InfoHub Logo

Taqyryby: Uly eldiń ulanymyz (oqyrmandar konferensıasy)
Maqsaty:Oqýshylarǵa elimizdiń ulttyq merekesi-Táýelsizdik halqymyzdyń san ǵasyrlar boıy azattyq jolyndaǵy kúresiniń, sol joldaǵy kórgen azaptary men qıyndyqtarynyń jadymyzda jańǵyryp, osy jyldarda jetken jetistiktiń aıshyqty bop kórinetin meıramy ekendigin uǵyndyrý.

Kúı: «Kóńil tolqyny»
-Tildesip kókpen taýlaryń,
Jaıqaldy jasyl ormanyń,
Alataý, Qarataýlarym,
Eldikti bizge mura etip,
Erliktiń kúıin tolǵadyń.
-Saltanatpenen sán qurǵan,
Elim bar búgin jańǵyrǵan.
Baqytym-Atamekenim,
Tulparlar tuıaq shaldyryp,
Suńqarlar qanat taldyrǵan.
-Berekeli elmin, qutty elmin.
Atty azat tańym-kútken kún.
Qazaqstanym mekeni-
Yntymaq penen dostyqtyń,
Keńdik pen kemeldikterdiń.
-Dalamdy Babam mura etken,
Jaıqaltar sony túlek men.
Qalalar jaıyp qanatyn,
Aýylymdy araı nur ópken.
Qazaqstanymdy qasıetti
Súıemin alaý júrekpen!

-Armysyzdar qadirli qonaqtar, aıaýly ustazdar,oqýshylar!
Táýelsizdik merekesiniń 20jyldyǵyna arnalǵan «Uly eldiń ulanymyz» taqyrybyndaǵy oqyrmandar konferensıasyna hosh keldińizder! Búgingi kúni oqýshylar ejelden erkindik ańsaǵan er qazaqtyń eń asyl muraty eńseli el bolý jolyndaǵy kúresteri, baǵa jetpes uǵym táýelsizdiktiń jetistikteri týraly óz oılaryn ortaǵa salady.

Elimizdiń ulttyq merekesi-Táýelsizdik halqymyzdyń san ǵasyrlar boıy azattyq jolyndaǵy kúresiniń, sol joldaǵy kórgen azaptary men qıyndyqtarynyń jadymyzda jańǵyryp, osy jyldarda jetken jetistiktiń aıshyqty bop kórinetin meıramy.Táýelsizdik merekesi árbir qazaqstandyqtardyń júregine jaqyn keledi jáne táýelsizdik elimizdiń jarqyn bolashaǵyna bastaý bolǵan bul merekeli kún elimizdiń búgingi órkendeýi men bolashaǵynyń nyq ekendigine senim uıalatady.
Tarıhta Táýesizdikke jol ashqan jeltoqsan oqıǵasy, elimizdiń egemendigi úshin alańǵa shyǵyp narazylyq bildirgenderdiń erligi, táýelsizdikke qosqan úlesteri týraly oqýshylardyń oıyn tyńdap kóreıik
Jeltoqsan oqıǵasy týraly 9-synyp oqýshylary Ótebolatova Aıgúl men Mýsaǵalıeva Aıjan ózderiniń daıyndaǵan jumystary týraly aıtady.

Táýelsizdiktiń arqasynda tarıhymyzdy túgendep, tilimizdi, dinimizdi qaıta oralttyq jáne Memleketimizdiń ulttyq rámizderi qabyldandy.
Rámizim-eldigimniń belgisi,
Bilý kerek bala-daǵy eń kishi.
Rámizderim-Tý, Eltańba, Gımndi,
Rámizderdi jatqa bilgen jón kisi.
(Memlekettik Rámizder týraly 5a-synyp oqýshylary Nurseıit Nursultan, Kenbaeva Aızada, 11a-synyp oqýshysy Zakonova Aıgerim aıtady).
Elimiz egemendik alǵaly jyldan-jylǵa kórkeıýde, sonyń bir dáleli retinde Qazaqstan Respýblıkasynyń astanasy-Astana XX ǵasyrdyń eń jas astanasy retinde tarıhqa endi. Astana qalasy týraly 5a-synyp oqýshysy Óteǵalıeva İńkárdiń oıyn tyńdaıyq.
Táýelsizdik – eń basty qundylyǵymyz. Bul kúnge san ǵasyrlar boıy armandap jettik. Táýelsizdiktiń 20jyldyǵy tarıhta óz erekshelikterimen qalady. Táýelsizdik týraly 8-synyp oqýshysy Zeınolla Gúlnaz óz oıyn ortaǵa salady.

N.Nazarbaev-álemniń asa iri memleket basshylary moıyndaǵan qazaq memleketiniń eń alǵashqy basshysy, dúnıe júzine áıgili saıasatkerlerdiń biri. Ol el basqarý isinde halqymyzdyń ǵasyrlar boıy jınaǵan baı tájirıbesi men álemdik tájirıbeni tal boıyna toǵystyrǵan alymdy da alǵyr basshy.
Mine, Qadirli qonaqtar, ardaqty ustazdar! Táýelsizdiktiń ár tańy, ár kúni, ár aıy tarıhı mán mańyzy aıryqsha, jaýapty sheshimderge tola, Qazaq eliniń jańasha tarıhyn jaza bastady.
Elimizdiń ótkenin óremiz jetkenshe jetkizýge tyrystyq. Alaıda ózgermes bir aqıqat bar. Ol-Qazaq jeri, Qazaq eli bárimiz úshin de qasıetti meken, qasterli topyraq. Árbir azamat onyń tarıhyn, ádebıeti men mádenıetin, eń bastysy-adamyn qadirlep, ótkenin syılaı, búgingisin sezine, keleshegin qorǵaı bilgeni abzal.
Keleshek qandaı bolady? Ol myna Siz ben bizge baılanysty, Degenmen óshirilmes ótkenniń ishinde orny tolmas el táýelsizdigi men birliginiń mańyzy erekshe.

Birligimiz bekem bolsyn!
Kúı:«Balaýsa»
Kóterip bıik minbege,
Keýdeme sazdy ún bergen.
Kógime nurly kún bergen,
Aınaldym altyn elimnen!
Júzime ásem ár bergen,
Janyma qýat nár bergen,
Jerime jańa túr bergen,
Túr berip jupar gúl bergen,
Aınaldym azat elimnen!
Dombyra berip qolyma,
Jón siltep túzý jolyma,
Ádildik, ardy qorǵaǵan,
Aınaldym týǵan jerimnen

-Táńirden tynyshtyq suraǵan, ómirden yrys-qut suraǵan babamnyń armany sensiń, Táýelsiz Otanym!
- Kúıshi dombyrasynyń kúmbiri, aqyn júreginiń shyn jyry-sensiń, Qazaqstan!
-Keleshekke senimim, urpaǵyńnyń armany sensiń- Qazaqstan
«Táýelsizdiktiń 20jyldyq toıy-toı toılaý úshin emes, táýelsizdikten taǵylym alý úshin kerek» dep Elbasy N. Á. Nazarbaev aıtqandaı, búgingi uıymdastyrǵan «Uly eldiń ulanymyz» taqyrybyndaǵy oqyrmandar konferensıasy -Táýelsizdik toıyna qosqan óz úlesimiz.
- Qadirli qonaqtar, berekeli birligimizdiń mereıi ústem bolsyn!
Elimizdiń egemendigi jasaı bersin!