InfoHub Logo

Klasy: Mektepaldy daıarlyq toby
Tárbıe saǵatynyń taqyryby: «Ulyqty da, alypty da dúnıege ákeletin - ana»
Klasy: Mektepaldy daıarlyq toby
Tárbıe saǵatynyń maqsaty: Oqýshylarǵa 8 naýryz meıramyn qasterleý sezimin damytý, olardyń analarǵa degen balalyq mahabbatyn, birge oqıtyn qyzdarǵa degen syılastyǵyn arttyryp, ana eńbegin ardaqtap, qurmetteı bilýge tárbıeleý. Oqýshylardyń logıkalyq oı - órisin, til baılyǵyn, sózdik qorlaryn baıytý.
Tárbıeshi:
Bul kúndi toılap jatyr barsha halyq.
Áıelder kúni búgin halyqaralyq
Jaryqqa bizdi ákelgen analardy.
Búgingi merekemen quttyqtaıyq.
Uıytqysy januıanyń berekemiz
Analar qutty bolsyn merekeńiz
Árqashan analarymyz aman bolsyn
Alańsyz baqytty ómir biz keshemiz
(Úntaspadan baıaý ádemi bir áýen estilip turady.)
Tárbıeshi: Sálemetsizder me, qurmetti asyl Analar, qyz - qyzǵaldaqtar, qonaqtar, aqjaýlyqty ájeler, qadirli ustazdar!
Qar astynan qyltıyp báısheshek boı kótergenge kóktemniń alǵashqy habarshysyndaı bolyp Analar merekesi keldi. Báısheshek náziktigine qaramastan, qalyń qardyń astynan búrshik jarsa, bizdiń asyl analarymyz da, sonshalyqty náziktigine qaramastan barlyq qıyndyq ataýlyǵa tózimdi. Analar, kóktemgi kúndeı jarqyrap, gúldeı qulpyrǵan gúl merekelerińiz, kún merekelerińiz qutty bolsyn! Kóktemniń shýaqty kúnderindeı, san - alýan gúlderindeı qulpyryp, jaınap júre berińizder! Júzderińizden shattyq, kóńilderińizden qýanysh arylmasyn! - Qymbatty balalar jáne bizdiń qurmetti qonaqtarymyz. Mine, bizdiń eń tamasha jyl mezgili kóktem de kelip jetti. Kúnniń kózi qardy eritip, anamyzǵa, ájelerimizge tipti búkil dúnıe júziniń áıelderine kúlimdeıdi. Meıramdaryńyzben qymbatty analar, 8 naýryz merekesi qutty bolsyn.
Tárbıeshi:
Armysyń ájelerim, analarym,
Meıirban appaq kóńil danalarym.
Gúl kóktemniń alǵashqy meıramymen,
Quttyqtaıdy sizderdi balalaryń, - deı kele, búgingi mektepaldy daıarlyq top oqýshylarynyń analarynyń merekesine arnap daıyndaǵan tárbıe saǵatymyzdy bastaımyz.
(Zalǵa mýzyka áýenimen ul balalar keledi)
Nurdaýlet:
Qurmetti asyl analar, qyz - qyzǵaldaqtar, qadirli ustazdar.
Ersultan:
- Qar astynan qyltıyp báısheshek boı kótergende kóktemniń alǵashqy habarshysyndaı bolyp analar merekesi keldi.
Saǵadat:
- Báısheshek sonshalyqty náziktigine qaramastan, qalyń qardy astynan búrshik jarady. Bizdiń asyl analarymyz da sonshalyqty náziktigine qaramastan barlyq qıyndyq ataýlyǵa tózimdi.
Dıas:
- Búgingi kún aıaýly analar sizder úshin.
Rýslanbek:
- Sábılerińiz sizder úshin de erekshe kún bolmaq. Barlyq ýaqytta shydamdylyqpen, meıirimmen, aqylmen, ystyq qushaǵynda aıamaı mápelep, erkeligimizdi keshire jol siltegen ardaqty analar, búgingi balalyq sezimimiz, ásem ánimiz, kóńildi kúıimiz, demalyp keshimiz.
Barlyǵy: sizderge arnalady.
