InfoHub Logo

Jeńis kúni - elimiz úshin orny erekshe mereke. Naǵyz ultshyldyqty oıatatyn, rýhanı sezim beretin, tarıhymyzdy eskerip, sol jeńisti syılaǵan ardagerge bas ıetin jeńisti kún. Álemdi dúr silkindirgen Uly otan soǵysyn eske alýdyń ózi aýyr. Qan men jany bir arnada bolsa da, oılanbastan eli úshin óziń qurban etken sol soǵystaǵy ata - apalarymyzdyń erlik isteri máńgi ólmeıdi.
Bıyl jeńis týynyń jelbiregenine jetpes jeti jyl tolady. Týra sol bir sum soǵystyń aıaqtalǵanyna jetpes jeti jyl. Ardaqty ardagerlerimizge qansha alǵys aıtsaq ta sol kezde kórsetken bir eńbegin de óteı almaǵanymyz anyq. Jeńis kúni jaqyndaǵanda árdaıym meni bir oı qynjyltady.“Nege biz ardagerlerimizdi tek toǵyzynshy mamyr kúni ǵana eske alamyz?„. Osy suraq meniń sanamnan shyqpaıdy, jıi mazalaıdy. Urpaqtaryna táýelsizdiktiń aq tańyn syılaǵan batyrlarymyzǵa nege tek Jeńis kúni qarsańynda ǵana eskerip, bas ıemiz? Táýelsizdik, jeńis - Táńirdiń bizge bergen syıy deımiz aý, degenmen jeńiske degen jolda qansha batyr atalarymyz basyn báıgege tikti! Bar asylynan bas tartty, armany uly otan soǵysynda óz erligin kórsetý, eli úshin janyń berý. Sony umytpasaq deımin. Búgingi tańdaǵy jahandaný, jastardyń aıaǵyn alshaq basyp júrýi, halyqtyń erkindikte ómir súrýi bári-bári jeńistiń, saýsaqpen sanarlyq batyrlarymyzdyń arqasy.
“Er esimi - el esinde saqtalady„ - deıdi dana halqymyz. Sol bir qantógis jyldar mıyna máńgi saqtalǵan ótken kúniń batyrlary ıaǵnı ardagerlerdiń búgingi jaǵdaıy qandaı? Árıne kóńil qýantarlyq emes... Óz halqy úshin janyń shúberekke túıgen batyrlarymyzdy nege tek sóz arqyly qadir tutamyz?! Bul álbette bizdiń qate. Batyr atalarymyzdyń ornyńda bolyp, sol ótip ketken surapyl kezeńdegi sum soǵysty óz basymyzdan ótkizbeı, túsinip bolmaımyz. Ata - babalarymyzdyń qaharmandyǵyn tek sol kezde ǵana túsinerimiz anyq. Árıne ońdaı soǵystar elimizdiń mańaıyna jolamasyn, árqashan kók týymyz kókke jelbireı bersin. Eshqashan soǵys bolmaı, álemde tek beıbitshilik bolsyn!
Arýjan Armanqyzy