq etip jatqan ár túrli vıdeolar jıi tarap ketken. Balalarǵa qatty sóıleı qalsań, jumystan shyǵasyń. Bul úshin kimge kiná taǵamyz. Oqýshylardyń shekten shyqannyma nemese ustaz degen uly tulǵa óz qadirin túsirip alǵanyma. Men bizdiń jastarymyzdyń ejelgi zaman fılosoftaryn úlgi alǵanyn qalar edim. Munan olar shákirtterdiń ustazdaryna qandaı iltıpatpen jáne qurmetpen qaraǵanyn kórer edi.

Samatuly Madı

---