Tárbıeshi:
Dúnıeniń jaryq kúni – anamyz,
Dana bolsaq anamenen danamyz.
Tyńdańyzdar kóńil qoıyp, aǵaıyn,
Anaǵa arnap taǵy bir án salamyz, - dep, analarymyzdyń qurmetine oqýshylarymyzdyń ánine kezek beremiz.
Án: «Anashym» (hor)
Barlyǵy birge: Analardy súıemiz,
Aqylyn oıǵa túıemiz,
Ájeni de ardaqtap,
Ádeppen bas ıemiz!
Tárbıeshi:
Aý, balalar, bárin qandaı keremet, sulý jigit bolyp ketkensińder. Al tobymyzdyń qyzdary qaıda?
Tárbıeshi:
Balalar, analaryń merekege, toıǵa barar kezde ne isteıdi?
Balalar: ádemi kıinedi, boıanady, shashtaryn ásemdeıdi.
Tárbıeshi: Olaı bolsa, biz sol jerlerden qyzdarymyzdy izdeıik.
Dúken.
Nurdaýlet:
• Alo, alo, sálemetsizder me? Bul kıim dúkeni me? Bizdiń «Daıarlyq tobynyń» qyzdary sizderde bar ma eken?
Telefon jaýaby:
- Sálemetsiz be? Iá, olar bul jerde bolǵan. Sándi kıim satyp alyp, merekege ketti.
Sán salony
Ersultan:
• Alo, alo, sálemetsiz be? Bul sán salony ma eken? Bizdiń «Daıarlyq» tobynyń qyzdary sizderde bar ma eken?
Telefon jaýaby:
• - Sálemetsiz be? Iá, olar bul jerde bolǵan. Shashtaryn sándetip, qazir ǵana taksımen mektepke merekege ketti. Kútip alyńyzdar.
(Mýzyka oınalyp qyzdardy Spanch bob alyp keledi. Balalar qyzdardy otyrǵyzady)
Spanch bob Saǵadat:
• Sálemetsizder me, aıaýly analar men ájeler jáne ustazdar. Sizderdiń qyzdaryńyz joldan óte almaı tur eken. Olardy joldan ótkizip edim, olar meni merekege shaqyrdy. Meni bárin tanıtyn shyǵarsyńdar. Men kimmin? Senderdiń mektepteriń qandaı tamasha?
Tárbıeshi:
• Oı, Spanch bob, saǵan kóp - kóp rahmet. Biz qyzdarymyzdy tosyp otyr edik. Sen bizdiń merekede birge bol.
Tárbıeshi:
Ana degen – jaryq juldyz shyraǵyń,
Ana degen – qaınar ystyq bulaǵyń.
Ana degen – ómirdegi qamqoryń,
Ana degen – súıeneriń, jan qurbym, - dep kezekte oqýshylarymyzdyń analaryna arnaǵan taqpaqtaryna beremiz.
Aqnıet:
Án salǵyzyp bıletip,
Ylǵı bizben júredi.
Taqpaqty da úıretip,
Oınatady kúledi.
Qyzyq - qyzyq ertekti,
Bizge oqyp beredi.
Jylaýyq ta, tentek te,
Bizdiń apaıǵa kónedi.
Nurdaýlet:
Murat, múlde, maqsatym,
Jaqsy kún men jaqsy tún.
Naǵyz baqyt ananyń,
Aqtaý der em aq sútin.
Aqyl quıǵan sanama,
Kúnnen artyq rasynda.
Kún alysta al anam,
Ylǵı meniń qasymda.
Arýjan:
Kir túsirmeı jaǵama,
Shashymdy da taraısyń.
Mektepke men bararda,
Meıirlene qaraısyń.
Ana meni «aıym» deıdi,
Men muńaısam ýaıym jeıdi.
Anam meni «kúnim» deıdi,
Men qýansam kúlimdeıdi.
Ersultan:
Teńdesi joq danasyń,
Arqa súıer panasyń.
Eńbegińdi aqtaımyn,
Aman bolshy anashym.
Búgin 5 - tik baǵa aldym,
Taǵy, taǵy alarmyn.
Úzdik oqý tartýym,
Meıramyna anamnyń.
Bı: Túrik bıi
Bıleıtin: Jonysqyzy Dıana
Tárbıeshi:
Qar, muz erip,
Sý kóbeıip,
Saı - salada aǵady,
Búrshik shashyp,
Japyraq ashyp,
Jer gúl shashaq taǵady.
Balalar aıtyńdarshy,
Bul qaı kezde bolady?
Balalar: (kóktemde)
Tárbıeshi: Balalar, qarańdarshy, kópten kútken mezgilimiz kóktem de keldi, saǵynǵan!
(Kóktem bılep keledi)
Kóktem: (Aqnıet)
Naýryz aıy kóktemmin,
Kúlimdep kúmbez kókte kún.
Jaıqalǵan jasyl japanǵa,
Jylýlyq nuryn tókkenmin.
Sálemetsińderme, balalar, apaılar, analar! Búgingi merekelerińizben quttyqtaımyn! Menimen birge jylýlyq pen ásemdikte keldi, senderge degen syılyǵym bar. (gúlderin kórsetedi)
Tárbıeshi: Rahmet, Kóktem hanshasy! Endi bizben birge bol, tórge shyq!
Dıana:
Men ne kerek desem,
Bárin izdep tabasyń.
Aınalaıyn anashym,
Jumysyńa barasyń.
Qaıtyp meni kórgende,
Shyn saǵynyp qalasyń.
Saǵadat:
Baýyrsaq shaınap jegizgen,
Jaıa desem jal berip,
Sheker desem, bal berip,
Aıalap mama emizgen,
Aıaýly anam, aman bol.
Tárbıeshi:
Ana deımiz bárimiz de ańqyldap,
Ana deıdi jas sábı de jarqyldap.
Ana degen – báıteregi ómirdiń,
Ana degen – altyn qazyq, altyn baq, - deı otyra, kezekti oqýshylardyń analaryna arnaǵan ánine beremiz.
Án: «Apam úshin» (hor)
Rýslanbek:
Taýsylmaıdy óleńi,
Kúnde aıtyp beredi.
Barǵan saıyn bir jaqqa,
Kámpıt alyp keledi.
Ájem meni óıtkeni,
Óte jaqsy kóredi.
Meniń ájem jyr ájem,
Altyn ájem, kún ájem.
Anam úshin, men úshin,
Naǵyz ana, ol ájem.
Kórkem:
Mápeleısiń meni, anam,
Qasyńdaǵy qusyńdaı.
Qulpyra ósip dem alam,
Qushaǵyńa qysylmaı.
Jylylyqtan jaralǵan,
Qushaǵy onyń tań eken.
Meniń aıdaı anamnan,
Asqan sulý bar ma eken.
Dıas:
Ún qatamyn bal tilmen,
Erkeleımin ár kún men.
Quttyqtaımyn anashym,
Segizinshi naýryzben.
Aıtsań boldy til alam,
Áıbat mamam, aı mamam.
Seni kórsem qýanam,
Sen kereksiń qaıda da.
Tárbıeshi: Balalar endi biz analarymyzdy synap oıyn oınatyp kóreıikshi.
Oıyn: «Aıaly alaqan»
(2 - 3 ananyń kózi baılanady, óz balalaryn taýyp alý kerek. Balalardyń orny aýystyrylady)
Tárbıeshi: Rahmet sizderge, analar!
Dıana: Kim oılap tapqan
Sózderdi eń aıaýly.
Jaqsy kórip jattadym
Endi bildim olardy
Kimniń oılap tapqany:
«Ana» degen sózdi de,
«Aǵa» degen sózdi de,
«Áke» degen sózdi de,
«Tátti» degen sózdi de,
«Ata» degen sózdi de,
«Apa» degen sózdi de,
Oılap tapqan balalar!
Saǵadat: «Kúnim»
«Janym» degendi
«Qulynshaǵym» degendi
«Botaqanym» degendi
«Qoshaqanym» degendi
«Aınalaıyn» degendi
«Tolǵan aıym» degendi
Oılap tapqan Analar!
Muny bile bermeıdi.
Bizde keıbir balalar.
Tárbıeshi:
Myń buralyp bı bılep,
Án de salyp beremiz.
Osylaısha shattyqpen,
Bizder ósip kelemiz, - dep ortaǵa mektepaldy daıarlyq top qyzdarynyń bıine kezek beremiz.
Bı: «Kóńildi bı» (Daıarlyq top qyzdary, qolshatyrmen)
Bıleıtinder: Daıarlyq top qyzdary
Kórinis: Eki ana
Ortaǵa ústel qoıylady. Aınalasyna úsh oryndyq. Ústel astynda qýyrshaq jatady.
Qatysýshylar: tárbıeshi, qyz, ana
Tárbıeshi:
Oıynnan kelgen Kórkem,
Qýyrshaǵyn izdedi.
Ústeldiń astynan tapty da
Hal surady kózdedi
Kórkem:
Qyzym meniń qalaısyń?
Tomsyraıyp qaraısyń
Qarnyń ashyp otyr ma?
Tamaq ishseń jaraısyń
Eger tamaq ishpesiń
Qý súıek bop qalasyń
Otyr qane qasyma
Tamaqtanyp alasyń
(qýyrshaǵyna tamaq beredi)
Tárbıeshi:
Arýjannyń osy sát
Anasy úıge kiredi
Taǵat tappaı qyzynyń
Halyn surap biledi
Anasy:
Kórkem jan búgin sen
Tamaq iship kórdiń be
Qyzyqtap álde oıyndy
Keshke deıin júrdiń be?
Kúnde saǵat umytpaı
Tamaǵyndy ish deımin
Til almaısyń qyrsyǵyp
Osy seni ne isteımin.
(Qyzynyń qasyna tamaqqa otyrady)
Tárbıeshi:
Analardyń eljirep
Et baýyry barady
Ár qaısysy suqtanyp
Óz qyzyna qarady
Balalar bári:
Qandaı qıyn qarańdarshy.
Qyrsyq minez bala bolý
Bárine de ońaı emes
Bilesińder me ana bolý
Bı: Gúlder bıi (Arýjan, Aqnıet, Kórkem, Dıana)
Tárbıeshi:
Aıalaıyq analardy árdaıym,
Qýanyshqa bóleıikshi ózderin.
Ájelerdiń, analardyń, qyzdardyń
Muń shalmasyn kúlim qaqqan kózderiń, - dep ortaǵa 2 - 3 anany shaqyramyz.
Oıyn: «Sóz tapqanǵa qolqa joq»
Ártúrli suraqtar jasyrylady, analar «A» árpinen bastalatyn sózben jaýap berýleri kerek.
(oıyn oınalady)
1. Sizdiń esimińiz?
2. Balańyzdy qalaı erkeletesiz?
3. Siz jumys jasap otyrsyz, al balańyz maza bermeı jatyr, ne dep aıqaılaısyz?
4. Jaqsy kóretin merekeńiz?
5. Súıip ishetin taǵamyńyz?
6. Qandaı sandy unatasyz?
7. Jaqsy kóretin ánińiz qandaı?

Bı: Sándi qyzdar men uldar (Mektepaldy daıarlyq top oqýshylary)
Tárbıeshi: Jaqsy, analar sizge kóp - kóp rahmet deımiz.
Tárbıeshi: Endigi kezekte oqýshylarymyzdyń analaryna arnap jasaǵan syılyqtaryn tabystasyn.
(Syılyq berý sáti)

Qortyndy:
Tárbıeshi:
Ana degen – asyl jandar bolattaı
Ana degen – móldir jandar bulaqtaı.
O, adamdar qadirleı bil anany
Jat qylyqqa aqyl oıdy tonaltpaı.
Analar, qalqyp baqyt aralynda
Laıym muń qonbasyn janaryńa
Osymen erteńgiligimizdi aıaqtaıyq
Gúl bitsin bárimizdiń qadamymyzǵa, - deı otyryp, ardaqty analar, apalar, meıramdaryńyz qutty bolsyn!
Mine, qurmetti abzal jandy analar, ájeler. Sizderdi taǵy kóktemniń alǵashqy merekesimen quttyqtaı otyryp. Búldirshinderdiń daıyndaǵan gúl shoǵyn qabyl alyńyzdar. Kóńil qoıyp tyńdaǵyndaryńyzǵa rahmet!